Wuj Richin ri Rutikeribel 19:16 - Kaqchiquel Bible

¹⁶ Jak'a ri Lot man niniman ta k'a. Roma ri' xepe ri ka'i' ángel xkichop-el chi ruq'a' rija', ri ruq'a' ri rixjayil y ri kiq'a' ri e ka'i' rumi'al, roma ri Jehová kan janila xujoyowaj kiwech. Xekelesaj k'a pe chiri' y xekik'uaj k'a chuchi' ri tinamit y xekiya' kan chiri'.

Wuj Richin ri Rutikeribel 19:16 ပူးပေါင်းရင်းမြစ်များ

2 Pedro 2:9

Ronojel re' nuk'ut chi ri Dios kan yerukol ri e uk'uayon jun k'aslen ri achi'el nrajo' rija' toq yek'oje' pa jun tijoj-poqonal. Jak'a ri winaqi' ri man kik'uan ta jun choj k'aslen, rija' xa yeruyek-apo richin ri q'ij toq xtiq'at-tzij pa kiwi'.

Tito 3:5

rija' xojrukol k'a pe chupan ri qamak. Man roma ta yalan choj ri k'aslen qak'uan toq xojrukol-pe, xa kan roma xujoyowaj qawech. Roma ri rusamaj ri Loq'olej Espíritu, xuch'ej ri qánima, xojruch'ajch'ojirisaj y xuya' jun k'ak'a' k'aslen chiqe.

2 Corintios 1:3

Tiqaya' ruq'ij ri Dios, ri rutata' ri qajaw Jesucristo. Rija' jun tata'aj joyowanel, y chuqa' kan jun Dios ri nukuquba' kik'u'x ri e richin chik.

San Juan 6:44

Y xubij: Man jun wineq ri xtipe wik'in wi man ja ta ri nata' taqayon-pe, y nink'asoj-el chikikojol ri e kaminaqi' chupan ri ruk'isibel q'ij.

San Lucas 18:13

Jak'a ri moloy méro k'a nej xk'oje-wi kan richin nich'on rik'in ri Dios, pa'el y jun lukul-wi chiri', roma chuwech rija' kan man ruk'amon ta nuyek ri runaq' taq ruwech chikaj. Rija' nubajila' k'a ruwa-ruk'u'x, y nubij k'a chire ri Dios: Tajoyowaj nuwech, roma yin in jun aj-mak chawech, nicha'.

Wuj Richin ri K'uxla'anik 3:22

Chi ri rajowabal ri Jehová kan man jun bey xtik'is. Ri rutzil rija' kan richin tibe-q'ij tibe-seq.

Wuj Richin ri Isaías 63:9

Toq rije' xek'oje' pa jun nimalej bis, chuqa' rija' kan xbison kik'in. Y kan ja ri ru-ángel ri xto'on kichin. Roma ri rajowabal y ri rujoyowanik, roma ri' xerukol y kan xeruyek chik el jun bey, y kan keri' ri rubanon-pe.

Wuj Richin Bix Chire ri Dios 136:1

Tiya' ruq'ij ri Jehová roma rija' kan janila jebel; roma ri rujoyowanik rija' kan richin jantape'.

Wuj Richin Bix Chire ri Dios 119:60

Yin kan ninwajo' k'a ninnimaj atzij, y man ninwoyobej ta na richin ninben.

Wuj Richin Bix Chire ri Dios 118:1

Tinimirisaj ruq'ij ri Jehová, roma rija' kan janila utz, roma ri rujoyowanik rija' kan richin jantape'.

Wuj Richin Bix Chire ri Dios 111:4

E nima'q taq banobel yeruben ri Jehová richin natabel richin. Rija' kan joyowanel y koch'onel.

Wuj Richin Bix Chire ri Dios 107:1

Kixmatioxin rik'in ri Jehová, roma rija' kan janila utz; roma ri rajowabal kan richin q'asen.

Wuj Richin Bix Chire ri Dios 106:8

Man rik'in ri' ri Jehová kan xerukol roma ri rajowabal richin chi xtitz'etetej ri ruchuq'a' rija'.

Wuj Richin Bix Chire ri Dios 106:1

Kan tinimirisaj ruq'ij ri Jehová. Tiya' ruq'ij ri Jehová, roma rija' kan janila jebel, roma ri rajowabal kan richin q'asen.

Wuj Richin Bix Chire ri Dios 103:13

Ri Jehová kan nujoyowaj k'a qawech roj ri niqaya' rejqalen rija'. Kan achi'el k'a jun tata'aj ri nujoyowaj kiwech ri ralk'ual.

Wuj Richin Bix Chire ri Dios 86:15

Jak'a rat ajaw kan at Dios joyowanel y koch'onel, man chi'anin ta k'a nipe awoyowal y ri awajowabal kan man jun bey xtik'is y rat man jun bey yojamalij kan.

Wuj Richin Bix Chire ri Dios 86:5

Roma rat ajaw kan janila at utz y at kuyunel, ri awajowabal man jun bey nik'is kik'in ri yekanon awichin.

Wuj Richin Bix Chire ri Dios 34:12

Wi rix niwajo-qa-iwi', y wi niwajo' k'iy q'ij richin yixk'ase',

1 Crón 16:34

Kan janila qojmatioxin chire ri Dios, roma rija' kan janila utz; roma ri rajowabal y ri rujoyowanik kan richin tibe-q'ij tibe-seq.

Deut 4:31

man xkixrumalij ta kan, ni man xkixruk'is ta el chuwech re ruwach'ulew, ni chuqa' man xtumestaj ta ri jikibel-tzij ri xuben kik'in ri qati't-qamama', roma rija' kan jun Dios joyowanel.

Wuj Richin ri Q'axanri'il 14:18

roma rat kan man chi'anin ta nipe awoyowal, k'o janila joyowan-wech awik'in. Nakuy kimak ri itzel taq kibanobal y nakuy kimak ri nikipaba-ki' chawech, stape' kan naya' rutojbalil pa kiwi' ri kan e banoy richin ri etzelal y kan k'a niqaqa na pa kiwi' ri kalk'ual, ri kiy-kimam y numej k'a pa rukaj sol winaqi'.

Ex 34:6

Y jari' toq ri Jehová xq'ax k'a el chuwech ri Moisés y xubij: ¡Ja yin Jehová! ¡Jehová jari' ri nubi'! Ri kan in joyowanel y koch'onel y man chi'anin ta k'a nipe woyowal y kan janila nim ri nujoyowanik y kan ninben ri ninbij.

Romanos 9:18

Y keri', niqatz'et k'a chi rik'in ri Dios k'o-wi chi nujoyowaj ruwech jun wineq o wi xa nukowirisaj ri ránima chupan ri itzel ruk'aslen.

Wuj Richin ri Josúe 6:22

Jak'a ri Josué xubij yan chike ri e ka'i' nachanela': Xkixok chupan ri rachoch ri Rahab y xkebe'iwelesaj-pe, chuqa' konojel ri e rach'alal achi'el ri ya'on-tzij ri ibanon kan rik'in, xcha'.

2 Pedro 2:7

Chuqa' xukol-pe ri Lot, ri kan choj ruk'aslen. Rija' kan xq'axon ránima roma xerutz'et ri ch'aqa' chik winaqi' chi xkik'uaj jun itzel k'aslen.

Wuj Richin ri Rutikeribel 19:15

Y toq niseqer yan pe, ri ka'i' ángel xkipararej k'a ri Lot y xkibij chire: Kayakatej y chi'anin ri' tak'uaj-el ri awixjayil y la ka'i' ami'al, man xa kek'is kan wawe' chupan re rutojbalil rumak re tinamit, xecha'.

Ex 34:7

Ri nujoyowanik yin kan xtik'oje' k'a kik'in ri winaqi' ri yepe chi wiq chi tanaj, richin jantape'. Yin kan ninkuy k'a ri itzel taq kibanobal, ri kiyakatajinenri'il y ri kimak. Chinuwech yin, ri yebanon etzelal kan k'o chi nikik'ul ri rutojbalil roma ri kimak. Ri rutojbalil ri kimak ri tata'aj, kan xkerumej ri kalk'ual, ri kimam, ri xikin-kimam y ri kalk'ual ri kixikin-kimam, xcha' ri Jehová.

Deut 5:15

Toqaqa k'a chi'ik'u'x toq xixxime' pa samaj pan Egipto, y yin Jehová ri in i-Dios rik'in k'a wuchuq'a' xixinwelesaj-pe, y roma ri xinben iwik'in, roma ri' k'o chi nichajij ri q'ij richin uxlanen.

Deut 6:21

Rix xtibij chike: Roj xojxime' pa samaj kik'in ri aj-Egipto, jak'a ri Jehová xojrelesaj-pe chiri' rik'in ri nimalej ruchuq'a'.

Deut 7:8

Ri Jehová ri qa-Dios kan yojrajo', y roma ri' xuben k'a ri rujikiban chik chike ri qati't-qamama'. Rik'in ronojel ruchuq'a' xojrukol-pe pa kiq'a' ri aj-Egipto y xojrelesaj-pe chiri' ri akuchi xqatej-wi poqon roma xojya'ox pa kowilej taq samaj.

Wuj Richin Bix Chire ri Dios 32:10

Ri e banoy etzelal kan janila q'axo'n k'o kik'in, jak'a ri kikuquban kik'u'x rik'in ri Jehová e nojineq rik'in ri rujoyowanik rija'.

Wuj Richin Bix Chire ri Dios 33:18

Jak'a ri Jehová kan yeruchajij ri k'o rukiy ri Dios chikiwech. Yeruchajij ri nikikuquba' kik'u'x rik'in ri rajowabal ri man k'isel ta.

Wuj Richin Bix Chire ri Dios 33:19

Kan yerukol k'a chuwech ri kamik; kan ruya'on k'a kik'aslen, stape' k'o wayjal.

Wuj Richin ri Rutikeribel 43:10

Man ta oj aq'aton-qa rik'in re', xa ka'i' yan ta mul qojbe y qojtzolin-pe, xcha' ri Judá.