Wuj Richin ri Rutikeribel 18:8 - Kaqchiquel Bible

⁸ Chuqa' xuya-apo ri mantequilla, ri leche y ri ti wákix ri banon chik rutzil; y rija' xk'oje-apo kik'in richin xutz'et achike nik'atzin chike toq rije' yewa' chuxe' ri che'.

Wuj Richin ri Rutikeribel 18:8 ပူးပေါင်းရင်းမြစ်များ

Wuj Richin ri Rutikeribel 19:3

Jak'a ri Lot janila xuk'utuj chike richin yebe chirij pa rachoch y rije' xkinimaj rutzij. Y rija' xuben jun nimaq'ij kichin rije' y xuben kaxlan-wey ri maneq ch'amilej-q'or rik'in; y rije' xewa' k'a jebel.

Apocalipsis 3:20

Roma yin kan jare' k'a ink'o chik chuchi' ri iwachoch y yinoyon chik apo. Achike k'a ri xtak'axan-pe wichin y nujeq ri ruchi' jay chinuwech, xkinok-apo rik'in, xkiwa' rik'in y rija' xtiwa' wik'in yin.

Gálatas 5:13

Roma rix wach'alal, kan ja ri Dios ri xixoyon, richin xixrukol-pe chuxe' ri pixa'. Jak'a man roma ta ix totajineq chik, roma ta ri' ja ta ri nirayij rix ja ta ri' ri niben. Pa ruk'exel ri' nik'atzin richin niwajowala' y nitola-iwi',

Hechos 10:41

Man k'a chikiwech ta xabachike winaqi' xuk'ut-ri'; xa kan xaxe chiqawech roj ri kan ruch'obon-wi-pe ri Dios pa qawi' ri ojer chi niqaq'alajirisaj ri k'astajibel richin ri Jesús. Y junan k'a xojwa-xojuk'ya' rik'in rija', toq k'astajineq chik pe chikikojol ri kaminaqi'.

San Juan 12:2

Y ri chiri' xban k'a jun nima-wa'in, roma xapon ri Jesús. Ja ri Marta ri ye'ilin-apo ri pa mesa. Ri Lázaro jun k'a chike ri e raq'el-apo ri pa mesa*f13* rik'in ri Jesús.

San Lucas 24:43

K'ari' rija' xuk'ul y xuchop rutijik chikiwech.

San Lucas 24:30

Toq e raq'el chik k'a apo ri pa mesa, ri Jesús xuk'en-apo ri wey, y xrurtisaj, xuper ri wey y xuya' k'a chike.

San Lucas 17:8

Pa ruk'exel ri' nibij chire: Tachojmirisaj ri xtintej re wakami tiqaq'ij, y tachojmirisaj chuqa' awi' rat richin keri' yinawilij-pe re yiwa' y yinuk'ya', y kan k'a toq yikolaj na yin, k'ari' kawa' y katuk'ya' rat, yacha'.

San Lucas 12:37

Kan jebel k'a ruwa-kiq'ij ri samajela' ri koyoben-apo ri kajaw, y rija' yeberutz'eta' chi e k'es. Kan qitzij ninbij chiwe, chi ri kajaw xtuchojmirisaj-ri' richin nisamej, yerutz'uyuba' ri rusamajela' ri pa mesa y nuya-apo chikiwech ronojel ri nitij.

Wuj Richin ri Nehemías 12:44

Chupan ri q'ij ri' xecha'ox kan achi'a' richin nikichajij ri jay richin ri beyomel, richin ri sipanik, richin ri nabey taq ruwech tiko'n, richin ri jun chire ri lajuj chire ri kich'akoj, roma ri winaqi' k'o chi nikik'en-pe juba' chire ronojel ri nipe pa taq juyu' y pa taq tinamit, richin nich'ar chike ri sacerdote y ri levita, y roma ri' ri winaqi' judío janila yekikot kik'in re sacerdote y re levita re'.

Wuj Kichin ri To'onela' 13:15

Y man retaman ta ri Manoa chi ri achin ri', kan ja ri ángel richin ri Jehová. K'ari' xubij chire ri ángel: Nink'utuj utzil chawe richin man jani na yabe, roma niqajo' niqakamisaj jun ti tzuntzun richin niqachaq'arisaj y niqaya' chawe, xcha'. Y ri ángel xubij chire ri Manoa: Stape' xkik'oje-qa, man xtintej ta ri xtaya' chuwe; jak'a wi rat k'o rayibel pan awánima, taporoj jun chikop richin nasuj chire ri Jehová, xcha'.

Wuj Kichin ri To'onela' 5:25

Ri Sísara xuk'utuj juba' ruya' jak'a ri Jael leche xuya' chire. Chupan jun qumbel kichin ri nima'q taq achi'a' xuya-apo t'oqol leche chire

Deut 32:14

Chuqa' chiri' xitej jebelej mantequilla roma ri iwawej kan janila chi leche xkiya'. Xitej kich'akul karne'l y tzuntzun richin Basán, ri jebel e ti'ojirisan. Y xitej ri jebelej taq trigo y xiqum ri jebelej taq vino.

Wuj Richin ri Rutikeribel 18:7

K'ari' ri Abraham junanin xbe akuchi ek'o-wi ri rawej y xberuk'ama-pe jun nima-alaj achij wákix ri más jebel y xberuya' kan chire jun rusamajel richin nuben rutzil. Y re samajel re' kan chi'anin k'a xbe richin xberubana'.

Wuj Richin ri Rutikeribel 18:9

Y toq xekolaj xkibij chire ri Abraham: ¿Akuchi k'o-wi ri Sara ri awixjayil?, xecha'. Y ri Abraham xubij: Wawe' k'o-wi, k'o pa jay, xcha'.

Wuj Richin ri Isaías 7:15

Kan k'a man jani nik'iy-el rija' richin nretamaj ri utz y ri man utz ta, kan xtuqum k'a leche t'oqol y chuqa' xtutej kab ri nikiya' ri taq chikopi'. Y chupan ri q'ij ri', ri ruwach'ulew ri kichin ri e ka'i' rey ri' kan xtimalix kan, y man jun chik xibinri'il xtik'oje'.

Wuj Richin ri Isaías 7:22

Y rik'in ri ti juba' leche ri nikiya' ri taq awej ri', ri rajaw y ri ch'aqa' chik winaqi' ri xkek'oje' kan, xa xtikiqum ri leche ri', y xtikitej kab ri nikiya' ri taq chikopi'.