Wuj Richin ri Rutikeribel 18:7 - Kaqchiquel Bible

⁷ K'ari' ri Abraham junanin xbe akuchi ek'o-wi ri rawej y xberuk'ama-pe jun nima-alaj achij wákix ri más jebel y xberuya' kan chire jun rusamajel richin nuben rutzil. Y re samajel re' kan chi'anin k'a xbe richin xberubana'.

Wuj Richin ri Rutikeribel 18:7 ပူးပေါင်းရင်းမြစ်များ

Wuj Richin ri Rutikeribel 18:6

K'ari' junanin xbe ri Abraham pa jay rik'in ri Sara y xubij chire: Chi'anin tabana' kaxlan-wey, tamuba-qa jun ka'i' arroba k'ej chayun y tachaq'arisaj, xcha'.

Wuj Richin ri Rutikeribel 18:8

Chuqa' xuya-apo ri mantequilla, ri leche y ri ti wákix ri banon chik rutzil; y rija' xk'oje-apo kik'in richin xutz'et achike nik'atzin chike toq rije' yewa' chuxe' ri che'.

Wuj Richin ri Rutikeribel 19:3

Jak'a ri Lot janila xuk'utuj chike richin yebe chirij pa rachoch y rije' xkinimaj rutzij. Y rija' xuben jun nimaq'ij kichin rije' y xuben kaxlan-wey ri maneq ch'amilej-q'or rik'in; y rije' xewa' k'a jebel.

Am 6:4

Rix yixwer pa taq jebelej ch'at ri e banon rik'in key tix. Kan jebel yixkotz'e' pa taq ch'aket ri e buyul y nima'q kaqen. Kan jebel yixnimaq'ijun rik'in alaji' karne'l ri jebel e tiojirisan. Kan jebel ye'itijla' ri nima'q taq wákix.

Wuj Richin ri Malaquías 1:14

Kan xtiqaqa k'a itzel pan iwi' ri yixq'olon, roma xa nisuj jun chikop man ch'ajch'oj ta chuwe, stape' k'o jun utz iwik'in. Yin kan in jun nimalej rey y kan k'o nuq'ij chikikojol ri ruwach'ulew, yin Jehová ri in k'iytisanel richin ronojel ri yibin.

San Mateo 22:4

K'ari' ri rey xeruteq chik el ch'aqa' rusamajela' y xubij-el chike: Tibij chike konojel ri e woyon chupan re jun nimaq'ij re' chi ronojel k'o chik richin niqaben ri wa'in. Ri achij taq nuwákix y ri ch'aqa' chik chikopi' ri jebel e ti'oj ri yek'atzin chupan re q'ij re', xechojmirisex yan y k'o chik richin yetij. Kan kepe k'a chupan re jun k'ulubik re', xcha-el ri rey chike.

San Lucas 15:23

Tibek'ama' k'a pe chuqa' ri ti wákix tiojirisan, y tikamisaj-qa. Tiqabana' k'a jun nimaq'ij y qojwa'.

San Lucas 15:27

Ri samajel ri' xubij chire: Roma xtzolin-pe ri achaq', y utz ruwech xtzolin-pe. Roma ri' ri atata' xuteq rukamisaxik ri ti wákix tiojirisan, xcha'.

San Lucas 15:30

Wakami rat xakamisaj-qa ri ti wákix ti'oj, xaxe roma xtzolin-pe re jun ak'ajol re', ri xa xberuk'isa' yan kan ronojel ri abeyomel kik'in ixoqi' ri itzel kik'aslen, xcha'.

1 Sam 28:24

Ri ixoq ri' k'o jun ti nima-alaj achij wákix rik'in ri jebel ti'ojirisan, y chi'anin xukamisaj. K'ari' xberuk'ama-pe juba' k'ej y xuben kaxlan-wey chire ri maneq ch'amilej-q'or rik'in.