Wuj Richin ri Rutikeribel 18:32 - Kaqchiquel Bible

³² Y ri Abraham xukamuluj chik apo rubixikil: Man ta xtinyek awoyowal yin, nata' Dios, xaxe chik re jun bey re' xkich'on-apo. Rik'in juba' xaxe ta e lajuj ri utz kibanobal ri ek'o, xcha' ri Abraham. Y ri Jehová xubij: Ni, man xtink'is ta ronojel koma ri e lajuj winaqi' ri', xcha'.

Wuj Richin ri Rutikeribel 18:32 ပူးပေါင်းရင်းမြစ်များ

Wuj Kichin ri To'onela' 6:39

Y ri Gedeón xubij chik chire ri Dios: Man tipe awoyowal chuwe wi yich'on chik jun bey awik'in; Xaxe chik k'a re jun bey re' nintejtobej rik'in ri sale'y. Wakami nink'utuj utzil chawe, chi ri sale'y chaqi'j ta y ri ruwach'ulew ch'eqel ta rik'in ri raxq'ab, xcha'.

San Mateo 7:7

Tik'utuj k'a ri nik'atzin chiwe, y ri Dios kan xtuya' k'a pe. Tikanoj, y xtiwil ri niwajo'. Kixoyon, y kan xkixak'axex k'a pe.

Efesios 3:20

Tiqaya' k'a ruq'ij ri Dios, roma rija' kan k'o-wi ronojel uchuq'a' rik'in y nisamej pa taq qánima. Roj kan k'iy wi k'a utzil niqak'utuj chire, jak'a rija' man xaxe ta ri' nitikir nuben. Roj kan man yojtikir ta k'a niqach'ob ronojel ri nitikir nuben rija'.

Wuj Richin ri Miqueas 7:18

Kan man jun chik Dios k'o achi'el rat Jehová, roma rat kan nakuy k'a ri qamak, roj ri xojkolotej kan. Man naya' ri awoyowal pa qawi' richin jantape', roma rat kan at jun Dios joyowanel.

Wuj Richin ri Isaías 65:8

Yin Jehová ri yibin. Toq ri uva ri man jani kewux, y janila kiya'al, ri winaqi' man nikajo' ta nikichoy ri juwi-uva, roma k'a nikiwux na kan ri uva. Keri' chuqa' xtinben yin roma ri wajowabal pa kiwi' ri nusamajela': Y roma ri' man xkenk'is ta el konojel.

Wuj Richin Etamabel-Tzij 15:8

Ri Jehová kan nrixowaj k'a ri nisipex chire roma ri wineq itzel; jak'a ri ch'owen ri nuben ri choj ruk'aslen, kan nikikot rik'in.

Wuj Richin Bix Chire ri Dios 86:5

Roma rat ajaw kan janila at utz y at kuyunel, ri awajowabal man jun bey nik'is kik'in ri yekanon awichin.

Wuj Richin ri Achin Job 33:23

Jak'a wi rija' k'o jun ángel chunaqaj richin nuto', stape' xaxe ta jun chike ri pa 1,000 ri ek'o rik'in ri Dios, kan nubij chire ri ruk'amon chi nuben.

Ex 32:14

Y jari' toq ri Jehová xuq'et k'a ri' y man xuya' ta chik pe pa kiwi' ri ruwinaq, ri ruk'ayewal ri ruch'obon richin nuya' pa kiwi'.

Wuj Richin ri Rutikeribel 18:30

Y ri Abraham xubij chik: Man ta xtinyek awoyowal yin, nata' Dios, re yich'on chik apo jun bey. Rik'in juba' xaxe ta e juwineq lajuj winaqi' ri utz kibanobal, xcha' ri Abraham. Y ri Jehová xubij: Man xtink'is ta ronojel koma ri e juwineq lajuj, xcha'.

Wuj Richin ri Rutikeribel 18:31

Jak'a ri Abraham xukamuluj-apo rubixikil: Nata' Dios, takuyu' juba', chi jun k'ixbel ri ninben chi chaq yich'on-apo. Rik'in juba' xaxe ta e juwineq ri utz kibanobal ri ek'o, xcha' rija'. Y ri Jehová xubij: Man xtink'is ta ronojel koma ri e juwineq, xcha'.

Wuj Richin ri Rutikeribel 44:18

K'ari' ri Judá xjel-apo rik'in ri José y xubij chire: Táta, nink'utuj jun nimalej utzil chawe, richin chi tawak'axaj ri xtinbij chawe, roma rat kan at achi'el ri rey, ri k'o q'atbel-tzij pa ruq'a' y roma ri' tabana' utzil man tiyakatej awoyowal chuwe.

Wuj Richin ri Jeremías 5:1

Ri Jehová nubij: Kixbiyin pa taq bey richin ri tinamit Jerusalem y titz'eta' jebel. Ke'ikanoj pa taq nima'q ruwech bey y titz'eta' wi k'o jun nuben ronojel pa ruchojmilal, jun ri nrajo' nuben xaxe ri qitzij. Wi rix niwil jun, yin xtinkuy rumak ri itinamit Jerusalem.