Wuj Richin ri Rutikeribel 18:30 - Kaqchiquel Bible

³⁰ Y ri Abraham xubij chik: Man ta xtinyek awoyowal yin, nata' Dios, re yich'on chik apo jun bey. Rik'in juba' xaxe ta e juwineq lajuj winaqi' ri utz kibanobal, xcha' ri Abraham. Y ri Jehová xubij: Man xtink'is ta ronojel koma ri e juwineq lajuj, xcha'.

Wuj Richin ri Rutikeribel 18:30 ပူးပေါင်းရင်းမြစ်များ

Wuj Richin ri Isaías 6:5

Jari' toq yin xinbij: ¡Wakami yin yiken! Roma ronojel ri ninbij, man e ch'ajch'oj ta, chuqa' chikikojol winaqi' ri man ch'ajch'oj ta ri kich'abel ink'o-wi. Man rik'in ri' kan xintz'et rik'in runaq'-nuwech ri rey, ri Jehová k'iytisanel richin ronojel, xicha'.

Wuj Richin Bix Chire ri Dios 89:7

Rat kan k'o-wi aq'ij-ak'ojlen chikiwech ri ek'o awik'in. Konojel janila nikixibij-ki' chawech.

Wuj Richin Bix Chire ri Dios 10:17

Ri kirayibel ri kiqasan-ki' chawech, kan jantape' nawak'axaj; kan naya' ruchuq'a' ri kánima y ye'ato'.

Wuj Richin Bix Chire ri Dios 9:12

Ri Dios kan ye'oqaqa chuk'u'x ri ek'o pa tijoj-poqonal y nrak'axaj ri kich'owen; y kan nuya' k'a rutojbalil chike ri kamisanela'.

Wuj Richin ri Achin Job 40:4

Yin xa man jun ok ri wetamabal, man ninwajo' ta chi nojin man nojin ri yenbij-apo chawe; xa más utz nintz'apej re nuchi' rik'in re nuq'a'.

Wuj Kichin ri To'onela' 6:39

Y ri Gedeón xubij chik chire ri Dios: Man tipe awoyowal chuwe wi yich'on chik jun bey awik'in; Xaxe chik k'a re jun bey re' nintejtobej rik'in ri sale'y. Wakami nink'utuj utzil chawe, chi ri sale'y chaqi'j ta y ri ruwach'ulew ch'eqel ta rik'in ri raxq'ab, xcha'.

Wuj Richin ri Rutikeribel 44:18

K'ari' ri Judá xjel-apo rik'in ri José y xubij chire: Táta, nink'utuj jun nimalej utzil chawe, richin chi tawak'axaj ri xtinbij chawe, roma rat kan at achi'el ri rey, ri k'o q'atbel-tzij pa ruq'a' y roma ri' tabana' utzil man tiyakatej awoyowal chuwe.

Wuj Richin ri Rutikeribel 18:29

Y ri Abraham xubij chik apo jun bey: Rik'in juba' xaxe ta e kawineq ri utz kibanobal, xcha' rija'. Y ri Dios xubij: Man xtink'is ta koma ri e kawineq ri utz kibanobal, xcha'.

Wuj Richin ri Rutikeribel 18:31

Jak'a ri Abraham xukamuluj-apo rubixikil: Nata' Dios, takuyu' juba', chi jun k'ixbel ri ninben chi chaq yich'on-apo. Rik'in juba' xaxe ta e juwineq ri utz kibanobal ri ek'o, xcha' rija'. Y ri Jehová xubij: Man xtink'is ta ronojel koma ri e juwineq, xcha'.