Wuj Richin ri Rutikeribel 18:25 - Kaqchiquel Bible

²⁵ Rat kan at choj-wi y man naben ta keri', chi xtak'is ta ruk'aslen ri utz rubanobal kik'in ri itzel taq kibanobal. Chi junan ta naben chike. Y roma rat kan at choj-wi, kan tabana' k'a ri ruk'amon, xcha' ri Abraham chire ri Dios.

Wuj Richin ri Rutikeribel 18:25 ပူးပေါင်းရင်းမြစ်များ

Wuj Richin ri Achin Job 8:3

¿Nuben kami ri Dios chi nuxotoba' rubanik ri ruq'atoj-tzij? ¿Nuben kami rija', ri k'o ronojel uchuq'a' pa ruq'a', chi nuxotoba' rubanik ri chojmilal?

Wuj Richin ri Achin Job 8:20

Ri Dios kan man numalij ta kan ri choj ruk'aslen, y chuqa' man yeruyuqej ta ri yebanon etzelal.

Wuj Richin Bix Chire ri Dios 58:11

K'ari' xtikibij ri choj kik'aslen: Qitzij na wi kan k'o nuch'ek ri jun ri kan choj ruk'aslen; kan qitzij na wi chi k'o jun Dios ri niq'aton-tzij pa ruwi' ri ruwach'ulew, xkecha'.

Deut 32:4

Ri Jehová achi'el jun nimalej abej ri akuchi niqato-wi-qi', y chuqa' ri rusamaj kan tz'aqet rubanik, roma ronojel ri rubey kan e choj-wi. Kan nuben ri nubij y kan man jun q'oloj rik'in. Rija' kan choj k'a nuben rik'in ronojel, y man jun ri man ta pa ruchojmilal ri nuben.

Wuj Richin Bix Chire ri Dios 94:2

Rat ri yachojmirisan ronojel ri nibanatej chuwech chijun ri ruwach'ulew. Kayakatej k'a y tataqa-pe ri awoyowal pa kiwi' ri kinimirisan-ki'.

2 Corintios 5:10

Niqaben re' roma kan qonojel roj k'o chi yojapon na chuwech ri ruq'atbal-tzij ri Cristo, y chiqajujunal niqak'ul na k'a rajel-ruk'exel ri qabanobal toq xojk'oje' chupan re ch'akulaj chuwech re ruwach'ulew; wi utz xqaben o man utz ta.

Wuj Richin ri Malaquías 3:18

Jari' k'a toq rix xtitz'et chi man junan ta ri xtinben chike ri e choj y ri itzel kik'aslen, y keri' chuqa' xtitz'et rukojolil ri xkesamajin wichin y ri man xkesamajin ta wichin.

Wuj Richin Bix Chire ri Dios 98:9

Ronojel re' xtik'uluwachitej, roma ri Jehová kan xpe richin noruq'ata-tzij pa ruwi' ri ruwach'ulew. Xtuq'et k'a tzij rik'in ruchojmilal. Xtuq'et tzij pa kiwi' ri tinamit, y xtuya' chike ri ruk'amon.

Wuj Richin ri Jeremías 12:1

Chirij re' xinbij chik chire ri Jehová: Toq yin yisujun chawech, rat beneq ruwech naben pa ruchojmilal. Jak'a yin wakami k'o ninwajo' ri nink'utuj chawe. ¿Achike roma jebel e beneq ri e banoy etzelal? ¿Achike roma man jun nikimey ri xaxe yekiq'ol ch'aqa' chik winaqi'?

Wuj Richin ri Molojri'il 7:15

Kan k'iy k'a nutz'eton-pe chupan ri ka'i-oxi' q'ij chire ri nuk'aslen ri xa q'axineq chik. E nutz'eton k'a chojmilej taq winaqi' chi stape' xa choj ri kik'aslen, xa chi'anin xeken-el. Nutz'eton chuqa' winaqi' e banoy richin etzelal, chi stape' keri' rubanik ri kik'aslen, xa janila k'iy juna' xek'ase'.

Hebreos 12:23

Roj ojk'o chik apo pa nimaq'ij kik'in ri nabey taq ralk'ual ri Dios ri tz'iban kibi' chila' chikaj. Ojk'o chik apo rik'in ri Dios ri xtuq'et-tzij pa kiwi' konojel. Y kik'in ri winaqi' ri kan tz'aqet ri kik'aslen, ri xeken-el yan el.

Wuj Richin ri Rutikeribel 18:24

Rik'in juba' xa ek'o ta e kawineq lajuj ri utz kibanobal. ¿Kan xke'ak'is kami el ri winaqi' y ri tinamit ri'? ¿Kan man xtakuy ta kami rumak ri Sodoma koma ri e kawineq lajuj ri'?

Deut 1:16

Y kere' k'a xinbij chike ri to'onela': Ri q'atoj-tzij ri xtiben, kan ta choj, kan pa ruchojmilal k'a xtiben kik'in ri qawinaq y ri man qawinaq ta.

Deut 1:17

Man tiben rukojolil kik'in ri winaqi' chupan jun q'atoj-tzij, xa junan tibana' kik'in, chi k'o kiq'ij chi maneq kiq'ij. Man jun achoq chuwech tixibij-iwi', roma re q'atoj-tzij re' kan richin ri Dios. Wi k'o jun k'ayew nuben chiwech, tik'ama-pe wik'in yin, richin chi ja yin ri yichojmirisan, xicha' chike.

Wuj Kichin ri To'onela' 11:27

Keri' yin kan man jun nubanon chawe, jak'a rat xa nawajo' naben oyowal wik'in. Ri Jehová ri kan chojmirisey richin ri nibanatej; ja rija' ri xtiq'aton-tzij pa qawi' roj israelita y rix ri ix rijatzul ri Amón, nicha' ri Jefté, xecha' ri e uk'uey rutzijol.

2 Crón 19:7

Tik'oje' rukiy ri Jehová ri qa-Dios chiwech y titz'eta' jebel ri ye'iben, roma rija' man utz ta nutz'et ri man pa ruchojmilal ta ye'iben, chuqa' chi man junan ta niben kik'in ri winaqi' y toq yepuaqix ri q'atoy taq tzij.

Wuj Richin ri Nehemías 9:33

Ri abanon rat kan pa ruchojmilal-wi chupan ronojel ri qak'uluwachin. Roj xa xatqamalij kan y xojmakun chawech, jak'a rat man jun bey oj aya'on kan y kan abanon-pe qik'in achi'el ri asujun-pe chiqe.

Wuj Richin ri Achin Job 34:10

Roma ri' rix nowineq taq achi'a', kan kiniwak'axaj k'a: Ri Dios kan man jun bey k'a xtuben ta jun itzel banobel; ri Dios ri k'o ronojel uchuq'a' pa ruq'a' man jun bey xtuben ta jun banobel ri man pa ruchojmilal ta.

Wuj Richin ri Molojri'il 3:17

Y roma ri' yin xinch'ob pa wánima, ri choj kik'aslen y ri man choj ta kik'aslen ja ri Dios xtibeq'aton-tzij pa kiwi' roma kan xtapon k'a ruq'ijul richin nibanatej ronojel ri'.

Wuj Richin ri Jeremías 11:20

Jak'a yin xinbij chire ri Jehová k'iytisanel richin ronojel: Rat ri at to'onel y kan pa ruchojmilal ri naben. Rat awetaman ri nuch'ob ri wineq y chi xinjech yan wi' pan aq'a'. Roma ri' taya' k'a rutojbalil pa kiwi' richin yentz'et, xicha'.

Ez 18:25

Jak'a rix nibij chi yin man pa ruchojmilal ta ri ninben. Roma ri' kan ninbij chiwe rix winaqi' israelita chi xa ja rix ri yixbanon ronojel itzel taq banobel y re' man pa ruchojmilal ta.

Wuj Richin ri Q'axanri'il 16:22

Jak'a ri Moisés y ri Aarón, kexukuk xeqaqa pan ulew chuwech ri Jehová richin yech'on rik'in y xkibij chire: Qa-Dios roj, rat ri at rajaw ri qak'aslen qonojel, ¿kan pa kiwi' kami konojel ri awinaq israelita nawelesaj-wi ri awoyowal, toq xa jun ok chike ri achi'a' ri xmakun chawech?, xecha'.

1 Crón 16:33

Kan kebixan ri che' ri ek'o pa k'echelaj, Kan kebixan roma kikoten chuwech ri Jehová; roma rija' xtipe richin xtiq'aton-tzij pa ruwi' ri ruwach'ulew.

Wuj Richin ri Achin Job 34:12

Kan qetaman k'a ri' chi ri Dios kan man jun etzelal ri nuben ta, ri Dios ri k'o ronojel uchuq'a' pa ruq'a' kan man jun bey k'a nuben ta ri xa man pa ruchojmilal ta.

Wuj Richin Bix Chire ri Dios 7:12

Wi ri aj-mak man nutzolij ta ri' chirij, ri Dios kan xtuben rey ri ru-espada; kan xtuya' k'a chuwi-rutele'n ri rute-ch'ab, y kan xtuq'ijuj k'a rik'in.

Wuj Richin Bix Chire ri Dios 50:6

K'ari' ri kaj xtuq'alajirisaj k'a ri ruchojmilal richin rija', roma kan ja ri Dios ri qitzij q'atoy-tzij.

Wuj Richin Bix Chire ri Dios 75:3

Toq nisilon ri ruwach'ulew y konojel ri ek'o chuwech, ja yin ri yichapo ri temeyon richin.