Wuj Richin ri Rutikeribel 18:23 - Kaqchiquel Bible

²³ K'ari' xjel-apo ri Abraham rik'in ri Jehová y xubij chire: ¿Kan xke'ak'is kami el konojel ri winaqi' ri utz kibanobal junan kik'in ri itzel taq kibanobal?

Wuj Richin ri Rutikeribel 18:23 ပူးပေါင်းရင်းမြစ်များ

Wuj Richin ri Q'axanri'il 16:22

Jak'a ri Moisés y ri Aarón, kexukuk xeqaqa pan ulew chuwech ri Jehová richin yech'on rik'in y xkibij chire: Qa-Dios roj, rat ri at rajaw ri qak'aslen qonojel, ¿kan pa kiwi' kami konojel ri awinaq israelita nawelesaj-wi ri awoyowal, toq xa jun ok chike ri achi'a' ri xmakun chawech?, xecha'.

2 Sam 24:17

Y toq ri David xutz'et ri ángel ri nikamisan kichin ri winaqi', xubij chire ri Jehová: ¡Ja yin ri ximakun! ¡Ja yin ri in aj-mak! Ri nuwinaq xa kan e achi'el k'a taq karne'l ri maneq kimak. Yin nink'utuj utzil chawe chi pa kik'exel rije' taya' ri tijoj-poqonal pa nuwi' yin y pa kiwi' ri wijatzul, xcha'.

Wuj Richin ri Rutikeribel 20:4

Jak'a ri Abimélec xa k'a man jani tik'oje' rik'in ri Sara, roma ri' xtikir xubij chire ri Dios: ¿Ajaw kan ye'ak'is kami re winaqi' chupan re nuruwach'ulew y xa maneq kimak?

Hebreos 10:22

Roma ri' qojjel k'a apo rik'in ri Dios, rik'in ch'ajch'oj qánima y kan kuqul-qak'u'x. Ch'ajch'ojirisan ta ri qánima chire ri etzelal, y ri qak'aslen ch'ajon ta chik rik'in ch'ajch'ojilej ya'.

Wuj Richin ri Achin Job 34:17

Xa ta ri Dios man ta niqaqa chuwech ri utzilej ruchojmilal, man ta nitikir ruk'uan jebel re ruwach'ulew rik'in utzilej q'atbel-tzij. Y ¿achike roma toq rat naya' rejqal ri Dios ri kan choj nuben?

Wuj Richin ri Rutikeribel 18:25

Rat kan at choj-wi y man naben ta keri', chi xtak'is ta ruk'aslen ri utz rubanobal kik'in ri itzel taq kibanobal. Chi junan ta naben chike. Y roma rat kan at choj-wi, kan tabana' k'a ri ruk'amon, xcha' ri Abraham chire ri Dios.

Wuj Richin ri Jeremías 30:21

Y chi'ikojol k'a rix xtel-pe jun tata'al y jari' ri xtiq'aton-tzij pan iwi'. Y toq xkijel-apo rik'in, jari' toq rija' xtijel-pe wik'in yin, roma k'a man jun nitikir nijel-pe wik'in choj keri'. Yin Jehová ri yibin.

Wuj Richin Bix Chire ri Dios 73:28

Jak'a yin kan más k'a utz nuben chuwe chi yijel-apo awik'in rat nu-Dios. Kan awik'in rat Jehová nukuquban nuk'u'x. Y xtintzijoj ronojel ri abanon.

Wuj Richin ri Achin Job 8:3

¿Nuben kami ri Dios chi nuxotoba' rubanik ri ruq'atoj-tzij? ¿Nuben kami rija', ri k'o ronojel uchuq'a' pa ruq'a', chi nuxotoba' rubanik ri chojmilal?

Santiago 5:17

Ri Elías jun achin ri xk'oje' ojer kan. Rija' jun wineq kan achi'el wi roj. Jak'a rik'in ronojel ránima xch'on rik'in ri Dios. Xuk'utuj chire chi man tuben job ri chiri' pan Israel, y kan keri' xbanatej. Oxi' juna' rik'in nik'aj ri man xuben ta job.

Santiago 5:16

Y rix, wi k'o mak ri ibanalon, kan tiq'alajirisala' k'a chiwech. Titola-iwi' richin yixch'on rik'in ri Dios, richin chi yixchojmir. Y wi choj ri ik'aslen chuwech ri Dios, y rik'in ronojel iwánima xkixch'on rik'in, kan k'iy k'a ri xtik'ul chire rija'.

Wuj Richin ri Rutikeribel 18:24

Rik'in juba' xa ek'o ta e kawineq lajuj ri utz kibanobal. ¿Kan xke'ak'is kami el ri winaqi' y ri tinamit ri'? ¿Kan man xtakuy ta kami rumak ri Sodoma koma ri e kawineq lajuj ri'?

Ex 23:7

Man tiju-iwi' chupan tz'ukuj taq tzij, ni man tiben chi nikamisex jun wineq ri xa man jun rumak o choj ruk'aslen. Roma ri wineq ri nibanon keri' chirij jun chik, xa kan aj-mak-wi.