Wuj Richin ri Rutikeribel 18:21 - Kaqchiquel Bible

²¹ Roma ri' jare' xkixule-qa chila', richin ninbentz'eta' wi kan keri' nikiben achi'el ri apowineq chinuwech. Y wi man keri' ta, xtinwetamaj k'a ri', xcha'.

Wuj Richin ri Rutikeribel 18:21 ပူးပေါင်းရင်းမြစ်များ

Ex 3:8

Roma ri' xiqaqa-pe richin chi yetotej-el pa kiq'a' ri aj-Egipto, y yenwelesaj-el chupan ri ruwach'ulew ri', y yenk'uaj chupan jun utzilej ruwach'ulew y nim, ri akuchi niwachin-wi ronojel ruwech tiko'n, ri akuchi k'o-wi ri kiruwach'ulew ri winaqi' cananeo, ri heteo, ri amorreo, ri ferezeo, ri heveo y ri jebuseo.

Wuj Richin ri Rutikeribel 11:5

Jak'a ri Jehová xqaqa-pe richin xorutz'eta-qa ri tinamit ri yetajin chubanik ri winaqi' y chuqa' ri torre ri xkik'is yan rubanik.

Wuj Richin ri Sofonías 1:12

Chupan ri q'ij ri' yin kan xkennik'oj ri winaqi' aj-Jerusalem; y kan xkenkanoj rik'in jun candil. Xkenya' pa tijoj-poqonal ri winaqi' ri xa kiyon rije' kikuquban-qa kik'u'x. Rije' nikich'ob-qa chi yin man jun utz ni man jun itzel xtinben chike.

Wuj Richin ri Miqueas 1:3

Ri Jehová kan xtel k'a pe ri akuchi-k'o-wi; kan xtiqaqa k'a pe richin xkeruxolq'otij ri nima'q taq juyu'.

Wuj Richin ri Jeremías 17:10

Jak'a yin Jehová yitikir nintz'et ri ránima y kan wetaman jebel ronojel. Kan ninya' ri rutojbalil pa kiwi' chikijujunal achi'el ri kibanobal.

Wuj Richin ri Josúe 22:22

Ri Jehová Dios ri k'o pa kiwi' ri ch'aqa' chik dios, xtuq'alajirisaj chiwech ri qach'obonik, chi roj man xqaben ta q'anej re jun porobel re' richin yojyakatej chirij rija', roma wi ta keri' kan ja k'a rix ri xkixkamisan qichin ri'.

Deut 8:2

Y toqaqa k'a chi'ik'u'x ri tijoj-poqonal ri xqak'owisaj-pe toq xojruk'en-pe ri Jehová ri qa-Dios re kawineq juna' re', chupan re tz'iran ruwach'ulew, richin xqetamaj ta ri qasanri'il chuwech rija' y richin xojrutejtobej, chuqa' richin xretamaj ri achike k'o pa qánima y wi niqayek ri rupixa' o ni.

Ex 33:5

Keri' k'a xkiben ri winaqi', roma ri Jehová kan xunabeyajisaj yan k'a rubixik chike. Xa kan xbix yan k'a chike roma ri Moisés chi rije' xa e jun tinamit ri man nikiqasaj ta ki'. Y wi ri Jehová nik'oje' chikikojol, kan pa jun ti ramaj yeruk'is konojel. Y chuqa' chi tikelesaj ronojel ri jebelej taq tzieq chikij y ri wiqobel ri yekikusala'. Y ri Jehová xtunojij na ri achike xtuben kik'in.

Wuj Richin ri Rutikeribel 11:7

Wakami k'a, jo-qa y tiqasacha' ri kich'abel, richin chi man niq'ax ta chikiwech ri nikibij, xcha'.

Hebreos 4:13

Roma man jun k'a ri nitikir newan-ri' chuwech ri Dios, y ronojel ri k'o kan e tz'etel chuwech rija'. Y chire rija' k'o chi niqajech-wi ronojel ri yeqabanala'.

1 Tesalonicenses 4:16

Roma ri ajaw xtipe chila' chikaj y xtich'on-pe kow. Chuqa' xtisik'in-pe ri nimalej ángel, y xtiq'ajan-pe ri trompeta richin ri Dios. Y jari' toq xkek'astej-el ri kaminaqi' ri xkikuquba' kik'u'x rik'in ri Jesucristo.

2 Corintios 11:11

¿Achike k'a roma kere' ninbij chiwe? ¿Roma kami chi yin man yixinwajo' ta? Man keri' ta, roma ri Dios retaman chi yin kan yixinwajo-wi.

San Juan 6:38

Roma yin, ri xiqaqa-pe chila' chikaj, man nusamaj ta k'a yin ri nuk'amon-pe. Yin xipe chubanik ri samaj ri kan rurayibel-wi ri taqayon-pe wichin.

San Lucas 16:15

Roma ri' ri Jesús xubij chike: Rix kan nibananej chikiwech ri winaqi' chi kan janila ix choj. Jak'a ri Dios retaman achike ri k'o pan iwánima. Ri k'o janila rejqalen chuwech re ruwach'ulew, ri Dios kan nrixowaj.

Wuj Richin ri Jeremías 17:1

Ri Dios xuya' ri rutzijol chuwe richin ninya' chike ri winaqi' aj-Judá: Ri iwánima nuk'ut ri imak achi'el ri e tz'iban chuwech jun abej rik'in jun q'eqapueq o jun chik abej o pa ruwi' ri achi'el taq uk'a' ri ek'o pa rutza'n ri taq ruxikin ri porobel.

Wuj Richin Bix Chire ri Dios 90:8

Ri qamak kan ronojel k'a natz'et-pe. Ri itzel taq qabanobal, kan ronojel k'a tik'il chawech rat.

Wuj Richin ri Achin Job 34:22

Ri ruchuq'a' ri ruwech ri Dios, kan maneq k'a q'equ'm ni muj chuwech, roma ri' ri winaqi' ri e banoy taq etzelal kan man yetikir ta nikewaj-ki' chuwech.

Deut 13:3

kan man tinimaj k'a rutzij jun wineq keri'. Roma ri Jehová ri qa-Dios xa yixrutejtobej richin nutz'et wi kan qitzij niwajo' rija' rik'in ronojel iwánima, chupan chijun ik'aslen.

Wuj Richin ri Rutikeribel 18:17

Y ri Jehová xubij-qa pa ránima: K'atzinel richin ninbij chire ri Abraham ri ninbenbana',

Wuj Richin Bix Chire ri Dios 14:2

Ri Jehová nitzu'un-pe k'a chila' chikaj pa kiwi' ri winaqi', richin chi nutz'et wi k'o ta jun aj-na'oj, jun ri kan nikanon ri Dios.

Wuj Richin ri Rutikeribel 6:12

Y toq ri Dios xutz'et ronojel re', chi xaxe ri etzelal nikiben chuwech ri ruwach'ulew,

Wuj Richin ri Jonás 1:2

Kabiyin chupan ri nimalej tinamit Nínive y taya' rutzijol chike, chi ri kimak kan xik'o yan ruwi', y roma ri' xkenk'is, xcha' ri Dios chire.