Wuj Richin ri Rutikeribel 18:19 - Kaqchiquel Bible

¹⁹ Kan q'alaj chik chinuwech chi rija' kan xtuk'ut kan chikiwech konojel ri ralk'ual y ri rijatzul chi k'o chi nikitaqej ri niqa' chinuwech yin, roma rije' k'o chi pa ruchojmilal xtikiben ronojel y jebel chuqa' ruchojmirisaxik xtikiben chike ri yebanatej, richin keri' yin Jehová xtinya' ronojel ri nusujun chire ri Abraham, xcha-qa.

Wuj Richin ri Rutikeribel 18:19 ပူးပေါင်းရင်းမြစ်များ

2 Timoteo 3:15

Roma kan k'a at ko'ol toq xawetamaj-pe ri tz'ibatel kan chupan ri loq'olej ruch'abel ri Dios. Y ri ch'abel ri' xuya' ana'oj y xuk'ut chawech chi k'o chi xakuquba' ak'u'x rik'in ri Cristo Jesús richin xakolotej chupan ri amak.

Efesios 6:4

Y rix te'ej-tata'aj, man tiyek koyowal ri iwalk'ual. Xa kan ke'ik'iytisaj k'a rik'in ri nubij ri ruch'abel ri Dios y kan pa rubeyal.

2 Timoteo 2:19

Jak'a roj ri qakuquban qak'u'x rik'in ri Dios, rija' rubanon chiqe achi'el jun jay ri yalan utz ri ruxe'. Y chuwech ri ruxe' ri' tz'ibatajineq chik kan chi ri Dios retaman kiwech ri e richin chik rija', y chuqa' chi konojel ri e richin chik rija', tikich'ara-pe-ki' chire ri etzelal.

1 Timoteo 3:12

Ri qach'alal achin ri nilin kan nik'atzin chi xaxe jun rixjayil, y jebel ta kik'uaxik rubanon chike ri aj pa rachoch.

Wuj Richin Etamabel-Tzij 22:6

Kan tanaq'tisaj k'a pe ri ak'ual k'a pa ruch'utinal-pe, rik'in ri achike rubeyal ruk'aslen ri utz chi nuk'uaj, richin keri' toq xtapon-q'anej pa rurijixinen, kan man xtujech'ej ta kan ri' chire ri rubeyal k'aslen ri'.

1 Crón 28:9

Y rat nuk'ajol Salomón, kan tawetamaj ruwech ri qa-Dios, y kan tasamajij rik'in ronojel ri awánima y rik'in kikoten ri nalex-pe pan awánima, roma ri Jehová Dios nutz'et ri qánima y ri qach'obonik. Keri', wi rat kan xtakanoj kan xtawil, rija' kan xtik'oje' awik'in. Jak'a wi rat xa xtamalij kan, rija' kan xkaretzelaj kan richin q'asen.

Wuj Richin ri Josúe 24:15

Wi man niqa' ta chiwech nisamajij ri Jehová, kan ticha' k'a wakami ri achike ri nisamajij; wi ja ri dios ri xkisamajij ri qate-qatata' toq xek'oje' ri juk'an chik chire ri raqen-ya' Éufrates, o ja ri ki-dios ri amorreo ri akuchi ixk'o-wi wakami. Jak'a yin y ri e aj pa wachoch kan ja k'a ri Jehová ri xtiqasamajij, xcha'.

Deut 32:46

xubij k'a chike konojel: Kan tiya' k'a rejqalen ronojel re xinbij chiwe re wakami, richin yixtikir nibij chike ri iwalk'ual chi tikitaqej ronojel ri nubij re pixa' re'.

Wuj Richin Bix Chire ri Dios 34:15

Ri rutzubal ri Jehová ruya'on k'a pa kiwi' ri choj kik'aslen. Y rija' nrak'axaj ri kich'owen.

Wuj Richin Bix Chire ri Dios 11:4

Ri Jehová chupan k'a ri loq'olej rachoch k'o-wi; chila' chikaj k'o-wi ri rutz'uyubal richin nuq'et-tzij, rija' kan rutzuliben k'a pe ronojel ri nikiben ri winaqi'.

Wuj Richin ri Achin Job 1:5

Y toq chikijujunal rije' kibanon chik k'a ri kinimaq'ij, ri Job yeroyoj k'a ri ralk'ual richin nusuj kamelabel chuwech ri Dios koma chikijujunal rije', richin yech'ajch'ojir. Y kan nimaq'a' yan k'a niyakatej richin nusuj ri kamelabel ri', richin nuk'utuj rukuyubel kimak ri ralk'ual, roma rija' kan nuch'ob chi rik'in juba' xemakun rik'in ri kich'obonik o rik'in juba' e ch'owineq itzel pa taq kánima chirij ri Dios.

2 Timoteo 1:5

Chuqa' noqaqa chinuk'u'x chi kan qitzij akuquban-ak'u'x rik'in ri Dios, achi'el xkiben ri Loida ri awati't, y ri Eunice ri ate'. Y yin wetaman chi rat chuqa' kan junan ri akuqubabel-k'u'x kik'in rije'.

Hechos 27:31

Roma ri' ri Pablo xberuya' k'a rutzijol chire ri Julio y chuqa' chike ri aj-labal chi wi xtikiya' q'ij chi ye'animej-el ri kan ye'uk'uan-wi richin ri lancha, man jun chiqe roj y ri ek'o pa lancha ri xqojkolotej ta chuwech ri kamik.

San Juan 10:14

Ja yin k'a ri utzilej yuq'unel y wetaman kiwech ri kan e wichin yin, y rije' kan ketaman k'a chuqa' nuwech.

Wuj Richin ri Isaías 38:19

Xaxe k'a ri k'o kik'aslen yetikir nikiya' aq'ij, achi'el ninben yin re wakami. Y jun sol winaqi' nikitzijoj chike jun sol chik winaqi' ri awajowabal ri man nik'is ta.

Wuj Richin Bix Chire ri Dios 1:6

Roma ri Jehová retaman rubeyal ri kik'aslen ri e choj, jak'a ri rubeyal ri kik'aslen ri e banoy etzelal xa kan xtik'is.

2 Sam 7:20

¿Achike chik ta k'a más xkitikir xtinbij chawe, nimalej Jehová, roma rat xa kan awetaman nuwech jebel, chi yin xa in jun relik asamajel?

San Juan 21:17

Y pa rox bey, ri Jesús xubij chik chire: Rat Simón ri ruk'ajol ri Juan, ¿kan yinawajo'?, xcha'. Ri Pedro kan q'alaj wi k'a chi xpe bis pa ránima, roma ja yan ri' ri rox bey ri xk'utux chire roma ri Jesús. K'ari' ri Pedro xubij: Wajaw, rat kan ronojel k'a awetaman. Kan awetaman k'a chi yatinwajo', xcha'. Y ri Jesús xubij chik chire: Kan ke'ayuq'uj y ke'achajij k'a ri nukarne'l.

Am 3:2

Kan xaxe rix ri xixincha' chikikojol konojel ruwach'ulew richin xixok wichin. Roma ri' xkixinpixabaj roma ri imak.

Wuj Richin ri Rutikeribel 12:2

Y xkebek'oje' awijatzul y rik'in jun chike rije' xtinben jun nimalej tzobaj winaqi'. Xkatinwurtisaj y xtinben chawe chi xkatok jun nimalej achin chuwech re ruwach'ulew. Y keri' xkatok jun urtisanik chike ch'aqa' chik.

Wuj Richin ri Rutikeribel 12:3

Y xkenwurtisaj ri xke'urtisan awichin rat. Y ri xtikoyoj itzel pan awi', chuqa' yin xtinya' itzel pa kiwi'. Y awoma k'a rat xkenwurtisaj konojel jay winaqi' richin chijun ruwach'ulew, xcha'.

Wuj Richin ri Rutikeribel 17:9

Chuqa' ri Dios xubij chire ri Abraham: Rat kan tataqej k'a ri jikibel-tzij ri' y chuqa' ri awijatzul ri xkek'oje' y ri winaqi' ri chi wiq chi tanaj xkeq'ax.

Wuj Richin ri Rutikeribel 22:18

Roma xanimaj nutzij, koma k'a ri awijatzul rat xtinya' k'a urtisanik pa kiwi' tzobaj taq winaqi' richin chijun ruwach'ulew, xcha' ri Dios chire.

Wuj Richin ri Rutikeribel 35:2

Y roma ri' ri Jacob xubij chike ri rixjayilal, ri ruk'ajol y chike konojel ri ek'o pa rachoch: Ke'iwelesaj-el jumul chi'ikojol ri kiwachibel ri i-dios. Tich'ajch'ojirisaj-iwi' y tijala' ri itziaq.

2 Sam 22:22

Yin kan nuchajin k'a wi' chuwech ri Jehová; kan man nuch'aron ta k'a kan wi' chupan ri bey ri richin ri Dios.

Wuj Richin ri Nehemías 9:7

Rat Jehová ri qa-Dios, xacha' ri Abram, y rat xatelesan-pe pa tinamit Ur, richin ri ruwach'ulew Caldea, y xabij Abraham chire.

Wuj Richin ri Chojmirisabelri'il 14:42

K'ari' xke'ik'en-pe ch'aqa' chik abej y ye'iya' kan pa kik'exel ri xe'elesex-el y nibek'ama-pe juba' ulew, nimuba' richin xke'iq'olij kan y xtitz'apej kan kiwech.

Wuj Kichin ri To'onela' 13:12

Jari' toq ri Manoa xubij: Toq xtibanatej ri xabij, ¿achike rubanik richin nik'ase' ri ak'ual, y achike k'atzinel niqaben roj rik'in?, xcha'.

2 Crón 14:3

Xerelesaj-el ri porobel kichin ri ch'aqa' chik dios ri ek'o pa ruwi' taq juyu' y xeruyoj jumul ri akuchi niya'ox-wi kiq'ij. Chuqa' xerupaxij ronojel ri paban taq abej y chuqa' ri ruwachibel ri dios ixoq rubini'an Asera.

San Mateo 25:17

Y keri' chuqa' xuben ri jun chik samajel ri xuk'ul kan ka'i' k'ojelibel rik'in q'anapueq; rija' kan xuch'ek k'a ka'i' chik.