Wuj Richin ri Rutikeribel 18:11 - Kaqchiquel Bible

¹¹ Y ri Abraham y ri Sara janila chik e rijita'q, y ri Sara xa xtane' yan k'a ri ruyabil ri richin chi ik'.

Wuj Richin ri Rutikeribel 18:11 ပူးပေါင်းရင်းမြစ်များ

Wuj Richin ri Rutikeribel 17:17

Ri Abraham xuqasaj chik qa ri' k'a pan ulew, roma ri xubij ri Dios, rija' xtze'en y xubij-qa pa ránima: ¿Ek'o kami k'a achi'a' ri wok'al chik kijuna' ri nik'oje' ta kalk'ual? ¿Y k'o kami jun ixoq achi'el ri Sara ri jumuch' lajuj chik rujuna' ri nalex ta jun ti ral?, xcha-qa.

Hebreos 11:19

Ri Abraham kan retaman k'a chi ri Dios k'o uchuq'a' rik'in richin nuk'asoj-pe ri ruk'ajol stape' chikikojol chik ri kaminaqi'. Roma ri' kan xuk'ul chik ri ruk'ajol y keri' ri banobel ri' k'o ri xuk'exewachuj.

San Lucas 1:36

Chuqa' kan tawetamaj k'a kan, chi ri Elisabet ri awach'alal xtibe'alex jun ak'ual rik'in, stape' man alanel ta y chuqa' kan ri'j chik. Wakami k'o yan chik waqi' ik' ri' ri royoben-pe jun ak'ual.

San Lucas 1:18

Jak'a ri Zacarías xuk'utuj chire ri ángel: ¿Achi'el k'a toq xtinwetamaj yin chi kan qitzij ri nabij? Roma yin y ri wixjayil xa oj rijita'q chik, xcha'.

San Lucas 1:7

Jak'a rije' e maneq kalk'ual, roma ri Elisabet man alanel ta. Y chi e ka'i' kan e rijita'q chik.

Wuj Richin ri Chojmirisabelri'il 15:19

Toq jun ixoq ri k'o yabil richin chi ik' chire, re' kan xtok man ch'ajch'oj ta wuqu' q'ij. Y xabachike wineq ri xtichapo ri ixoq ri' xtok man ch'ajch'oj ta chijun ri q'ij ri' k'a toq nok-pe ri aq'a'.

Wuj Richin ri Rutikeribel 31:35

Y jari' toq rija' xubij chire ri rutata': Man tipe awoyowal chuwe táta, roma man yitikir ta yiyakatej-q'anej chawech roma xa janila in yawa' rik'in ri yabil ri nikik'owisaj konojel ixoqi' ronojel ik', xcha'. Y keri' toq ri Labán xukanola' ri ru-dios y man jun xril.

Wuj Richin ri Rutikeribel 17:24

Y toq ri Abraham k'o chik jumuch' belejlajuj rujuna', jari' toq xqupix chuqa' rija' richin xk'oje' retal.

Wuj Richin ri Rutikeribel 21:7

Y ri Sara xubij chuqa': ¿Achike ta k'a xbin chi ri Abraham kan xtik'oje' ta jun ralk'ual wik'in? Roma stape' pa qarijixinen, xk'oje' na jun qalk'ual, xcha'.

Wuj Richin ri Rutikeribel 24:1

Ri Abraham xa xrijix yan k'a chiri', kan janila chik k'iy rujuna'. Jak'a ri Jehová kan rurtisan rik'in ronojel.

Wuj Richin ri Rutikeribel 24:36

Y ri Sara ixjayilonel richin ri wajaw, rija' pa rurijixinen xk'oje' jun ral y chire re ala' re' niya'ox-wi kan ronojel ri k'o rik'in ri wajaw.

Wuj Richin ri Josúe 13:1

Toq ri Josué kan janila chik ri'j, jari' toq ri Jehová xubij chire: Rat kan janila chik k'iy ajuna', y kan k'a k'o k'iy ruwach'ulew ri k'o richin ye'ich'ek richin nok iwichin.