Wuj Richin ri Rutikeribel 17:9 - Kaqchiquel Bible

⁹ Chuqa' ri Dios xubij chire ri Abraham: Rat kan tataqej k'a ri jikibel-tzij ri' y chuqa' ri awijatzul ri xkek'oje' y ri winaqi' ri chi wiq chi tanaj xkeq'ax.

Wuj Richin ri Rutikeribel 17:9 ပူးပေါင်းရင်းမြစ်များ

Wuj Richin Bix Chire ri Dios 103:18

Ronojel re' nuben pa kiwi' ri nikitaqej ri rujikibel-tzij, y pa kiwi' ri jantape' k'o chikik'u'x ri rupixa' ri Dios.

Wuj Richin Bix Chire ri Dios 25:10

Kan jantape' k'a naya' ri utzil y ri qitzij pa kiwi' ri nikitaqej ri apixa'.

Wuj Richin ri Rutikeribel 17:23

Chupan k'a ri q'ij ri' ri Abraham xuqupij ri Ismael ri ruk'ajol, richin xuya' retal y konojel ri rusamajela' ri xe'alex pa rachoch, konojel ri e loq'on rik'in méro y konojel ri achi'a' ri e aj pa jay ri ek'o chikikojol ri aj pa rachoch ri Abraham; konojel k'a rije' xequpix richin xya'ox ketal achi'el xbix kan chire roma ri Dios.

Wuj Richin ri Rutikeribel 18:19

Kan q'alaj chik chinuwech chi rija' kan xtuk'ut kan chikiwech konojel ri ralk'ual y ri rijatzul chi k'o chi nikitaqej ri niqa' chinuwech yin, roma rije' k'o chi pa ruchojmilal xtikiben ronojel y jebel chuqa' ruchojmirisaxik xtikiben chike ri yebanatej, richin keri' yin Jehová xtinya' ronojel ri nusujun chire ri Abraham, xcha-qa.

Ex 19:5

Wakami k'a, wi kan xtinimaj k'a ri nuch'abel y nitaqej ri jikibel-tzij ri nubanon iwik'in, rix kan xkixok k'a jun tinamit ri janila iwejqalen chikiwech ri ch'aqa' chik tinamit. Man rik'in ri' chijun re ruwach'ulew kan wichin yin.