Wuj Richin ri Rutikeribel 17:8 - Kaqchiquel Bible

⁸ Yin xtiya' chawe rat y chike ri awijatzul ri ruwach'ulew ri akuchi atk'o-wi wakami ri xa q'axel, chijun re ruwach'ulew Canaán xtinya' chawe richin q'asen. Y yin xkinok ki-Dios ri awijatzul, xcha'.

Wuj Richin ri Rutikeribel 17:8 ပူးပေါင်းရင်းမြစ်များ

Wuj Richin ri Chojmirisabelri'il 26:12

Y jantape' k'a xkik'oje' chi'ikojol y kan ja yin ri i-Dios y rix kan ix nutinamit.

Wuj Richin Bix Chire ri Dios 105:11

xubij k'a chire chi xtuya' ri ruwach'ulew Canaán richin xtrichinaj kan.

Ex 6:7

Y xkixok k'a nutinamit y yin xkinok i-Dios, y xtiwetamaj k'a chi ja yin Jehová ri i-Dios ri xixelesan-pe chuxe' ri kowilej taq samaj pan Egipto.

Wuj Richin ri Rutikeribel 12:7

Y ri Jehová xbepapo' chuwech ri Abram y xubij chire: Chike konojel awijatzul xtinya-wi re ruwach'ulew re', xcha'. Y jari' ri Abram xuben-q'anej jun porobel richin xuporoj jun kamelabel chuwech ri Jehová roma chiri' xuk'ut-wi-ri' chuwech.

Deut 29:13

Wakami kan nijike' k'a kan chi roj kan oj rutinamit y rija' kan qa-Dios achi'el ri rusujun chiqe y chike ri qati't-qamama': Ri Abraham, ri Isaac y ri Jacob.

Deut 26:18

Ri Jehová xubij re wakami chi roj israelita kan oj jun tinamit richin rija' achi'el ri rusujun chiqe, roma ri' kan tiqataqej ronojel ri rupixa'.

Deut 14:2

Roma roj kan oj jun tinamit ri kan oj ch'aron chire ri Jehová ri qa-Dios, rija' xojcha'on chikikojol ri ch'aqa' chik ruwach'ulew richin xojok jun tinamit ri kan richin rija'.

Wuj Richin ri Rutikeribel 13:15

roma ronojel la ulew natz'et, xtinya' chawe rat y chike ri awijatzul richin q'asen.

Wuj Richin Bix Chire ri Dios 105:9

Re', jare' ri jikibel-tzij ri xuben rik'in ri Abraham, ri ya'on tzij ri xuben rik'in ri Isaac.

Deut 4:37

Rija' xerajo' ri qati't-qamama' y roma ri' xojrucha' roj y rik'in ri ruchuq'a' xojrukol pa ruq'a' ri Egipto.

Wuj Richin ri Rutikeribel 28:4

Chawe k'a rat y chuqa' chike ri awijatzul xtuya-wi ri urtisanik ri rusujun kan chire ri Abraham, richin xtok awichin re ruwach'ulew akuchi ojk'o-wi, roma ri Dios kan keri' rusujun kan chire ri Abraham, xcha' ri Isaac chire ri Jacob.

Wuj Richin ri Rutikeribel 13:17

Kayakatej k'a el richin yabe chunik'oxik ri ruwach'ulew y tatzu' ri raqen y ri ruwech, roma jare' ri xtinya' kan chawe rat.

2 Sam 23:5

Y keri' k'a xtuben ri Dios kik'in ri wijatzul yin. Keri' xtuben roma rija' kan xuben jun jikibel-tzij wik'in richin jantape'. Ri jikibel-tzij ri' kan xuben pa ruchojmilal. Roma ri' rija' xkiruto' jantape', y ronojel ri nurayibel, kan xtuya'.

Deut 32:8

Xtikitzijoj k'a chiwe chirij toq ri Dios xujech ri ruwach'ulew, toq xujech chikiwech konojel ri tzobaj winaqi' ri kiruwach'ulew. Chuqa' xuya' jun ángel pa kiwi' ri tzobaj richin yeruchajij. Jak'a ri xojchajin roj israelita ja ri Jehová.

Wuj Richin ri Q'axanri'il 25:13

Chuqa' chire ri Finees y chike ri e rijatzul ninjech-wi kan ri samaj richin sacerdote. Y re' jun jikibel-tzij richin q'asen, roma rija' kan xirajo' y xuben chi xkuyutej-kimak ri awinaq, xcha'.

Ex 40:15

y kan xtaqasaj k'a aceite pa kiwi' achi'el xaben chire ri Aarón, rik'in keri' kan xke'ok k'a nu-sacerdote, richin chi yinkisamajij. Y re' kan xtuben k'a chi xe'ok yan kan pa samaj ri e kijatzul ri xkepe chi wiq chi tanaj, xcha' ri Jehová.

Wuj Richin ri Rutikeribel 48:4

y kere' xubij chuwe: Yin xkatinnimirisaj y janila xkenwinaqirisaj ri awijatzul y kan xtinben chawe chi xke'el nima'q taq tzobaj winaqi' chike ri awijatzul y chike rije' xtinbenya-wi ri ruwach'ulew Canaán, richin q'asen, xcha' ri Dios chuwe.

Wuj Richin ri Rutikeribel 23:4

Yin xa man in aj wawe' ta, xa nej kipe-wi, y chi'ikojol rix ink'o-wi wakami. Tibana' utzil chuwe richin tik'ayij juba' wulew, y chiri' xtinmuq-wi ri nukaminaq, xcha' ri Abraham.

Hebreos 9:15

Roma ri' ja ri Cristo ri xk'amon-pe ri k'ak'a' jikibel-tzij ri xuben ri Dios qik'in roj, ri oj oyon richin yojok rik'in rija' richin xtiqichinaj chila' chikaj, ri rubin chi xtuya' chiqe ri man k'isel ta. Ronojel re' nibanatej roma ri Cristo xken richin chi xojkolotej chupan ri mak ri nunataj ri ojer jikibel-tzij.

Wuj Richin Bix Chire ri Dios 103:17

Jak'a ri rujoyowanik ri Jehová, pa kiwi' ri k'o rukiy chikiwech, kan richin tibe-q'ij tibe-seq. Y ri ruchojmilal ri nuben kan niyaloj richin jantape'.

Wuj Richin ri Chojmirisabelri'il 16:34

Jare' k'a ri ninya' chiwe rix re wakami y nok k'a jun ruchojmilal richin q'asen. Kan xtisuj k'a jun kamelabel jun bey pa jun juna' roma ri imak, richin nink'en chik iwech, xcha' ri Jehová chire ri Moisés. Y ri Moisés kan xuben k'a achi'el ri xubij ri Jehová chire.

Ex 21:6

Jari' toq ri rajaw xtuk'uaj ri achin ri', richin chi niberuq'alajirisaj kan chikiwech ri to'onela'. Y k'ari' rija' xtutz'araba-apo ri ruxikin ri rusamajel chuwech ri che' ri chapayon ri ruchi' ri jay, o chuwech ri tz'alem richin ri ruchi-jay, richin nuwop rik'in jun ch'ich' ri is-is rutza'n. Jare' k'a ri xtok retal chi re achin re' xyuqe' kan pa samaj rik'in richin jantape'.

Hechos 7:5

Ri Dios kan man jun k'a ulew xuya' ta kan chire ri Abraham chupan re ruwach'ulew re', stape' ta xaxe richin nipa'e-wi. Jak'a ri Dios kan xusuj-wi k'a chire chi re ruwach'ulew re' xtok richin rija' y qichin roj ri oj riy-rumam. Kere' xubij ri Dios chire ri Abraham, stape' man jun ralk'ual chiri'.

Apocalipsis 21:7

Ri xtich'akon xtrichinaj re urtisanik re'. Ja yin k'a xkinok ru-Dios, y rija' walk'ual.

Wuj Richin ri Rutikeribel 26:24

Chupan ri aq'a' ri' ri Jehová xuk'ut-ri' chuwech y xubij chire: Ja yin ri in ru-Dios ri atata' Abraham. Man taxibij-awi' roma yin kan ink'o awik'in y xtinya' urtisanik pan awi' y kan xtik'iyer ri awijatzul roma janila xinwajo' ri Abraham ri nusamajel.

Wuj Richin ri Rutikeribel 36:7

Kan chi e ka'i' janila chik k'iy kibeyomel k'o, y roma ri' man yeruben ta chik ri ruwach'ulew richin yewa' ri kawej.

Wuj Richin ri Rutikeribel 37:1

Jak'a ri Jacob chupan ri ruwach'ulew Canaán xk'oje-wi kan, akuchi xk'oje-wi ri rutata'.

Ex 13:11

Y toq ri Jehová xqojrukusaj-apo chupan ri ruwach'ulew kichin ri cananeo, ri ruwach'ulew ri kan rujikiban chik chike ri qate-qatata', y chuqa' chiqe roj, chi kan xtuya-wi chiqe,

Ex 29:45

Y keri', yin kan xkik'oje' k'a chi'ikojol y ja yin ri xkinok ri i-Dios.

Ex 32:13

Toqaqa chi'ak'u'x ri xabij kan chike ri asamajela' ri Abraham, ri Isaac y ri Israel ri xajikiba' kan chike pan abi' rat chi kan xkewinaqir k'a ri kijatzul y kan achi'el k'a kajlabal ri ch'umila' ri ek'o chikaj xtaben chike, kan chike k'a ri kijatzul xtaya-wi kan ri ruwach'ulew ri asujun chike, kan xke'ok k'a chupan y kan xtikichinaj k'a richin q'asen, keri' xabij chike, xcha' ri Moisés.

Deut 9:5

Man roma ta k'a yalan utz ri ik'aslen, ni man roma ta utz ri ibanobal, roma ta ri' xkixok-apo y niwichinaj kan ri kiruwach'ulew rije'. Xa kan roma k'a ri itzel taq kibanobal re tzobaj winaqi' re' richin ri ruwach'ulew ri' ri Jehová ri qa-Dios xkerelesaj-el chiri', richin chi nujikiba' ri rubin-pe chike ri qati't-qamama' ri Abraham, ri Isaac y ri Jacob.

Wuj Richin ri Jeremías 25:5

Rije' nikibij k'a chiwe chi kixtzolin k'a pe chi'ijujunal. Tiya' kan ri itzel bey ik'uan y ri itzel taq ibanobal, richin chi rix yixbek'oje' richin q'asen chupan ri ruwach'ulew ri xuya' ri Jehová chiqe y chike ri qati't-qamama'.

Wuj Richin ri Jeremías 31:1

Chupan ri q'ij ri' ja yin ri xkinok Dios kichin konojel tzobaj winaqi' israelita y rije' xke'ok nutinamit yin.

Wuj Richin ri Rutikeribel 35:27

Y ri Jacob xoqaqa-el rik'in ri Isaac ri rutata' ri k'o chiri' pa Mamré, chupan ri tinamit rubini'an Arbá, ri chuqa' nibix Hebrón chire, ri akuchi xek'oje-wi ri Abraham y ri Isaac.

Ex 6:4

Chuqa' xinjikiba' chike chi ninya' ri ruwach'ulew richin ri Canaán chike, ri akuchi xeq'ax yan juba'.

Wuj Richin ri Chojmirisabelri'il 14:34

Jare' ri ruchojmilal re ninya' yan chiwe richin niben toq ixk'o chik chupan ri ruwach'ulew Canaán: Wi ta yin ninben chi nibek'ulun-pe pus pa jun jay y ri pus ri' nutaluj-ri'.

Wuj Richin ri Q'axanri'il 10:29

Y ri Reuel ri rujinan ri Moisés k'o k'a jun ruk'ajol rubini'an Hobab. Y ri Moisés xch'on rik'in ri Hobab y xubij chire: Roj jare' yojbe chupan ri ruwach'ulew ri rusujun ri Jehová chiqe. Rija' kan rubin chiqe chi kan utz xtuben qik'in. Jo' k'a qik'in y roj chuqa' kan utz k'a xtiqaben awik'in, xcha' chire.

Wuj Richin ri Q'axanri'il 27:12

Y chirij re', ri Jehová xubij chire ri Moisés: Kajote-pe re chuwi' taq juyu' richin ri Abarim y xtatz'et ri ruwach'ulew ri xtinbenya' chike ri awinaq.

Deut 32:49

Kabiyin pa ruwi' taq juyu' Abarim, y kajote-el pa ruwi' ri jun chike ri juyu' Nebo ri k'o wawe' pa ruwach'ulew Moab. Tatz'eta' ri juk'an chik chire ri raqen-ya' Jordán, pa ruchojmilal ri Jericó, y tatz'eta' ri ruwach'ulew Canaán ri xtinbenya' chike ri awinaq richin nikichinaj.

Deut 34:4

Y ri Jehová xubij: Jare' ri ruwach'ulew ri xinsuj chike ri Abraham, ri Isaac y ri Jacob toq xinbij chi chike ri kijatzul xtinya-wi. Yin xinya' q'ij chawe richin natz'et re ruwach'ulew re', jak'a rat xa man xkatok ta chupan, xcha'.

Wuj Richin ri Josúe 1:2

Rat xatz'et chi ri nusamajel Moisés xken-el. Wakami k'a, rat xkayuqen richin ri atinamit Israel, xke'aq'axaj k'a apo chupan ri raqen-ya' rubini'an Jordán, richin chi ninya' ri ulew chiwe rix.

1 Crón 16:18

Jare' ri jikibel-tzij ri xuben: Kan xuya' ri ruwach'ulew Canaán chiqe; ri xqak'ul roj richin xqichinaj kan.

Ez 11:20

Kere' xtinben chiwe richin chi yixtikir nitzeqelibej ri ruchojmilal y ri nupixa'. Rix kan xkixok chik k'a nutinamit y yin xkinok chik i-Dios.

Ez 33:24

Ri awinaq ri k'a ek'o na chiri' pa Judá, ri ek'o pa taq tinamit ri e wulatejineq chik kan, nikich'ob chi ri Abraham xa ruyon-ok y man rik'in ri' xok rajaw ri ruwach'ulew. Roma ri' rije' nikich'ob chi roma rije' e janila e k'iy kan xketikir chuqa' xtikichinaj ri ruwach'ulew ri'.

Wuj Richin ri Zacarías 8:8

Y xkenk'en-pe, y kan xkek'oje' k'a pa Jerusalem. Xke'ok chik k'a nutinamit, y yin xkinok ki-Dios. Y kan xtinben pa ruchojmilal kik'in, y man xkenmalij ta kan. Yin Jehová ri yibin.