Wuj Richin ri Rutikeribel 17:5 - Kaqchiquel Bible

⁵ Y ri abi' kan xtijalatej roma xkatok kitata' e k'iy nima'q taq tzobaj winaqi' chuwech re ruwach'ulew. Y roma ri' man chik k'a xtabini'aj ta Abram xa kan xtabini'aj Abraham.*f15*

Wuj Richin ri Rutikeribel 17:5 ပူးပေါင်းရင်းမြစ်များ

Wuj Richin ri Nehemías 9:7

Rat Jehová ri qa-Dios, xacha' ri Abram, y rat xatelesan-pe pa tinamit Ur, richin ri ruwach'ulew Caldea, y xabij Abraham chire.

Wuj Richin ri Rutikeribel 17:15

Ri Dios xubij chire ri Abraham: Ri awixjayil rubini'an-pe Sarai y re wakami Sara*f16* k'a ri rubi' ri xtabij.

Wuj Richin ri Rutikeribel 32:28

Y rija' xubij chire ri Jacob: Man xtabini'aj ta chik Jacob, xa kan xtabini'aj k'a Israel, roma xatej-aq'ij richin xach'ek ri Dios y ri achi'a'; y kan xach'akon, xcha'.

Apocalipsis 2:17

Roma ri', ri k'o rak'axabal kan trak'axaj k'a ri nubij ri Loq'olej Espíritu chike ri molaj nimanela'. Roma achike k'a ri xtich'akon, kan xtinya' k'a ri aj-chikajil-wey chire ri ewan.*f1* Y chuqa' xtinjech k'a jun ti seq abej chire, ri akuchi tz'ibatel-el jun k'ak'a' bi'aj, y xaxe ri nik'ulun richin ri netaman, kacha' chike, xcha' chuwe.

Romanos 4:17

Roma ri' ri ruch'abel ri Dios nubij*f11* chi ri Abraham xtok kitata' k'iy tinamit. Y re sipanik re' xya'ox chire roma xukuquba' ruk'u'x rik'in ri Dios. Y ri Dios kan nuya' chik kik'aslen ri kaminaqi', y kan nuben ronojel ri ruch'obon chi nuben, stape' man jani ek'o.

Wuj Richin ri Jeremías 20:3

Y chupan chik ri jun q'ij ri Pashur xirelesaj-pe chupan ri che' ri' y k'ari' xinbij chire: Ri Jehová, wakami xujel ri abi' y xtabini'aj Magor-misabib.*f6*

San Juan 1:42

K'ari' ri Andrés xuk'uaj ri Simón, k'a rik'in ri Jesús. Y toq ri Jesús xutz'et, xubij k'a chire: Ja rat ri Simón ri ruk'ajol ri Juan. Wakami xtabini'aj k'a chuqa' Cefas, xcha'. Pa ch'abel hebreo ri Cefas nel chi tzij Pedro.

Wuj Richin ri Jeremías 23:6

Y k'ari' xtik'oje' uxlanenri'il chupan ri ruwach'ulew Judá y chuqa' chupan ri ruwach'ulew Israel. K'ari' ri winaqi' xkejike' jebel. Kere' k'a ri rubi' ri xtikiya' ri ki-rey: Ja ri Dios ri Qach'akonik.

Wuj Richin ri Isaías 65:15

Yin xtinben chiwe chi rix xkixken, y ri nusamajela' kan xtikikusaj ri ibi' rix richin nikoyoj itzel. Jak'a rije' xtinya' jun k'ak'a' kibi'.

2 Sam 12:25

Y roma ri' ri Jehová xuteq k'a el ri Natán rik'in ri David richin xberubij chi ri ak'ual ri' chuqa' xtubini'aj Jedidías.*f7*

Wuj Richin ri Q'axanri'il 13:16

Jare' ri bi'aj kichin ri achi'a' ri xeruteq-el ri Moisés, richin nibekinachaj ri ruwach'ulew; y ri Oseas, ri ruk'ajol ri Nun, xya'ox chik jun rubi' roma ri Moisés y xubini'aj Josué.

Wuj Richin ri Rutikeribel 35:10

y xubij chire: Rat, Jacob ri abini'an-pe, jak'a re wakami man chik xtabini'aj ta Jacob, kan xtabini'aj k'a Israel, xcha'. Y kan Israel k'a ri rubi' xuya'.

Wuj Richin ri Rutikeribel 32:29

K'ari' ri Jacob xuk'utuj y xubij chire: Taq'alajirisaj ri abi' chinuwech, xcha'. Y ri achin xubij: ¿Achike roma nak'utuj nubi'?, xcha'. Xeri' ri achin xrurtisaj kan ri Jacob ri chiri'.

1 Crón 1:27

ri Abram, ri chuqa' nibix Abraham chire.