Wuj Richin ri Rutikeribel 17:16 - Kaqchiquel Bible

¹⁶ Y xtinya' urtisanik pa ruwi' rija', chuqa' xtinya' awalk'ual rik'in ri Sara; ja' kan xtinya' na wi urtisanik pa ruwi' y xtok jun te'ej kichin nima'q taq tzobaj winaqi' chuwech re ruwach'ulew y kik'in ri e ral-riy xke'el nima'q taq rey ri xkeq'aton-tzij pa kiwi' tinamit, xcha' ri Dios chire ri Abraham.

Wuj Richin ri Rutikeribel 17:16 ပူးပေါင်းရင်းမြစ်များ

Wuj Richin ri Rutikeribel 35:11

Ri Dios xubij chuqa' chire: Ja yin ri in Dios ri ronojel yitikir ninben; katalk'ualan k'a y xkewinaqir ri awijatzul, awik'in k'a rat xtel-wi jun tzobaj winaqi', richin ri ruwach'ulew, y kan e k'iy chik k'a ruwach'ulew xke'el awik'in; chuqa' xke'el rey rik'in ri awijatzul.

Wuj Richin ri Isaías 49:23

Ri e rey jari' xke'ok achi'el itata', y ri e reina achi'el ite'. Kan xtikiqasaj-ki' chiwech k'a pan ulew, y kan xtikireq' ri poqolaj ri k'o chirij ri iwaqen. Xtibanatej ronojel re' richin niwetamaj chi ja yin Jehová, y ri xtikikuquba' kik'u'x wik'in yin, kan man xkek'ixbitej ta.

Wuj Richin ri Rutikeribel 17:6

Y xtinben chi xkewinaqir ri awijatzul y kik'in rije' xtinben nima'q taq tzobaj winaqi' y xke'el k'a el rey chikikojol ri awijatzul.

1 Pedro 3:6

achi'el xuben ri Sara. Rija' kan xunimaj rutzij ri Abraham ri rachijil, y kan ajaw xcha' chire. Y rix kan xkixok achi'el ri Sara wi nik'uaj jun utzilej k'aslen, y man jun achoq chuwech xtixibij-iwi'.*f5*

Romanos 9:9

Toqaqa chi'ik'u'x ri xubij chik ri Dios chire ri Abraham:*f17* Xkipe chik iwik'in kewa' juna', roma ri Sara ri awixjayil xtik'oje' jun ti ral ala', xcha'.

Wuj Richin ri Rutikeribel 24:60

Xkiya' k'a urtisanik pa ruwi' ri Rebeca y xkibij chire: Qach'alal roj, xkatok ta k'a te'ej kichin e 1,000 winaqi' y ri awal-awiy xke'ichinan kan ri tinamit ri ye'etzelan kichin, xecha'.

Wuj Richin ri Rutikeribel 12:2

Y xkebek'oje' awijatzul y rik'in jun chike rije' xtinben jun nimalej tzobaj winaqi'. Xkatinwurtisaj y xtinben chawe chi xkatok jun nimalej achin chuwech re ruwach'ulew. Y keri' xkatok jun urtisanik chike ch'aqa' chik.

Wuj Richin ri Rutikeribel 1:28

Y ri Dios kan xerurtisaj y xubij chike: Kixalk'ualan y kixk'iyer y kan tinojisaj k'a ruwech chijun ruwach'ulew y ja rix xkixk'oje' pa kiwi' ri chikopi' ri ek'o pa ya', chikopi' ri yebe pa kaq'iq' y ri chikopi' ri ek'o chuwech re ruwach'ulew, xcha'.

Gálatas 4:23

Ri ruk'ajol ri xk'oje' rik'in ri raj-ik', xalex achi'el ye'alex konojel ak'uala'. Jak'a ri jun chik ruk'ajol xalex roma kan ja ri Dios ri xsuju-pe chire.

Wuj Richin ri Rutikeribel 17:15

Ri Dios xubij chire ri Abraham: Ri awixjayil rubini'an-pe Sarai y re wakami Sara*f16* k'a ri rubi' ri xtabij.

Wuj Richin ri Rutikeribel 17:19

Y ri Dios xubij chire ri Abraham: Kan qitzij na wi chi rik'in ri Sara ri awixjayil xtibek'oje' jun ak'ajol y xtiberubini'aj Isaac y rik'in rija' xtinjikiba' kan ri nutzij y xtibek'oje' kik'in ri rijatzul richin q'asen.

Wuj Richin ri Rutikeribel 21:1

Ri Jehová kan janila k'a jebel xuben rik'in ri Sara y kan xuben-wi achi'el ri rusujun kan chire.

Wuj Richin ri Rutikeribel 25:23

Y ri Jehová xubij chire: E ka'i' nima'q taq tzobaj winaqi' richin ri ruwach'ulew ek'o awik'in, kan man junan ta pe kiwech, ri jun más xtik'oje' ruchuq'a' chuwech ri jun chik, y ri nimalaxel xtiberusamajij ri chaq'laxel, xcha'.

Wuj Richin ri Rutikeribel 36:31

Jak'a rey re' ri ek'o pan Edom toq k'a man jani k'o ki-rey ri e rijatzul ri Israel:

Wuj Richin ri Rutikeribel 15:4

Jak'a ri Jehová kan chi'anin xch'on-pe y xubij chire: Ni, man ja ta ri asamajel ri xtichinan kan, xa kan jun awalk'ual rat xtichinan kan ri abeyomel, xcha'.