Wuj Richin ri Rutikeribel 17:14 - Kaqchiquel Bible

¹⁴ Y ri achin ri man xtiya'ox ta re etal re' chire, re' kan xtelesex-el chupan ri rutinamit chi'ikojol rix, roma xuq'ej ruwi' ri nujikibel-tzij, xcha'.

Wuj Richin ri Rutikeribel 17:14 ပူးပေါင်းရင်းမြစ်များ

Ex 12:19

Wuqu' q'ij k'a man nik'oje' ta ch'amilej-q'or pan iwachoch, roma wi jun iwinaq o jun chike ri man iwinaq ta, ri nutej ta kaxlan-wey ri k'o ch'amilej-q'or rik'in, kan xtelesex k'a el chi'ikojol.

1 Corintios 11:29

Roma wi xa man niq'ax ta chiwech ri rejqalen ri ruch'akul ri ajaw Jesucristo toq nitej ri kaxlan-wey y niqum ri vino, kan k'o k'a ri ruk'ayewal ri niqaqa pan iwi'.

1 Corintios 11:27

Xabachike k'a chiwe ri nitijo ri kaxlan-wey y nuqum ri vino ri xa man richin ta nuya' ruq'ij-ruk'ojlen ri Cristo, kan nimakun chirij ri ruch'akul y ri rukik'el ri Cristo.

Wuj Richin ri Jeremías 31:32

Y ri k'ak'a' jikibel-tzij ri' man achi'el ta k'a ri jikibel-tzij ri xinben kik'in ri kati't-kimama', toq xenwelesaj-pe chupan ri ruwach'ulew Egipto. Stape' ja yin in kajaw rije', jak'a xa man xkitaqej ta ri nujikibel-tzij.

Wuj Richin ri Jeremías 11:10

Kan nikiben k'a chuqa' rije' achi'el ri mak ri xkiben ri qati't-qamama', ri kan man xkajo' ta k'a xkinimaj rutzij y xa xekitzeqelibej k'a ch'aqa' chik dios. Konojel k'a winaqi' israelita y ri aj-Judá kan xkixolq'otij ri rujikibel-tzij ri xuben rija' kik'in ri qati't-qamama'.

Wuj Richin ri Isaías 33:8

Ri qabey kan tz'iran, y kan man jun chik k'a wineq ri niq'ax chiri'. Ri winaqi' kan nikiyoj k'a qa ri jikibel-tzij ri kibanalon chikiwech rije', y ri nikajo' nikitzeqelibej ri jikibel-tzij ri', xa xkeyojobex. Y kan man nikiya' ta kejqalen ri kachpochel.

Wuj Richin ri Isaías 24:5

Ri ruwach'ulew kan xok man ch'ajch'oj ta roma rije' kan man xkitaqej ta ri pixa'. Kan man xkiben ta ri xbix chike, y kan xkiq'ej ruwi' ri jikibel-tzij richin ri Dios.

Wuj Richin Bix Chire ri Dios 55:20

Ri wachibil xa kan xyakatej k'a chuwij, stape' junan qawech rubanon-pe. Y xa kan man xutaqej ta k'a ri rujikibel-tzij ri rubanon wik'in.

Wuj Richin ri Chojmirisabelri'il 19:8

Xabachike k'a ri xtitijo ri ti'ij ri' pa rox q'ij, kan ja rija' nejqalen ri rumak. Y re wineq re' kan xtelesex-el chi'ikojol, roma xuben chire chi maneq rejqalen ri jachon chuwe yin.

Wuj Richin ri Chojmirisabelri'il 18:29

Xabachike k'a wineq ri xtibanon jun chike ri itzel taq banobel re', kan xtelesex k'a el chi'ikojol rix.

Wuj Richin ri Chojmirisabelri'il 7:27

Roma ri' wi k'o ta jun wineq ri nitijo o nuqum kik', kan k'o chi telesex k'a el chikikojol ri ruwinaq, xcha' ri Jehová.

Wuj Richin ri Chojmirisabelri'il 7:25

Roma ri' wi k'o jun nitijo ruq'anal jun chikop ri kan utz richin kamelabel ri niporox chinuwech yin, ri xtibanon keri' kan telesex-el chikikojol ri ruwinaq.

Ex 30:38

Roma ri' wi k'o jun ri nibanon pom achi'el re wichin yin, roma jebel jubul nuseq ri ruxla', ri xtibanon keri' kan jumul k'a telesex-el chi'ikojol.

Ex 30:33

Roma ri' wi k'o jun ri nibanon aceite achi'el re wichin yin, o k'o ta jun ri niq'ejo pa ruwi' jun xabachike wineq, ri xtibanon keri' kan jumul k'a telesex-el chi'ikojol.

Ex 12:15

Wuqu' q'ij k'a xtitej kaxlan-wey ri maneq ch'amilej-q'or rik'in. Roma ri' kan ja yan ri pa nabey k'o chi niwelesaj-el ronojel ch'amilej-q'or ri k'o pan iwachoch. Roma xabachike ri xtitijo kaxlan-wey ri k'o ch'amilej-q'or rik'in chupan ri wuqu' q'ij, kan xtelesex k'a el chi'ikojol.

Wuj Richin ri Rutikeribel 17:15

Ri Dios xubij chire ri Abraham: Ri awixjayil rubini'an-pe Sarai y re wakami Sara*f16* k'a ri rubi' ri xtabij.

Wuj Richin ri Rutikeribel 34:14

Y rije' xkibij k'a chike: Man yojtikir ta niqaben keri'. Wi niqaya' ri qana' chire jun achin ri man qupin ta richin ya'on jun retal, ri keri' xa kan k'ixbel chiqe roj.

Wuj Richin ri Chojmirisabelri'il 23:29

Wi k'o ta jun wineq ri man nuchajij ta ri' y niwa' chupan ri q'ij ri' kan xtelesex k'a el chi'ikojol.

Wuj Richin ri Q'axanri'il 9:13

Jak'a ri wineq ri ch'ajch'oj, wi man beneq ta nej chire ri rutinamit y man nunimaq'ijuj ta ri q'ij ri', rija' k'o chi nelesex-el chi'ikojol, roma man xuya' ta apo ri sipanik chire ri Jehová chupan ri q'ij y kan nrejqalej k'a ri rumak.

Ez 44:7

Rix niben chire ri wachoch chi maneq rejqalen. Chuqa' niya' q'ij chike ri man e iwinaq ta richin ye'ok-apo chupan ri wachoch, winaqi' ri maneq ketal richin ri nujikibel-tzij ri nubanon iwik'in y ni ta k'o ketal pa taq kánima richin niq'alajin chi e wichin yin. Xiben chire chi maneq rejqalen ri wachoch, roma xisuj q'en y kik' kichin ri kamelabel chiri'. Chuqa' xixolq'otij ruwi' ri nujikibel-tzij ri nubanon iwik'in, roma xiben itzel taq banobel ri kan man utz ta nintz'et yin.