Wuj Richin ri Rutikeribel 17:12 - Kaqchiquel Bible

¹² Ri chawech-apo konojel ri ak'uala' taq alaboni' ri xke'alex pan awachoch, chi wiq chi tanaj nik'atzin chi niban re jun etal re' chike toq xtz'aqet yan waqxaqi' q'ij ke'alex, chuqa' chike ri ak'uala' ri ye'alex kik'in ri samajela' ri e aloq'on rik'in méro y chike ri winaqi' ri ek'o chi'ikojol y man e awijatzul ta rat.

Wuj Richin ri Rutikeribel 17:12 ပူးပေါင်းရင်းမြစ်များ

Wuj Richin ri Chojmirisabelri'il 12:3

Y toq ri ak'ual k'o waqxaqi' ruq'ij, nik'atzin chi niban ri retal chi rija' kan jun israelita-wi.*f3*

San Lucas 2:21

Toq xtz'aqet waqxaqi' q'ij talex ri ti ak'ual, jari' toq xqupix richin jun retal,*f4* y Jesús ri rubi' xkiya', kan achi'el ri bi'aj ri xubij ri ángel chire ri María toq k'a man jani tiyawej kan chirij ri ak'ual.

Filipenses 3:5

roma yin k'a waqxaqi' q'ij kinalex toq xiqupix richin xya'ox wetal. Yin, in jun chuqa' judío, in jun chike ri e rijatzul kan ri Benjamín, in judío pa walaxik. Y pa ruwi' ri pixa' kan xinok jun fariseo.

San Lucas 1:59

Toq ri ak'ual xtz'aqet waqxaqi' q'ij chi talex, xkik'uaj k'a richin chi niqupix richin jun retal,*f3* y Zacarías k'a ri rubi' ri xkajo' xkiya' chire ri ak'ual, roma keri' rubi' ri rutata'.

Romanos 2:28

Jun judío man xaxe ta roma nutaqej ri pixa', y chuqa' man roma ta ruk'uan ri etal richin ri ruch'akul.

Hechos 7:8

Rija' kan xuben k'a chuqa' jun jikibel-tzij rik'in ri Abraham. Ri jikibel-tzij ri' kan k'o k'a jun retal pa kich'akul ri achi'a'.*f16* Toq ri Isaac xalex, ri Abraham kan xuben k'a ri retal chire toq xa k'ari' waqxaqi' ruq'ij. Keri' chuqa' xuben ri Isaac toq xalex ri Jacob ri ruk'ajol. Y ja chuqa' xuben ri Jacob kik'in ri e kablajuj ruk'ajol ri xe'ok tata'aj richin re qatinamit Israel.

Wuj Richin ri Rutikeribel 21:4

Y rija' xuqupij k'a ri Isaac richin jun retal, toq k'o waqxaqi' ruq'ij achi'el rubin kan ri Dios chire.

Wuj Richin ri Rutikeribel 17:23

Chupan k'a ri q'ij ri' ri Abraham xuqupij ri Ismael ri ruk'ajol, richin xuya' retal y konojel ri rusamajela' ri xe'alex pa rachoch, konojel ri e loq'on rik'in méro y konojel ri achi'a' ri e aj pa jay ri ek'o chikikojol ri aj pa rachoch ri Abraham; konojel k'a rije' xequpix richin xya'ox ketal achi'el xbix kan chire roma ri Dios.

Ex 12:44

Jak'a ri samajel ri yuqul pa samaj, ri loq'on rik'in méro, ri kan qupin chik richin jun retal,*f4* kan utz nuben ri wa'in ri'.

Ex 22:30

Keri' chuqa' xtiben kik'in ri nabey taq kal ri iwákix y ri nabey taq kal ri ikarne'l; xa wuqu' q'ij yek'oje' rik'in ri te'ej y ri pa ruwaqxaq q'ij xtik'en-pe chuwe yin.