Wuj Richin ri Rutikeribel 17:11 - Kaqchiquel Bible

¹¹ Nik'atzin chi nichap ri rutz'umal ri rutza'n ri kikowil y k'ari' niqupix-el. Ja k'a retal re' ri jikibel-tzij ri xtik'oje' kan chiqakojol roj; rix y yin.

Wuj Richin ri Rutikeribel 17:11 ပူးပေါင်းရင်းမြစ်များ

Romanos 4:11

Rija' xuk'ul ri etal ri' richin niq'alajin chi rija' kan xukuquba' ruk'u'x, stape' rija' man jani ya'on retal. Roma ri' nibix chi rija' kitata' konojel ri kikuquban kik'u'x rik'in ri Dios, y niban chike chi man jun kimak yek'ulun chuwech, stape' man banon ta ri etal ri' chike.

Hechos 7:8

Rija' kan xuben k'a chuqa' jun jikibel-tzij rik'in ri Abraham. Ri jikibel-tzij ri' kan k'o k'a jun retal pa kich'akul ri achi'a'.*f16* Toq ri Isaac xalex, ri Abraham kan xuben k'a ri retal chire toq xa k'ari' waqxaqi' ruq'ij. Keri' chuqa' xuben ri Isaac toq xalex ri Jacob ri ruk'ajol. Y ja chuqa' xuben ri Jacob kik'in ri e kablajuj ruk'ajol ri xe'ok tata'aj richin re qatinamit Israel.

Deut 10:16

Kan tiyaka' k'a ronojel ri rujikibel-tzij ri Dios pa taq iwánima y man chaq tikowirisaj-iwi'.

2 Sam 3:14

Chirij ri' ri David xeruteq chik el uk'uey rutzijol k'a rik'in ri Is-bóset, y xubij-el chi tutaqa-pe ri Mical ri rixjayil, roma jari' ri xuch'ek toq xerukamisaj ri e wok'al aj-Filistea.

Wuj Richin ri Josúe 5:3

Y ri Josué xeruben k'a ri qupibel y xeruqupij k'a ri achi'a' richin ri retal chi ch'uti'q chi nima'q, chiri' pa taq'aj ruwi-juyu', y rije' xkibij chire ri juyu' ri' Qupibel.

Ex 12:48

Y wi k'o ta jun achin ri xa man iwinaq ta y nrajo' ninimaq'ijun junan iwik'in, kan konojel k'a ri achi'a' ri ek'o pa rachoch k'o chi yequpix richin jun retal, richin utz ninimaq'ijun iwik'in. Y ri wineq ri' kan xtok k'a achi'el xa ta alaxineq chi'ikojol. Roma kan man jun ri xa man qupin ta richin k'o retal, ri nitikir ta ninimaq'ijun junan iwik'in.

Ex 4:25

Y ri Séfora chi'anin xq'ax chuwech, xuchop jun qupibel y xuqupij ri ti ral richin jun retal chi rija' kan jun israelita.*f3* Y ri rutz'umal ri xuqupij xuya' chiraqen ri rachijil y xubij: Roma at wachijil, roma ri' xinben chi xbiyin rukik'el ri ti wal, xcha'.

Wuj Richin ri Rutikeribel 9:12

Y chuqa' ri Dios xubij k'a: Jare' ri retal ri jikibel-tzij ri ninben iwik'in y kik'in konojel kiwech chikopi' ri ek'o chi'ikojol, y keri' kik'in ri ch'aqa' chik sol winaqi':