Wuj Richin ri Rutikeribel 16:11 - Kaqchiquel Bible

¹¹ Chuqa' ri ángel xubij chire: Rat awoyoben jun ak'ual y ri ak'ual ri xtawalaj jun ti ala', Ismael*f12* ri rubi' ri xtaya', roma ri Jehová xrak'axaj ronojel ri aq'axo'n.

Wuj Richin ri Rutikeribel 16:11 ပူးပေါင်းရင်းမြစ်များ

Ex 3:7

Y ri Jehová xubij k'a chire: Yin kan nintz'et-wi ri tijoj-poqonal ri nuq'axaj ri nutinamit ri k'o pan Egipto, roma e ya'on pa kow taq samaj. Xinwak'axaj ri raqoj-chi'ij ri nikiben y re' kan nuya' k'a q'axo'n chuwe yin y ninjoyowaj kiwech.

Wuj Richin ri Isaías 7:14

Roma ri' ri Dios kan xtuya' k'a pe jun retal chiwech. Jun xten xtipe alanik chirij.*f2* Y xtibe'alex jun ti ral. Y Emanuel*f3* ri rubi' ri xtuya'.

1 Sam 1:20

Y ri Ana kan xyawej k'a kan chirij jun ak'ual, y toq xapon ruq'ijul, ri Ana xalex jun ti ral y ri ak'ual ri' xubini'aj Samuel,*f1* keri' rubi' ri xuya' roma kan chire ri Jehová xuk'utuj-wi.

Wuj Richin ri Rutikeribel 17:19

Y ri Dios xubij chire ri Abraham: Kan qitzij na wi chi rik'in ri Sara ri awixjayil xtibek'oje' jun ak'ajol y xtiberubini'aj Isaac y rik'in rija' xtinjikiba' kan ri nutzij y xtibek'oje' kik'in ri rijatzul richin q'asen.

San Lucas 1:63

K'ari' ri Zacarías xuk'utuj jun tz'alem ri yekikusaj richin yetz'iban. Chuwech k'a ri tz'alem ri' xutz'ibaj: Ri ak'ual xtubini'aj Juan, xcha'. Y konojel k'a ri ek'o chiri', kan janila xkimey-qa.

Wuj Richin ri Achin Job 38:41

Rat Job, ¿yatikir kami ye'atzuq ri qo'ch? Roma ri taq alaji' xa kow yeq'ajan y chuwe yin nikik'utuj-wi kiway. Rije' kan yebe-kela' yebe-kela' nikiben roma maneq kiway.

Ex 3:9

Ri kiraqoj-chi'ij ri israelita kan napon-wi chinuwech yin y chuqa' nintz'et chi kan janila e ya'on pa tijoj-poqonal koma ri aj-Egipto.

San Lucas 1:31

Wakami k'a, ninbij kan chawe chi xtipe alanik chawij, y toq xtalex k'a re ak'ual re', ti ala' y Jesús ri rubi' ri xtaya'.

San Lucas 1:13

Jak'a ri ángel xubij chire: Man taxibij-awi'. Ri Dios xrak'axaj ri ach'owen ri abanon rik'in. Roma ri' ri Elisabet xtik'oje' jun ti ral, y re ak'ual re', Juan ri rubi' ri xtaya'.

Wuj Richin Bix Chire ri Dios 22:24

Roma rija' kan man nupoqonaj ta k'a richin nuto' ri jun ri k'o pa q'axo'n. Kan man nrewaj ta k'a ri' chuwech ri k'o pa tijoj-poqonal. Y xa kan nrak'axaj k'a toq nuk'utuj to'onik.

Wuj Richin ri Rutikeribel 37:25

K'ari' xebetz'uye' richin xkitej kiway. Y jari' toq xekitz'et jun tzobaj winaqi' ri e rijatzul kan ri Ismael ri e peteneq, ri yepe k'a kela' pa ruwach'ulew Galaad, y kik'amon-pe jubulej taq aq'om, bálsamo, y mirra chikij ri ki-camello y kik'uan-el richin chi nikik'uaj k'a kela' pa ruwach'ulew Egipto.

Wuj Richin ri Rutikeribel 21:17

Y ri Dios kan xrak'axaj k'a chuqa' ri roq'ej ri ala' y jari' toq ri ángel richin ri Dios xch'on-pe rik'in ri Agar k'a chila' chikaj y xubij chire: ¿Achike xak'uluwachij Agar? Man taxibij-awi' roma ri Dios xrak'axaj ri ruch'owen la ala', la akuchi k'o-wi.