Wuj Richin ri Rutikeribel 15:5 - Kaqchiquel Bible

⁵ Y xeri' ri Dios xrelesaj-pe chupan ri rachoch banon rik'in tzieq y k'ari' xubij chire: Katzu'un chikaj y ke'awajlaj la ch'umila' wi yatikir ye'awajlaj. Kela' k'a ruk'iyal ri awijatzul ri xkebek'oje', xcha' chire.

Wuj Richin ri Rutikeribel 15:5 ပူးပေါင်းရင်းမြစ်များ

Hebreos 11:12

Y roma ri' xaxe roma ri Abraham ri kan achi'el chik kamineq xek'oje' janila chi winaqi', kan achi'el ri ch'umila' ri ek'o chikaj, ri kan man jun ri nitikir najlan kichin, y achi'el chuqa' ri sanayi' ri k'o chuchi' ri palou.

Romanos 4:18

Ri Abraham kan xunimaj k'a chi xtibanatej ri xbix chire roma ri Dios,*f12* stape' k'ayew roma xa ri'j chik. Jak'a kan xunimaj chi nok kitata' janila chi tzobaj winaqi', y roma ri' xek'oje' e k'iy rijatzul.*f13*

Deut 1:10

Roma ri Jehová ri qa-Dios xuben chiqe chi janila xojk'iyer yan y kan oj achi'el chik ri kajlabal ri ch'umila' ri ek'o chila' chikaj.

Ex 32:13

Toqaqa chi'ak'u'x ri xabij kan chike ri asamajela' ri Abraham, ri Isaac y ri Israel ri xajikiba' kan chike pan abi' rat chi kan xkewinaqir k'a ri kijatzul y kan achi'el k'a kajlabal ri ch'umila' ri ek'o chikaj xtaben chike, kan chike k'a ri kijatzul xtaya-wi kan ri ruwach'ulew ri asujun chike, kan xke'ok k'a chupan y kan xtikichinaj k'a richin q'asen, keri' xabij chike, xcha' ri Moisés.

Wuj Richin ri Rutikeribel 22:17

Xkatinwurtisaj y xtik'iyer k'a ri awijatzul achi'el ruk'iyal ri ch'umila' ri ek'o chila' chikaj, y achi'el ruk'iyal ri sanayi' ri k'o chuchi' ri palou, y ri awijatzul xke'ichinan kan ri tinamit ri ye'etzelan kichin.

Deut 10:22

Toq ri qati't-qamama' xe'apon pan Egipto xaxe e oxk'al lajuj wineq, jak'a re wakami ri Jehová ri qa-Dios xuben chiqe chi janila xojwinaqir achi'el ri kajlabal ri ch'umila' ri ek'o chila' chikaj.

Wuj Richin ri Jeremías 33:22

Kik'in ri e rijatzul kan ri David y ri e rijatzul kan ri Leví, kan xtinben chike richin xkek'iyer y ri kajlabal achi'el kajlabal ri ch'umila' ri ek'o chuwech ri kaj y achi'el ri kajlabal ri sanayi' ri ek'o chuchi' ri palou. Keri' xtinben kik'in rije', xcha' ri Dios chuwe.

Wuj Richin Bix Chire ri Dios 147:4

Kan xuch'ob janipe' ch'umila' yek'oje', chikijujunal rije' yeroyoj rik'in ri kibi'.

1 Crón 27:23

Toq ri David xerajlaj ri winaqi' israelita, man xerajlaj ta ri man jani k'o juwineq kijuna', roma ri Jehová rusujun chike ri kite-kitata' chi kan yeruwinaqirisaj ri israelita achi'el ri kajlabal ri ch'umila' ri ek'o chikaj.

Wuj Richin ri Rutikeribel 12:2

Y xkebek'oje' awijatzul y rik'in jun chike rije' xtinben jun nimalej tzobaj winaqi'. Xkatinwurtisaj y xtinben chawe chi xkatok jun nimalej achin chuwech re ruwach'ulew. Y keri' xkatok jun urtisanik chike ch'aqa' chik.

Wuj Richin ri Rutikeribel 28:14

Roma ri awijatzul ri xkebek'oje' achi'el ri poqolaj ri kan man ajlatel ta y xtikinojisaj ri ruwach'ulew, roma xkebek'oje' pa xaman, pa xokon, pa relebel-q'ij y pa qajbel-q'ij. Y awoma rat y koma ri awijatzul xtikik'ul urtisanik ri winaqi' ri pa taq tzobaj kik'uan-ki', chi kach'alal-ki', ri junan kich'abel y junan ri kiruwach'ulew.

Wuj Richin ri Rutikeribel 26:4

Y yin xtinben chi xtik'iyer ri awijatzul achi'el ruk'iyal ri ch'umila' ri ek'o chikaj, y chike k'a ri awijatzul xtinya-wi kan ronojel re ruwach'ulew re'. Chuqa' konojel ri tzobaj winaqi' richin ri ruwach'ulew xtinbenya' urtisanik pa kiwi' koma ri awijatzul rat.

Wuj Richin ri Rutikeribel 16:10

Chuqa' ri ángel richin ri Jehová xubij chire ri Agar: Xkewinaqir k'a ri awijatzul y man jun xtitikir xtajlan kichin, roma janila chi winaqi'.

Wuj Richin ri Rutikeribel 13:16

Y yin xtinben chi xkek'iyer ri awijatzul y kan man e ajlatel ta k'a achi'el ri poqolaj kan man jun nitikir najlan.

Wuj Richin ri Rutikeribel 17:2

Y xtik'oje' k'a ri nujikibel-tzij chiqakojol roj, y yin xtinben chi xkewinaqir ri awijatzul, xcha'.

Wuj Richin ri Josúe 24:3

Y yin xink'en-pe ri itata' Abraham re juk'an chik chire ri raqen-ya' y xinben chire chi xbe juba' kela', y juba' kela' chupan re ruwach'ulew Canaán, y yin xinben chi janila xk'iyer ri rijatzul roma ri Isaac.

1 Rey 3:8

Y wakami, ja yin ri xik'oje' kan chuwech ri nimalej tinamit ri acha'on rat, jun nimalej tinamit ri kan man e ajlatel ta.

Wuj Richin ri Nehemías 9:23

Rat xaben k'a chi xewinaqir ri kalk'ual achi'el ri ch'umila' ri ek'o chikaj. Xe'ak'uaj k'a pa ruwach'ulew ri xasuj chike ri qati't-qamama', richin chi xkichinaj kan.

Wuj Richin ri Achin Job 35:5

Rat Job, katzu'un na pe el chikaj y tatzu' k'a akuchi k'o-wi ri kaj tatzu-q'anej ri sutz', y xtatz'et chi kan k'a nej k'o-wi el chawe.

Wuj Richin ri Isaías 51:2

Titz'eta' ri Abraham, ri imama', achoq ik'in xixpe-wi, y ri Sara ri iwati't. Roma toq xenwoyoj ri Abraham y ri Sara, rije' kan k'a kiyon na. Jak'a yin kan xinya' urtisanik pa kiwi', y xenya' janila e k'iy kijatzul.

Wuj Richin ri Rutikeribel 32:13

Y chiri' k'a xk'oje-wi kan ri aq'a' ri', y chiri' xuben-wi ruchojmil ri sipanik richin chi nuya' chire ri Esaú, ri rach'alal. Y ri sipanik ri' kere' rubanik: