Wuj Richin ri Rutikeribel 15:18 - Kaqchiquel Bible

¹⁸ Chupan ri q'ij ri', ri Jehová xuben jun jikibel-tzij rik'in ri Abram y xubij chire: Chike ri awijatzul xtinya-wi kan re ruwach'ulew re', nitiker-el rik'in ri raqen-ya' richin Egipto y napon k'a rik'in ri nimalej raqen-ya' rubini'an Éufrates.

Wuj Richin ri Rutikeribel 15:18 ပူးပေါင်းရင်းမြစ်များ

Wuj Richin ri Rutikeribel 12:7

Y ri Jehová xbepapo' chuwech ri Abram y xubij chire: Chike konojel awijatzul xtinya-wi re ruwach'ulew re', xcha'. Y jari' ri Abram xuben-q'anej jun porobel richin xuporoj jun kamelabel chuwech ri Jehová roma chiri' xuk'ut-wi-ri' chuwech.

Wuj Richin ri Rutikeribel 24:7

Roma ri Jehová Dios, ri rajaw ri kaj, ri xinelesan-pe chupan ri rachoch ri nata', y ri xinelesan-pe chiri' chupan ri ruwach'ulew kichin ri wach'alal, rija' kan rujikiban rutzij chuwe chi chike ri wijatzul yin xtuya-wi re ruwach'ulew Canaán. Y rija' kan xtuteq-pe jun ángel richin chi xkaruto', richin chi k'a chila' xtak'en-pe ri xten ri xtok rixjayil ri nuk'ajol,

Wuj Richin ri Rutikeribel 13:15

roma ronojel la ulew natz'et, xtinya' chawe rat y chike ri awijatzul richin q'asen.

Wuj Richin ri Isaías 27:12

Chupan k'a ri q'ij ri' ri Jehová kan k'o k'a ri xtiberubana'. Nitiker-pe chupan ri raqen-ya' Éufrates y napon k'a pa raqen-ya' Egipto, kan xkeruk'is k'a konojel. Xtiban chike achi'el toq nich'ay ri trigo. Jak'a rix aj-Israel xa kan xkixmol chi'ijujunal.

Wuj Richin ri Nehemías 9:8

Y xatz'et k'a, chi rija' kan xukuquba' ruk'u'x awik'in. Chuqa' kan xajikiba-atzij chire chi naya' chike ri rijatzul rija', ri ruwach'ulew kichin ri cananeo, ri hitita, ri amorreo, ri ferezeo, ri jebuseo y ri gergeseo. Y kan keri' k'a xaben roma rat kan naben ri nabij.

Deut 11:24

Ronojel ri ruwach'ulew ri akuchi xkixq'ax-wi jari' xtok iwichin, nitiker-pe pa xokon chire ri tz'iran ruwach'ulew y napon k'a pa Líbano, y nitiker-pe pa relebel-q'ij chire ri raqen-ya' Éufrates y napon k'a chuchi' ri palou.

Wuj Richin ri Q'axanri'il 34:5

Y chiri' nusutij-el-ri' y napon k'a chuchi' ri ch'uti'n raqen-ya' richin Egipto. Napon k'a pa xaman y nibek'is kan ri ruchi' k'a chupan ri palou.

Hebreos 13:20

Ri Dios, ri niya'on uxlanen pa taq qánima, ri xk'ason-pe ri nimalej Yuq'unel ri qajaw Jesús; ri Jesús ri xken y xbiyin ri rukik'el richin xk'achoj ri jikibel-tzij richin jantape',

Wuj Richin ri Jeremías 32:40

Xtinben k'a kik'in rije' jun jikibel-tzij richin q'asen. Kan xtinya' nutzij chi jantape' xtinben utz kik'in. Xtinben k'a chike richin nikiya' nuq'ij jantape' y man jun bey chik xtikijech'ej kan ki' wik'in.

2 Crón 9:26

Y rija' xk'oje' pa kiwi' ri rey ri ek'o chupan ri ruwach'ulew ri nitiker-pe pa xaman rik'in ri raqen-ya' Éufrates, k'a pa qajbel-q'ij rik'in ri kiruwach'ulew ri aj-Filistea, y napon k'a pa xokon rik'in ruk'ulba't ri ruwach'ulew Egipto.

Deut 34:4

Y ri Jehová xubij: Jare' ri ruwach'ulew ri xinsuj chike ri Abraham, ri Isaac y ri Jacob toq xinbij chi chike ri kijatzul xtinya-wi. Yin xinya' q'ij chawe richin natz'et re ruwach'ulew re', jak'a rat xa man xkatok ta chupan, xcha'.

Ex 23:23

Roma ri' ri nu-ángel xtinabeyej-el chiwech y xkixruk'uaj chupan ri kiruwach'ulew ri amorreo, ri heteo, ri ferezeo, ri cananeo, ri heveo y ri jebuseo; konojel re winaqi' re' xkenk'is yin.

Wuj Richin ri Rutikeribel 26:4

Y yin xtinben chi xtik'iyer ri awijatzul achi'el ruk'iyal ri ch'umila' ri ek'o chikaj, y chike k'a ri awijatzul xtinya-wi kan ronojel re ruwach'ulew re'. Chuqa' konojel ri tzobaj winaqi' richin ri ruwach'ulew xtinbenya' urtisanik pa kiwi' koma ri awijatzul rat.

1 Rey 4:21

Ri ruwach'ulew ri k'o pa ruq'a' ri rey Salomón nitiker k'a pe pa relebel-q'ij chuchi' ri raqen-ya' Éufrates y napon k'a pa qajbel-q'ij rik'in ri kiruwach'ulew ri aj-Filistea, y ri pa xokon, k'a rik'in ri ruwach'ulew Egipto. Y konojel ri winaqi' richin re ruwach'ulew re' kan xkiya' kan ri k'o chi nikitoj chire ri Salomón, y chuqa' kan xkilij rija' chijun ruk'aslen.

Wuj Richin Bix Chire ri Dios 105:11

xubij k'a chire chi xtuya' ri ruwach'ulew Canaán richin xtrichinaj kan.

Wuj Richin ri Josúe 15:4

Y keri' niq'ax-el pa tinamit Asmón y niq'ax-el rik'in ri ch'uti'n raqen-ya' richin Egipto, y nibek'is k'a rik'in ri palou. Jari' ri ruk'ulba't ri pa xokon.

Deut 7:1

Toq ri Jehová Dios xkixrukusaj-apo chupan ri ruwach'ulew, jari' toq kan chiwech xkerelesaj-el wuqu' tinamit ri janila e nima'q y janila kuchuq'a' chiwech rix, jare' ri tinamit: Ri hitita, ri gergeseo, ri amorreo, ri cananeo, ri ferezeo, ri heveo y ri jebuseo.

Wuj Richin ri Rutikeribel 50:24

Xapon k'a jun q'ij toq ri José xubij chike ri rach'alal: Yin xa juba' chik ok in k'es, jak'a ri Dios xtipe richin yixruto' y xkixrelesaj-el re wawe' chupan re ruwach'ulew re' y xkixberuya-q'anej chupan ri ruwach'ulew ri sujun kan chike ri qate-qatata' Abraham, Isaac y ri Jacob, xcha' chike.

Wuj Richin ri Rutikeribel 35:12

Re ruwach'ulew re' kan nusujun chik chike ri Abraham y ri Isaac, kan xtinya' k'a chuqa' chawe rat, chuqa' chike ri awijatzul, xcha'.

Wuj Richin ri Rutikeribel 28:4

Chawe k'a rat y chuqa' chike ri awijatzul xtuya-wi ri urtisanik ri rusujun kan chire ri Abraham, richin xtok awichin re ruwach'ulew akuchi ojk'o-wi, roma ri Dios kan keri' rusujun kan chire ri Abraham, xcha' ri Isaac chire ri Jacob.

Ex 34:11

Kan tibana' k'a ronojel ri xinbij chiwe chupan re jun q'ij re', y yin kan xkenwelesaj k'a el ri winaqi': Ri amorreo, ri cananeo, ri heteo, ri ferezeo, ri heveo y ri jebuseo.

Ex 6:4

Chuqa' xinjikiba' chike chi ninya' ri ruwach'ulew richin ri Canaán chike, ri akuchi xeq'ax yan juba'.

Ex 3:8

Roma ri' xiqaqa-pe richin chi yetotej-el pa kiq'a' ri aj-Egipto, y yenwelesaj-el chupan ri ruwach'ulew ri', y yenk'uaj chupan jun utzilej ruwach'ulew y nim, ri akuchi niwachin-wi ronojel ruwech tiko'n, ri akuchi k'o-wi ri kiruwach'ulew ri winaqi' cananeo, ri heteo, ri amorreo, ri ferezeo, ri heveo y ri jebuseo.

1 Crón 5:9

Ri ruk'ulba't napon pa relebel-q'ij y k'a pa tz'iran ruwach'ulew ri k'o-pe chuwech ri raqen-ya' Éufrates, roma xk'iyer k'a ri kawej chiri' pa ruwach'ulew Galaad.

2 Sam 23:5

Y keri' k'a xtuben ri Dios kik'in ri wijatzul yin. Keri' xtuben roma rija' kan xuben jun jikibel-tzij wik'in richin jantape'. Ri jikibel-tzij ri' kan xuben pa ruchojmilal. Roma ri' rija' xkiruto' jantape', y ronojel ri nurayibel, kan xtuya'.

Wuj Richin ri Rutikeribel 2:14

Ri rox ruq'a' ri raqen-ya' ri', rubini'an Tigris; jare' ri niq'ax pa relebel-q'ij chire ri Asiria. Y ri rukaj ruq'a' ri raqen-ya' jari' ri Éufrates.

Wuj Richin ri Isaías 55:3

Kixanpe wik'in y kan kiniwak'axaj jebel; kan kiniwak'axaj richin yixk'ase'. Yin kan xtinben jun jikibel-tzij iwik'in richin q'asen, richin xtinya' ajowabel chiwe, y xkik'oje' iwik'in richin jantape', achi'el xinben rik'in ri David.

2 Sam 8:3

Keri' chuqa' ri David xbe chupan ri ruwach'ulew ri k'o kela' chuchi' ri raqen-ya' Éufrates richin nuk'en chik kan ri ruwach'ulew ri'. Y chiri' xuch'ek ri rey richin ri tinamit Sobá, ri rubini'an Hadad-ézer ruk'ajol ri Rehob.

Hechos 7:5

Ri Dios kan man jun k'a ulew xuya' ta kan chire ri Abraham chupan re ruwach'ulew re', stape' ta xaxe richin nipa'e-wi. Jak'a ri Dios kan xusuj-wi k'a chire chi re ruwach'ulew re' xtok richin rija' y qichin roj ri oj riy-rumam. Kere' xubij ri Dios chire ri Abraham, stape' man jun ralk'ual chiri'.

Apocalipsis 9:14

y xubij k'a chire ri ángel ri': Ke'asolo' ri kaji' ángel ri e ximil kan chuchi' ri nimalej raqen-ya' Éufrates, xcha'.

Ex 6:8

Xkixink'uaj chupan ri ruwach'ulew ri nusujun-pe chike ri Abraham, ri Isaac y ri Jacob, Y YIN RI JEHOVÁ xtinya' k'a kan chiwe rix, richin xtiwichinaj, kacha' chike, xcha' ri Jehová.

Ex 13:11

Y toq ri Jehová xqojrukusaj-apo chupan ri ruwach'ulew kichin ri cananeo, ri ruwach'ulew ri kan rujikiban chik chike ri qate-qatata', y chuqa' chiqe roj, chi kan xtuya-wi chiqe,

Ex 32:13

Toqaqa chi'ak'u'x ri xabij kan chike ri asamajela' ri Abraham, ri Isaac y ri Israel ri xajikiba' kan chike pan abi' rat chi kan xkewinaqir k'a ri kijatzul y kan achi'el k'a kajlabal ri ch'umila' ri ek'o chikaj xtaben chike, kan chike k'a ri kijatzul xtaya-wi kan ri ruwach'ulew ri asujun chike, kan xke'ok k'a chupan y kan xtikichinaj k'a richin q'asen, keri' xabij chike, xcha' ri Moisés.

Deut 12:20

Toq ri Jehová ri qa-Dios xtunimirisaj yan ri iruwach'ulew achi'el ri rusujun kan chiwe, y rix kan xtirayij xtitej ri ti'ij, kan titija' xabachike q'ij xa janipe' niwajo'.

Deut 19:8

Toq ri Jehová ri qa-Dios xtunimirisaj ri iruwach'ulew ri xtiberuya' chiwe achi'el ri sujun chike ri qati't-qamama',

2 Crón 7:8

Y ri Salomón xunimaq'ijuj k'a ri nimaq'ij richin ri taq jay banon rik'in ruq'a-che'. Y kan konojel k'a ri winaqi' israelita ek'o-apo chiri'; ri winaqi' ri' e peteneq k'a pa ronojel tinamit, nitiker-pe pa xaman chiri' pa tinamit Hamat y napon-qa pa xokon k'a chuchi' ri raqen-ya' richin ri ruwach'ulew Egipto. Wuqu' k'a q'ij xenimaq'ijun chuwech ri Jehová Dios.

2 Crón 8:7

Ri Salomón xeruya' pa taq kowilej samaj ri winaqi' ri e kijatzul kan ri man e kiwinaq ta, ri man xe'elesex ta kan, chupan ri kiruwach'ulew Israel. Konojel re winaqi' re' ja ri hitita, ri amorreo, ri heveo, ri ferezeo, y ri jebuseo; rije' kan yesamej k'a rik'in ri rey y keri' nikiben.

Wuj Richin ri Esdras 4:20

Y kan xek'oje' rey pa Jerusalem, ri kan janila kiq'ij, ri xek'oje' pa ruwi' ri ruwach'ulew ri k'o pa qajbel-q'ij chire ri raqen-ya' Éufrates. Y chike k'a rije' xtoj-wi ri méro ri kan k'o chi nitoj chire ri rey: Ri nitoj roma ulew, ri jay y ri nitoj roma ri k'ayij.

Ex 2:24

Y ri Dios kan xrak'axaj k'a ri kijiloj rije', y kan k'o k'a chi yeruto' roma keri' ri jikibel-tzij ri rubanon ojer, kik'in ri Abraham, ri Isaac y ri Jacob.

Ex 34:24

Roma yin kan xkenwelesaj k'a el ri e etzelanel iwichin y kan xtinnimirisaj k'a ri iruwach'ulew, roma ri' kan maneq chik k'a winaqi' ri xkerayin ri iruwach'ulew. Y rik'in ri keri', rix kan yixtikir yixapon-q'anej chinuwech yin Jehová, chupan chi oxi' nimaq'ij ri niban pa jun juna'.

Wuj Richin ri Chojmirisabelri'il 26:42

Chirij ri' k'ari' xtoqaqa chinuk'u'x ri nujikibel-tzij ri nubanon rik'in ri Jacob, ri Isaac, y rik'in ri Abraham, chuqa' xtoqaqa chinuk'u'x ri ruwach'ulew.

Wuj Richin ri Chojmirisabelri'il 26:45

Kan xtoqaqa k'a chinuk'u'x ri jikibel-tzij ri qabanon iwik'in toq xixinwelesaj-pe chikikojol ri aj-Egipto, y xinok i-Dios chikiwech konojel nima'q taq tinamit. Yin Jehová ri yibin, xcha'.

Wuj Richin ri Josúe 13:3

nitiker-el rik'in ri raqen-ya' Sihor ri k'o pa relebel-q'ij chire ri Egipto y napon k'a rik'in ri ruchi' ri tinamit Ecrón ri k'o pa xaman, y ronojel re' nibix ruwach'ulew kichin ri aj-Canaán chire; y chupan ri' ek'o wo'o' tata'al chikikojol ri aj-Filistea. Re' xek'oje' pa tinamit Gaza, Asdod, Ascalón, Gat y Ecrón. Y keri' chuqa' ri kiruwach'ulew ri aveo

1 Rey 5:1

K'o k'a jun achin rubini'an Hiram, rey richin ri ruwach'ulew Tiro, y rija' janila xrajo' ri David toq k'a k'es na. Y jun q'ij xeruteq k'a pe jun tzobaj rusamajela' richin xbekiq'ejela' ri Salomón roma xrak'axaj chi ja rija' xok kan rey pa ruk'exel ri David ri rutata'.

1 Crón 16:16

Re jikibel-tzij re' ri xuben rik'in ri Abraham, re yo'ontzij re' ri xuben rik'in ri Isaac,

Wuj Richin ri Jeremías 32:22

Y xaya' re ruwach'ulew re' chike ri qati't-qamama' ri xajikiba' richin naya' chike: Chuwech re ruwach'ulew re' kan janila niwachin ri tiko'n.