Wuj Richin ri Rutikeribel 15:15 - Kaqchiquel Bible

¹⁵ Jak'a rat k'a k'o na k'iy ajuna' ri xtakochij-el y kan k'o k'a uxlanibel-k'u'x awik'in toq xkaken y xkamuq.

Wuj Richin ri Rutikeribel 15:15 ပူးပေါင်းရင်းမြစ်များ

Wuj Richin ri Achin Job 5:26

K'iy k'a juna' xkak'ase' y kan k'a k'o na awuchuq'a' toq xkaken; achi'el toq ri trigo q'en-q'en rubanon richin niq'at.

2 Crón 34:28

Jak'a rat kan man xtatz'et ta k'a el ri ruk'ayewal ri xtinteq-pe pa ruwi' re ruwach'ulew re' y pa kiwi' ri winaqi', roma xa kan xtinben k'a chi xkaken-el rik'in uxlanibel-k'u'x, y xkamuq kik'in ri awati't-amama'; jare' ri nubij ri Jehová, xcha' ri Huldá. K'ari' ri e rutaqon-el ri rey xetzolin, y xbekibij chire ronojel ri xbix-el chike.

Wuj Richin ri Q'axanri'il 27:13

Y toq atz'eton chik na kan ri ruwach'ulew ri', rat chuqa' xkaken y xtabek'ulu-awi' kik'in ri awati't-amama' achi'el xbanatej rik'in ri awach'alal Aarón.

Dn 12:13

Jak'a rat, Daniel, xa xtapon k'a ri q'ij richin xkatuxlan-el y xkabeyakatej chik pe k'a pa ruk'isibel taq q'ij chire ri tijoj-poqonal richin nak'ul ri k'o chi nok awichin rat.

Hechos 13:36

Jak'a ri David, toq xa kan ruk'ison chik k'a kan ri samaj ri ruya'on-pe ri Dios chire, xken, y xbemuq kan ri akuchi e muqul-wi ri e rati't-rumama'. Xa kan xq'ey-wi k'a ri'.

Wuj Richin ri Molojri'il 12:7

Kan man k'a tamestaj ri k'iytisanel awichin rokik man jani nok chik ulew ri ach'akul y rokik chuqa' man jani nitzolin rik'in ri Dios ri awánima ri kan richin wi k'aslen ri ya'on-pe chawe roma rija'.

Wuj Richin ri Achin Job 42:17

Y toq ri Job xken, kan jun achin ri janila ri'j chik; kan janila chik k'a k'iy rujuna'.

1 Crón 29:28

Xken k'a ri rey David toq janila ri'j chik. K'iy k'a juna' xk'ase-el y kan k'o rubeyomel y kan janila xya'ox ruq'ij. Y ja ri Salomón ri ruk'ajol, jari' ri xk'oje' kan pa ruk'exel.

Wuj Kichin ri To'onela' 2:10

Chuqa' xeken k'a ri sol winaqi' ri xek'ase' toq k'a k'es na ri Josué. Y keri' ri jun chik sol winaqi' ri xek'oje' kan chikij rije' man ketaman ta k'a ruwech ri Jehová, ni ri nima'q taq banobel ri xuben rik'in ri tinamit Israel.

Wuj Richin ri Rutikeribel 49:29

Y jun q'ij ri Jacob xubij k'a chike ri ruk'ajol: Yin xa juba' chik ok ri in k'es. Toq xkiken kinibemuqu' k'a ri akuchi e muqun-wi ri nuwinaq, kik'in ri nte-nata', chiri' pa ruwach'ulew richin ri Efrón hitita,

Wuj Richin ri Q'axanri'il 20:24

Rat Aarón yabeken yan, y man xkatok ta chupan ri ruwach'ulew ri nusujun chike ri awinaq israelita, roma rix ix ka'i' xiq'ej ruwi' ri nuch'abel, ri chiri' akuchi xk'oje-wi kan ri ralaxbel-ya' Meribá.

Wuj Richin ri Rutikeribel 35:29

Y xken k'a roma rijixinen, y keri' xk'olotej-el chuwech re ruwach'ulew y xbemuq kan koma ri Esaú y ri Jacob ri e ruk'ajol.

San Mateo 22:32

Roma nubij: Jak'a yin ri in Dios ri xkiya' ruq'ij ri Abraham, ri Isaac y ri Jacob, nicha'. Y kan qetaman chuqa' chi ri Dios xaxe ki-Dios ri k'o kik'aslen, y xa man kichin ta ri kaminaqi', xcha' ri Jesús.

Wuj Richin ri Molojri'il 6:3

Stape' jun achin xeralk'ualaj ta e wok'al ralk'ual y kan janila xyaloj xk'ase-el, ri rujuna' kan janila k'iy ri xukochij-el. Y man xuya' ta chire ri ránima janipe' ri xurayij, y kan man xmuq ta chi utzil. Yin ninch'ob chi k'o más rejqalen ri ak'ual ri kamineq xalex ri man xril ta ruq'ijul ke chuwech ri jun achin ri'.

Wuj Richin Bix Chire ri Dios 37:37

Tatz'eta' ri wineq ri choj ruk'aslen, ri man jun itzel banobel nuben. Re wineq re' xtik'ase' rik'in uxlanibel-k'u'x.

1 Crón 23:1

Toq ri David janila chik ri'j, xuq'alajirisaj k'a chikiwech ri winaqi' chi ja ri Salomón ri ruk'ajol xtik'oje' kan pa ruk'exel.

Wuj Richin ri Rutikeribel 50:13

xkik'uaj k'a el k'a pa ruwach'ulew Canaán, richin xbekimuqu' kan chupan ri jul ri k'o pa rulew ri Macpelá ri ruloq'on kan ri Abraham rik'in ri Efrón hitita, ri k'o pa relebel-q'ij chire ri Mamré, ri akuchi yemuq-wi konojel rije' toq yeken.

Wuj Richin ri Rutikeribel 49:31

Chiri' xemuq-wi ri Abraham y ri Sara, ri Isaac y ri Rebeca y chiri' chuqa' numuqun-wi kan ri Lea.

Wuj Richin ri Rutikeribel 23:19

Y chirij ronojel re', k'ari' ri Abraham xberumuqu' kan ri rukaminaq chupan ri jul ri k'o pa Macpelá, ri ti xoral ri k'o pa relebel-q'ij chire ri Mamré y wakami nibix chuqa' Hebrón chire, ri k'o chiri' pa ruwach'ulew Canaán.

Wuj Richin ri Rutikeribel 23:4

Yin xa man in aj wawe' ta, xa nej kipe-wi, y chi'ikojol rix ink'o-wi wakami. Tibana' utzil chuwe richin tik'ayij juba' wulew, y chiri' xtinmuq-wi ri nukaminaq, xcha' ri Abraham.

Wuj Richin ri Rutikeribel 47:30

Roma ri nurayibel yin chi toq xkiken, yinawelesaj-el re wawe' y yinak'uaj-el richin yinabemuqu' kan kik'in ri nte-nata', xcha'. Y ri José xubij chire: Xtinben k'a achi'el ri nawajo' rat, xcha'.

Deut 31:16

Y ri Jehová xubij k'a chire ri Moisés: Rat xkatuxlan yan k'a apo junan kik'in ri ate-atata', y toq rat at maneq chik, re winaqi' richin re tinamit re' xa xkeyojtej y xkekitzeqelibej-el ch'aqa' chik dios ri kichin ri winaqi' ri ek'o pa taq ruwach'ulew ri akuchi xke'apon-wi. Kan xkinkimalij k'a kan y xtikiq'ej ruwi' ri nujikibel-tzij ri nubanon kik'in.

Wuj Richin Bix Chire ri Dios 49:19

stape' keri', rija' xtiken y xtapon kik'in ri sol winaqi' kichin ri rute-rutata'. Xa man jun bey chik k'a xtutz'et ri saqil.

Wuj Richin ri Achin Job 41:32

Y jak'a toq rija' nibe pa ruwi' ri ya', kan nuben kan rubey y nich'ich'an nitzu'un; ri woqoq ri' kan lox-lox k'a nitzu'un, achi'el ri rusumal-wi'aj ri seq chik.