Wuj Richin ri Rutikeribel 14:21 - Kaqchiquel Bible

²¹ K'ari' ri rey richin Sodoma xch'on y kere' k'a xubij chire ri Abram: Nink'utuj utzil chawe chi ke'atzolij kan ri nuwinaq y tok kan awichin ronojel ri xak'en-pe chuwi' qaq'a', xcha' chire.

Wuj Richin ri Rutikeribel 14:21 ပူးပေါင်းရင်းမြစ်များ

Wuj Richin ri Rutikeribel 14:10

Chupan ri ruwa-taq'aj Sidim k'iy petróleo e rimil y ri rey richin ri Sodoma, richin ri Gomorra y ri aj-labal xe'animej chupan ri oyowal ri' y jujun chike rije' xebetzaq chupan ri petróleo ri e rimil chiri' y ri ch'aqa' chik xe'animej-el pa taq juyu'.

Wuj Richin ri Rutikeribel 14:20

Y nim ruq'ij ri nimalej Dios, ri Dios ri kan man jun chik achi'el rija', ri Dios ri kan xerujech pan aq'a' ri e etzelanel awichin; keri' xubij ri Melquisedec chire ri Abram. Y ri Abram xuch'er k'a jun chire ri lajuj ri ruch'akon-pe pan oyowal y xuya' chire ri Melquisedec.

Wuj Richin ri Rutikeribel 14:22

Y ri Abram xubij k'a chire ri rey richin Sodoma: Yin ninjikiba' k'a nutzij chuwech ri Jehová Dios, ri man jun chik achi'el rija', ri banayon ri kaj y ri ruwach'ulew,

Wuj Richin ri Rutikeribel 12:5

Xuk'uaj k'a el ri Sarai ri rixjayil, ri Lot ri ruch'utik'ajol, ronojel ri rubeyomel ri ruch'akon y ri winaqi' ri xeruloq' chiri' pan Harán. Xeruk'uaj k'a el pa ruwach'ulew Canaán. Y toq xapon chiri',

Wuj Richin ri Rutikeribel 14:11

Y ri achi'a' ri xech'akon xekik'uaj-el ri kiway y ri nima'q taq beyomel kichin ri Sodoma y ri Gomorra.

Wuj Richin ri Rutikeribel 47:24

y toq xtik'ol ri itiko'n, y ri jun chire ri ro' chire ronojel ri itiko'n ri xtik'ol niya' chire ri rey y ri kaji' chik chire ronojel xtok iwichin rix, richin ri iwija'tz y richin k'o xtitej kik'in ri iwalk'ual y ri ek'o pan iwachoch, xcha' ri José chike.