Wuj Richin ri Rutikeribel 14:20 - Kaqchiquel Bible

²⁰ Y nim ruq'ij ri nimalej Dios, ri Dios ri kan man jun chik achi'el rija', ri Dios ri kan xerujech pan aq'a' ri e etzelanel awichin; keri' xubij ri Melquisedec chire ri Abram. Y ri Abram xuch'er k'a jun chire ri lajuj ri ruch'akon-pe pan oyowal y xuya' chire ri Melquisedec.

Wuj Richin ri Rutikeribel 14:20 ပူးပေါင်းရင်းမြစ်များ

Wuj Richin ri Rutikeribel 28:22

Y re abej re' xtinya' kan richin retal, xtok k'a awachoch rat. Y ronojel ri xtaya' chuwe kan xtinch'er kan jun chire ri lajuj, xcha' ri Jacob.

Wuj Richin ri Malaquías 3:10

Tik'uaj k'a chupan ri wachoch ri jun chire ri lajuj chire ronojel ri k'o iwik'in, richin kan k'o xtik'oje' chupan ri yakonabel. Kinitejtobej na pe y yin xtinben chi achi'el xa ta xtijaqatej-pe ri kaj richin xtiq'ejej-pe ri urtisanik y kan pa ruk'iyal ri xtiqaqa pan iwi'.

San Lucas 18:12

Roma yin yimewayin ka'i' q'ij pa jun semana richin yich'on awik'in. Y ri lajuj chire ronojel ri ninch'ek ninya' chawe rat, xcha' ri fariseo pa ruch'owen.

Wuj Richin ri Rutikeribel 24:27

y xubij: Nim aq'ij-ak'ojlen rat Jehová ru-Dios ri wajaw Abraham y at nu-Dios chuqa' yin, rat janila xajoyowaj ruwech ri wajaw y xaben ri xasuj chire y chuqa' xak'ut ri bey chinuwech yin chi choj xinoqaqa-el pa kachoch ri rach'alal ri wajaw, xcha'.

Efesios 1:3

Tiqaya' k'a ruq'ij ri Dios rutata' ri qajaw Jesucristo. Y roma jun qabanon rik'in ri Cristo, ri Dios nuya' ronojel utzil richin chila' chikaj chiqe.

Romanos 15:16

rubanon chi xinok rusamajel ri Jesucristo achi'el jun sacerdote richin nintzijoj ri utzilej ruch'abel richin kolotajik chike ri winaqi' ri man e judío ta. Y keri' rije' xke'ok achi'el jun sipanik chire ri Dios. Y re' kan nuk'awomaj-wi ri Dios roma ri Loq'olej Espíritu.

Wuj Richin ri Malaquías 3:8

Rix man ruk'amon ta richin yiniq'ol, jak'a rix kan xiben. Rix nik'utuj achike ri iweleq'an wik'in. Yin ninbij chiwe chi ibanon eleq' chuwe, roma xa man iya'on ta ri jun chire lajuj, ni ri ch'aqa' chik sipanik.

Am 4:4

Kixbiyin pa Betel, y chiri' kixmakun-wi. Kixbiyin pa Guilgal, y kixmakun más ri chiri'. Ronojel k'a nimaq'a', tisuju' kamelabel richin nikuyutej ri imak. Y pa taq ox-ox q'ij, tik'ama' k'a pe ri jun chire ri lajuj chire ronojel.

Wuj Richin Bix Chire ri Dios 144:1

Nimalej ruq'ij ri Jehová, ri nuto'onel; ri kan nuben chuwe richin yitikir ninben oyowal.

Wuj Richin Bix Chire ri Dios 68:19

¡Nimalej ruq'ij ri ajaw, ri qakolonel! rija' kan q'ij-q'ij yojruto' rik'in ri tijoj-poqonal ri niqaq'axaj.

Wuj Richin Bix Chire ri Dios 44:3

Rije', man roma ta ri kikamisabal xe'ok kan chuwech ri ruwach'ulew ri', ni man ja ta ri kuchuq'a' rije' ri xekolo. Kan ja ri awijkiq'a' y ri asaqil rat kik'in rije' ri xbanon chike chi xech'akon, Kere' xaben kik'in roma kan xeqa' chawech.

Wuj Richin ri Nehemías 13:12

Y k'ari' konojel ri nuwinaq xkiya' chik ri jun chire ri lajuj chire ri jalajoj ruwech ixin, ri vino y ri aceite chupan ri yakonabel richin ri Dios.

Wuj Richin ri Nehemías 10:37

Y chuqa' xqaya' qatzij chi niqak'uaj pa rachoch ri Dios chike ri sacerdote ronojel re': Ri k'ej richin ri nabey taq k'ej, ri qasipanik richin jalajoj ruwech ixin, ri jebelej ruwech taq che' richin yetij, ri jebelej taq vino y ri jebelej taq aceite richin olivo. Y chike ri e levita niqaya' ri jun chire ri lajuj richin ronojel, toq rije' xke'el richin nikimol.

2 Crón 31:12

Y chiri' k'a xeyak-wi ronojel ri xmolotej, ri xkiya-apo ri israelita. Jak'a ri levita ri rubini'an Conanías ri xok aj-raqen pa ruwi' ri yakonabel, y ri pa ruka'n-qa chire rija' ja ri Simí ri rach'alal.

Wuj Richin ri Josúe 10:42

Ri Josué y ri achi'a' xekikamisaj k'a kan konojel re rey re' richin xkich'ek kan ri kiruwach'ulew: Y re' kan xetikir xkiben pa jun bey, roma ri Jehová ri ki-Dios xbanon oyowal junan kik'in rije'.

Deut 14:28

Ri pa taq ruk'isibel chire ri ox-ox juna' k'o chi nich'er kan ri jun chire ri lajuj chire ri itiko'n richin ri jun juna', y niyek kan pan itinamit,

Deut 14:23

Ri jun lajuj chire ri jalajoj ruwech ixin, ri vino, ri aceite, ri nabey taq kal ri iwákix y ri ikarne'l; kan xkixwa-xkixuk'ya' k'a chuwech ri Jehová ri qa-Dios chunaqaj ri rachoch ri chiri' ri akuchi rucha'on-wi rija', richin chi chiri' ninatex-wi ri rubi', richin chi niwetamaj ninimirisaj ruq'ij ri Jehová ri qa-Dios ronojel q'ij chire ri ik'aslen.

Deut 12:17

Chuqa' man titej chupan ri itinamit ri jun chire ri lajuj chire ri jalajoj ruwech ixin, ri vino, ri aceite, ni ri nabey kal ri iwawej, ni man jun chire ronojel ruwech sipanik, ni ri sipanik ri yakon-q'anej chikaj.

Wuj Richin ri Q'axanri'il 28:26

Chuqa' yixnimaq'ijun toq napon ri nimaq'ij richin Pentecostés, toq nisuj ri nabey jalajoj ruwech ixin. Y chupan ri q'ij ri' k'o chi nimol-iwi' richin niya' nuq'ij y man jun kowilej samaj niben.

Wuj Richin ri Rutikeribel 9:26

Y chuqa' xubij: Nim ruwa-ruq'ij ri Jehová ri qa-Dios, ri ru-Dios ri Sem, y ja ri Canaán jari' ri xtiyuqe' pa samaj rik'in.

Wuj Richin ri Rutikeribel 14:21

K'ari' ri rey richin Sodoma xch'on y kere' k'a xubij chire ri Abram: Nink'utuj utzil chawe chi ke'atzolij kan ri nuwinaq y tok kan awichin ronojel ri xak'en-pe chuwi' qaq'a', xcha' chire.

Ex 18:10

Y ri Jetro xubij chuqa': Tiqanimirisaj k'a ruq'ij ri Jehová, ri xelesan-pe iwichin pa kiq'a' ri aj-Egipto y pa ruq'a' ri rey. Xaxe k'a rija' ri xtikir xkolon-pe kichin ri winaqi' ri chiri' pan Egipto.

Wuj Richin ri Rutikeribel 47:24

y toq xtik'ol ri itiko'n, y ri jun chire ri ro' chire ronojel ri itiko'n ri xtik'ol niya' chire ri rey y ri kaji' chik chire ronojel xtok iwichin rix, richin ri iwija'tz y richin k'o xtitej kik'in ri iwalk'ual y ri ek'o pan iwachoch, xcha' ri José chike.

Wuj Richin ri Rutikeribel 47:26

Y ronojel re' kan xtz'ibatej kan pan Egipto, chi k'o chi niya'ox ri jun chire ri ro' chire ronojel ri tiko'n chire ri rey. Kan keri' ri pixa' ri xk'oje' kan pa kiwi' konojel ri winaqi'. Xaxe ri sacerdote ri man nikiya' ta, roma ri kulew rije' man xkik'ayij ta chire ri rey.

2 Sam 18:28

Y toq ri Ahimaas xapon, rik'in uchuq'a' xch'on-apo chire ri rey y xubij chi xech'akon yan. K'ari' xbexuke' chuwech ri rey y xubij: Nimalej ruq'ij ri Jehová, ri qa-Dios, roma xerujech pa qaq'a' ri xeyakatej chawij, rat wajaw, xcha'.