Wuj Richin ri Rutikeribel 14:19 - Kaqchiquel Bible

¹⁹ Y xrurtisaj ri Abram y xubij chire: Nim aq'ij rubanon ri nimalej Dios chawe rat Abram, ri Dios ri kan man jun chik achi'el rija', ri Dios ri xbanon ri kaj y re ruwach'ulew;

Wuj Richin ri Rutikeribel 14:19 ပူးပေါင်းရင်းမြစ်များ

Wuj Richin ri Rutikeribel 14:22

Y ri Abram xubij k'a chire ri rey richin Sodoma: Yin ninjikiba' k'a nutzij chuwech ri Jehová Dios, ri man jun chik achi'el rija', ri banayon ri kaj y ri ruwach'ulew,

Efesios 1:3

Tiqaya' k'a ruq'ij ri Dios rutata' ri qajaw Jesucristo. Y roma jun qabanon rik'in ri Cristo, ri Dios nuya' ronojel utzil richin chila' chikaj chiqe.

Efesios 1:6

Tiqaya' ruq'ij-ruk'ojlen ri Dios roma ri utzil ri qak'ulun rik'in, roma ri ruk'ajol, ri kan janila wi nrajo'.

San Mateo 11:25

Chupan k'a ri q'ij ri' ri Jesús xch'on-q'anej rik'in ri tata'ixel y xubij: Ninya' aq'ij nata', rat ri rajaw ri kaj y re ruwach'ulew, roma man xaq'alajirisaj ta ri utzilej ach'abel chikiwech ri winaqi' ri e aj-na'oj y ri etamanela'. Y xa chikiwech ri winaqi' ri maneq más ketamabal ri xaq'alajirisaj-wi re utzilej ach'abel re'.

Wuj Richin Bix Chire ri Dios 24:1

Chijun ri ruwach'ulew y ronojel ri k'o chuwech kan e richin ri Jehová. Chijun ri ruwach'ulew y konojel ri e k'es chuwech kan e richin-wi rija'.

Wuj Richin ri Rut 3:10

Y ri Booz xubij: Ja ri Jehová xturtisan awichin, roma rat kan k'iy wi utzilej taq banobel abanon rik'in ri awalite'; jak'a re banobel richin wakami kan jare' k'a ri más utz chuwech ronojel. Rik'in re', nak'ut chi at jun utzilej ixoq, roma rat man xatzu' ta ruwech jun achin ri k'a ala' na, beyom o man jun k'o rik'in, richin chi yak'ule' ta rik'in.

Hechos 16:17

Ri xten ri' kan jantape' oj rutzeqeliben. Kan rik'in k'a ruchuq'a' nich'on, y nubila' k'a chiqij: Re achi'a' re' e rusamajela' ri nimalej Dios ri k'o chila' chikaj, y nikitzijoj k'a chiwe achike rubanik niben rix richin chi yixkolotej, nicha'.

San Lucas 10:21

Chupan k'a ri ramaj ri', ri Loq'olej Espíritu janila kikoten xuya' pa ránima ri Jesús. Y xubij: Matiox ninya' chawe nata' Dios, rat ri rajaw ri kaj y re ruwach'ulew, roma man xaq'alajirisaj ta ronojel re' chikiwech ri winaqi' ri kan nikina' chi janila k'iy ketaman. Xa ja ri chikiwech ri winaqi' ri maneq ketamabal, xa chikiwech rije' xaq'alajirisaj-wi re'. Kan keri' wi k'a nata' Dios, roma jari' ri arayibel rat, xcha' ri Jesús.

Wuj Richin ri Miqueas 6:6

¿Achike ta k'a xtink'uaj richin xkinapon chuwech ri Jehová? ¿Achike xtinsipaj chire toq xtinya' ruq'ij ri nimalej Dios? ¿Kan ruk'amon kami chi xkinapon chuwech rik'in poron chikop? ¿Xkenk'uaj ta k'a el alaji' wákix ri k'o jujun kijuna'?

Wuj Richin Bix Chire ri Dios 115:16

Ri kaj kan richin k'a ri Jehová. Jak'a ri ruwach'ulew kan ruya'on k'a chiqe roj.

2 Sam 2:5

Y roma ri' ri David xeruteq-el ka'i-oxi' uk'uey rutzijol k'a kik'in ri achi'a' ri' y xuteq rubixik chike: Ja ri Jehová xtiya'on urtisanik pan iwi' rix, roma xiben ri jun nimalej utzil rik'in ri Saúl, ri qa-rey, richin ximuq toq xken.

Wuj Richin ri Rutikeribel 49:28

Jak'a kablajuj tzobaj winaqi' re' richin ri Israel. Y ja ch'abel re' ri xubij kan ri Jacob, ri kitata', pa kiwi' konojel, toq xuya' kan ri urtisanik pa kiwi', kan achi'el ri urtisanik ri ruk'amon niqaqa pa kiwi' chikijujunal ri ruk'ajol.

Wuj Richin ri Rutikeribel 47:10

K'ari' ri Jacob xuya' k'a urtisanik pa ruwi' ri rey y xel-pe ri chiri'.

Wuj Richin ri Rutikeribel 47:7

Chuqa' ri José xuk'uaj ri rutata' k'a chuwech ri rey y ri Jacob kan xuya' urtisanik pa ruwi' ri rey,

Wuj Richin ri Rutikeribel 27:4

y tabana-pe jun utzilej nuq'utun achi'el ri niqa' chinuwech yin, tak'ama-pe y xtintej. Chirij k'a re' xtinya' kan urtisanik pan awi' rokik k'a in k'es na, xcha' ri Isaac chire.

Marcos 10:16

Rija' xeruch'elela' y xuyala' ri ruq'a' pa kiwi' ri ak'uala' richin xerurtisaj.

Wuj Richin Bix Chire ri Dios 50:10

roma xa kan ja yin ri in rajaw konojel ri chikopi' ri ek'o pa k'echelaj; keri' chuqa' konojel ri jalajoj kiwech taq chikopi' ri ek'o pa taq q'ayis.

Wuj Richin ri Rutikeribel 24:3

richin chi naya' atzij chuwe yin y chuwech ri Jehová ri Dios, ri rajaw ri kaj, y ri rajaw re ruwach'ulew, richin chi man taya' q'ij chi ri nuk'ajol Isaac nik'ule' ta rik'in jun xten aj wawe' pa Canaán.

1 Sam 15:13

Toq ri Samuel xapon rik'in ri Saúl, ri Saúl xubij chire: Ja ri Jehová xturtisan awichin. Yin xinben yan ri xubij ri Jehová chuwe, xcha'.

Deut 10:14

Ri Jehová ri qa-Dios kan richin k'a rija' ri kaj ri tz'etel y ri man tz'etel ta, y chuqa' chijun ruwach'ulew, y ronojel ri ek'o chuwech.

1 Crón 29:11

Kan awichin rat ri nimirinen; kan xaxe wi rat ri k'o aq'ij. Kan xaxe rat ri k'o uchuq'a' awik'in, y nim ri aq'ij-ak'ojlen. Awik'in rat k'o-wi ri ch'akonik, y pan aq'a' rat k'o-wi ronojel ri k'o chuwech re ruwach'ulew y ri ek'o chikaj. Ja rat ri at Ajaw ri más nim k'o pa ruwi' ronojel.

2 Crón 31:8

Y toq ri Ezequías y ri e tata'al xkitz'et chi xmolotej k'iy, kan xkiya' ruq'ij ri Jehová y xkimatioxij chike ri kiwinaq.

Wuj Richin Bix Chire ri Dios 115:15

Kan utz ruwa-iq'ij rix ri ix richin ri Jehová, ri Jehová ri xbanon ri kaj y ri ruwach'ulew.