Wuj Richin ri Rutikeribel 14:16 - Kaqchiquel Bible

¹⁶ Xukol k'a pe ri beyomel ri kik'uan-el y chuqa' ri Lot ri ruch'utik'ajol, ri ixoqi' y konojel ri aj-labal ri ek'o rik'in.

Wuj Richin ri Rutikeribel 14:16 ပူးပေါင်းရင်းမြစ်များ

1 Sam 30:8

K'ari' xuk'ulubej ri Jehová y xubij chire: ¿Utz kami yentzeqelibej re tzobaj eleq'oma' re'? ¿Yitikir kami yenq'i'?, xcha'. Y ri Jehová xubij chire: Ke'atzeqelibej, roma kan ninbij chawe chi xke'aq'i', y xke'akol-pe ri xekik'uaj-el, xcha'.

Wuj Richin ri Isaías 41:2

¿Achike kami xbanon richin xbek'ulun-pe jun rey chiri' pa relebel-q'ij? ¿Achike kami xya'on ri ajawaren pa ruq'a'? ¿Achike kami xejachon-el ri tzobaj winaqi' richin ri ruwach'ulew pa ruq'a'? Y ¿Achike kami xq'aton kichin ri ch'aqa' chik rey? Ri rey ri xtipe kere' pa relebel-q'ij, xkerukamisaj ri winaqi' chi espada, y rije' xke'ok poqolaj. Chuqa' xkerukamisaj rik'in ri rute-ruch'ab, y ri rupoqolajul ri kich'akul ri winaqi' ri' xtuk'uex-el roma kaq'iq', achi'el nuben ri solot.

Wuj Richin ri Rutikeribel 12:2

Y xkebek'oje' awijatzul y rik'in jun chike rije' xtinben jun nimalej tzobaj winaqi'. Xkatinwurtisaj y xtinben chawe chi xkatok jun nimalej achin chuwech re ruwach'ulew. Y keri' xkatok jun urtisanik chike ch'aqa' chik.

Wuj Richin ri Rutikeribel 14:14

Y toq ri Abram xrak'axaj chi ri Lot, ri ruch'utik'ajol xuk'uex-el koma ri rey ri xech'akon, rija' xuya' kikamisabal ri samajela' ri e alaxineq pa rachoch. Xebe e 318 achi'a' y xekitzeqelibej k'a pa tinamit rubini'an Dan.

Wuj Richin ri Rutikeribel 50:7

K'ari' ri José xbe k'a el k'a pa Canaán richin xberumuqu' kan ri rutata' y xtzeqelibex-el koma ri rusamajela' ri rey y ri aj-raqen; nel chi tzij, ri aj pa rachoch y konojel ri aj-raqen richin ri ruwach'ulew Egipto,