Wuj Richin ri Rutikeribel 14:14 - Kaqchiquel Bible

¹⁴ Y toq ri Abram xrak'axaj chi ri Lot, ri ruch'utik'ajol xuk'uex-el koma ri rey ri xech'akon, rija' xuya' kikamisabal ri samajela' ri e alaxineq pa rachoch. Xebe e 318 achi'a' y xekitzeqelibej k'a pa tinamit rubini'an Dan.

Wuj Richin ri Rutikeribel 14:14 ပူးပေါင်းရင်းမြစ်များ

Wuj Kichin ri To'onela' 18:29

y xkijel k'a rubi', y xkibij Dan chire, achi'el ri rubi' ri kitata', ri ruk'ajol kan ri Israel.

Wuj Richin ri Rutikeribel 15:3

Y rija' xubij chuqa' chire ri Jehová: Rat man jun walk'ual aya'on y wakami xa ja ri nusamajel ri k'o pa kiwi' ri nusamajela' ri xtichinan kan ri nubeyomel, xcha' ri Abram.

Wuj Richin ri Molojri'il 2:7

Xenloq' nusamajela' chi achi'a' chi ixoqi' ri xeyuqe' pa samaj wik'in y chuqa' ek'o xe'alex pa wachoch. Kan e k'iy nuwákix y nukarne'l xek'oje' y kan man jun chik xk'oje' pa Jerusalem achi'el ta yin.

Deut 34:1

Chirij ri' ri Moisés xel k'a el chiri' pa taq'aj richin ri Moab y xjote-el pa ruwi' jun chike ri juyu' Pisgá y xapon pa ruwi' ri juyu' Nebo, ri k'o chuwech-apo ri Jericó. Chiri' ri Jehová xuk'ut chuwech chijun ri ruwach'ulew Canaán, ri nitiker-el pa Galaad y napon k'a pa Dan.

Wuj Richin ri Rutikeribel 17:27

Konojel k'a achi'a' ri ek'o rik'in pa rachoch y ri rusamajela' ri e alaxineq pa rachoch y ri e ruloq'on ri man e ruwinaq ta xban ri etal ri' chike. Y konojel k'a xya'ox ketal junan rik'in rija'.

Wuj Richin ri Rutikeribel 17:12

Ri chawech-apo konojel ri ak'uala' taq alaboni' ri xke'alex pan awachoch, chi wiq chi tanaj nik'atzin chi niban re jun etal re' chike toq xtz'aqet yan waqxaqi' q'ij ke'alex, chuqa' chike ri ak'uala' ri ye'alex kik'in ri samajela' ri e aloq'on rik'in méro y chike ri winaqi' ri ek'o chi'ikojol y man e awijatzul ta rat.

Wuj Richin ri Rutikeribel 12:5

Xuk'uaj k'a el ri Sarai ri rixjayil, ri Lot ri ruch'utik'ajol, ronojel ri rubeyomel ri ruch'akon y ri winaqi' ri xeruloq' chiri' pan Harán. Xeruk'uaj k'a el pa ruwach'ulew Canaán. Y toq xapon chiri',

1 Juan 2:18

Rix walk'ual, ojk'o chik chupan ri ruk'isibel taq q'ij. Y rix iwak'axan chik chi xtipe jun q'olonel ri netzelan richin ri Cristo. Y wakami e k'iy chik ri e keri'. Y roma ri' qetaman chik chi ojk'o chik chupan ri ruk'isibel taq q'ij.

Wuj Richin Bix Chire ri Dios 68:12

Nikibij k'a: ¡Xe'animej, xe'animej ri e rey kichin ri e etzelanel qichin!, yecha'. Y ri ixoqi' chiri' pa kachoch xkitaluj k'a chikiwech ri k'o rejqalen ri xkik'en-pe pa labal

Wuj Kichin ri To'onela' 20:1

Jari' k'a xe'el-pe ri achi'a' ri e richin ri ch'aqa' chik tzobaj richin niban jun molojri'il pa tinamit Mispá chuwech ri Jehová. Xkimol k'a ki' y xa jun xkiben, xtiker-pe pa Dan ri k'o pa xaman, k'a pa Beerseba ri k'o pa xokon, y konojel ri achi'a' ri ek'o juk'an chik chire ri raqen-ya' Jordán.

Wuj Richin ri Rutikeribel 23:6

Táta, tamuqu' k'a ri akaminaq chupan ri jul ri akuchi nawajo-wi rat; y kan xtiqaya' k'a chawe ri akuchi nawajo-wi. Roma roj kan qetaman chi rat at jun nimalej tata'al richin ri Dios chiqakojol, xecha' chire.

Wuj Richin ri Rutikeribel 18:19

Kan q'alaj chik chinuwech chi rija' kan xtuk'ut kan chikiwech konojel ri ralk'ual y ri rijatzul chi k'o chi nikitaqej ri niqa' chinuwech yin, roma rije' k'o chi pa ruchojmilal xtikiben ronojel y jebel chuqa' ruchojmirisaxik xtikiben chike ri yebanatej, richin keri' yin Jehová xtinya' ronojel ri nusujun chire ri Abraham, xcha-qa.

Wuj Richin ri Rutikeribel 13:8

K'ari' ri Abram xubij chire ri Lot: Rat y yin qach'alal-qi' y man ruk'amon ta richin nik'oje' oyowalen chiqakojol, ni chikikojol ri qasamajela'.

Wuj Richin ri Rutikeribel 12:16

Y roma ri Sarai, ri rey kan utz k'a xuben rik'in ri Abram, y kan xuya' k'a kokoj y nima'q taq rawej, chuqa' xeya' rubur chi achij chi ixoq, ru-camello y rusamajela' chi achi'a' chi ixoqi', ri kan e yuqul pa samaj.

Wuj Richin Etamabel-Tzij 17:17

Ri wineq ri kan qitzij achibil, kan nrajo-wi ri rachibil stape' k'o pa rutzil o ruk'ayewal; jun ach'alalri'il xalex chuwech re ruwach'ulew richin chi nuto' ri rach'alal toq napon pa ruk'ayewal.

Wuj Richin ri Rutikeribel 14:12

Y chikikojol ri winaqi' ri xekik'uaj-el, xkik'uaj chuqa' ri Lot ri ruch'utik'ajol ri Abram y ronojel ri rubeyomel, roma rija' chiri' pa Sodoma k'o-wi.

Wuj Richin ri Rutikeribel 14:16

Xukol k'a pe ri beyomel ri kik'uan-el y chuqa' ri Lot ri ruch'utik'ajol, ri ixoqi' y konojel ri aj-labal ri ek'o rik'in.

Wuj Richin ri Rutikeribel 17:23

Chupan k'a ri q'ij ri' ri Abraham xuqupij ri Ismael ri ruk'ajol, richin xuya' retal y konojel ri rusamajela' ri xe'alex pa rachoch, konojel ri e loq'on rik'in méro y konojel ri achi'a' ri e aj pa jay ri ek'o chikikojol ri aj pa rachoch ri Abraham; konojel k'a rije' xequpix richin xya'ox ketal achi'el xbix kan chire roma ri Dios.

1 Rey 15:20

Y ri Ben-hadad xjunamatej-ruwech rik'in ri rey Asá, y xeruteq-el ri achi'a' ri e aj-raqen pa kiwi' ri aj-labal, richin xbekibana' oyowal kik'in ri aj-Israel. Y keri' xkich'ek ri tinamit Iión, ri Dan, ri Abel-bet-maacá, ri ruwach'ulew Quinéret y chuqa' chijun ruwach'ulew richin ri Neftalí.

Wuj Richin ri Jeremías 41:12

Jari' toq rije' xekimol konojel ri achi'a' y xebe richin xbekibana' oyowal rik'in ri Ismael. Y xbekila' chunaqaj ri yakbel-ya' ri k'o pa tinamit Gabaón.

1 Sam 30:19

Kan ronojel k'a xetikir xkikol-pe, chi ch'uti'q chi nima'q, konojel ri kalk'ual, y ronojel ri eleq'an-el kik'in. Ronojel k'a xukol-pe ri David.