Wuj Richin ri Rutikeribel 14:13 - Kaqchiquel Bible

¹³ Y k'o k'a jun achin ri xukol-el-ri' chupan ri oyowal y xberuya' rutzijol chire ri Abram ri rijatzul kan ri Éber. Y ri Abram k'o k'a chiri' akuchi k'o-wi ri li'aj paten-che' richin ri Mamré ri rijatzul ri Hamor. Y ri Mamré kach'alal ri Escol y ri Aner. Y re achi'a' re' kan junan k'a kiwech rik'in ri Abram.

Wuj Richin ri Rutikeribel 14:13 ပူးပေါင်းရင်းမြစ်များ

Wuj Richin ri Rutikeribel 13:18

K'ari' ri Abram xuq'axaj ri rachoch banon rik'in tzieq ri chiri' rik'in ri li'aj paten-che' ri k'o pa rulew ri jun achin rubini'an Mamré, ri k'o pa tinamit Hebrón; y chiri' xupaba-q'anej jun porobel richin xusuj kamelabel chuwech ri Jehová.

Wuj Richin ri Rutikeribel 14:24

Yin kan man jun k'a xtinchop-el, xaxe k'a ri xkitej ri aj-labal ri e tzeqelibeyon-pe wichin, y ri xtikik'uaj-el ri Escol y ri Mamré ri ruk'amon richin nikik'uaj-el, xcha' ri Abram.

Wuj Richin ri Rutikeribel 40:15

Yin xa in jun hebreo, y xa in eleq'an-pe chupan ri nutinamit, y man jun achike roma ink'o wawe', roma xa man jun numak nubanon, xcha'.

Filipenses 2:5

Kan kixch'obon k'a rix achi'el xch'obon ri Cristo:

2 Corintios 11:22

Rije' nikibij chi e hebreo. Yin chuqa' in hebreo. Nikibij chi e winaqi' israelita. Keri' chuqa' yin. Chi e riy-rumam kan ri Abraham. Yin chuqa' keri'.

Wuj Richin ri Jonás 1:9

Rija' xubij chike: Yin in hebreo, y ninya' ruq'ij ri Jehová ri Dios ri rajaw ri kaj, ri xbanon re palou y ri ruwach'ulew, xcha'.

Wuj Richin ri Achin Job 1:15

Y chaq k'ate' xe'apon qik'in, eleq'oma' aj-Sabá, xekik'uaj-el ri bóyix y ri bur ri'. Xekikamisala' kan konojel ri samajela' chi espada; y xaxe yin xinkol-pe-wi' richin chi nonya' rutzijol chawe, xcha'.

1 Sam 4:12

K'o k'a jun achin rijatzul kan ri Benjamín ri xtikir xanimej-el pan oyowal y xbe pa Siló y rutzeron-el ri rutziaq chirij y ruya'on-el poqolaj pa rujolon richin chi xuk'ut chi janila nibison.

Wuj Richin ri Q'axanri'il 21:21

Y chirij re' ri winaqi' israelita xekiteq k'a el uk'uey rutzijol k'a rik'in ri Sihón, ri rey kichin ri winaqi' amorreo, y xbekibij k'a chire:

Ex 2:11

Y toq q'axineq chik k'iy juna', toq ri Moisés kan achin chik, k'o k'a jun q'ij xbe richin chi xeberutz'eta' ri e ruwinaq israelita, y xutz'et chi kan janila nikitej poqon pa samaj. Xutz'et chuqa' chi jun aj-Egipto janila nuch'ey jun chike ri ruwinaq.

Ex 2:6

Toq ri rumi'al ri rey xujeq ruwi' ri ti chakech, xutz'et chi k'o jun ti ak'ual chupan y re ti ak'ual re' noq'. Jari' toq re xten re' xujoyowaj ruwech y xubij: Re ak'ual re' jun chike ri ak'uala' hebreo, xcha'.

Wuj Richin ri Rutikeribel 43:32

Ri José xk'oje' ruyon pa jun mesa y ri rach'alal xek'oje' pa jun chik mesa, y pa jun rox mesa chiri' xek'oje' ri aj-Egipto. Roma chikiwech ri winaqi' aj-Egipto kan man ruk'amon ta chi yewa' junan kik'in ri winaqi' hebreo.

Wuj Richin ri Rutikeribel 41:12

Y ri chiri' pa cárcel ri akuchi xojk'oje-wi, kan k'o k'a chuqa' jun ala' hebreo, rusamajel ri aj-raqen kichin ri chajinela', y roj xqatzijoj k'a ri qachik' chire rija' y rija' xuq'alajirisaj chiqawech ri yek'ulun wi chi tzij ri qachik'.

Wuj Richin ri Rutikeribel 10:16

Y xek'oje' ch'aqa' chik ralk'ual y xkibini'aj Jebús, ri Hamor, ri Gérges,

Wuj Richin ri Rutikeribel 39:14

xsik'in richin chi xeroyoj ri aj pa rachoch y k'ari' xubij chike: Titz'eta', ri hebreo ri xuk'en-pe ri wachijil re pa qachoch, xaxe richin chi nitze'en chiqij. Rija' xrajo' chi xk'oje' ta wik'in, y roma ri' yin kan xisik'in rik'in ronojel wuchuq'a'.

Wuj Richin ri Rutikeribel 18:1

Ri Jehová xuk'ut-ri' jun bey chik chuwech ri Abraham akuchi ek'o-wi ri li'aj paten-che' ri k'o pa rulew ri Mamré, chuchi' ri rachoch ri banon rik'in tzieq, toq rija' nimujan juba' roma ri k'aten.

Wuj Richin ri Rutikeribel 21:27

K'ari' ri Abraham xeberuk'ama-pe kokoj y nima'q taq rawej richin xkiben ri jikibel-tzij chikikojol chi e ka'i'.

Wuj Richin ri Rutikeribel 21:32

Chiri' k'a pa Beerseba xkiben-wi ri jikibel-tzij y k'ari' xebe ri Abimélec y ri Ficol tata'al kichin ri aj-labal, richin xetzolej-el chupan ri kitinamit ri k'o pa ruwach'ulew Filistea roma rije' kan e aj chiri'.

Ex 3:18

Wakami ri e tata'al richin ri Israel kan xtikinimaj k'a el ri atzij y xkixbe k'a rik'in ri rey richin Egipto y rat xtabebij chire: Ri Jehová ri qa-Dios roj ri oj israelita xuk'ut-ri' chiqawech y xch'on qik'in y roma ri' taya' k'a q'ij chiqe richin yojbe pa tz'iran ruwach'ulew richin nibeqasuju' kamelabel chire ri Jehová ri qa-Dios roj. Oxi' k'a q'ij xqojbiyin-el richin yojapon-el k'a chiri', xkacha' chire.

Wuj Richin ri Q'axanri'il 13:23

Y toq rije' xe'apon-el pa jun taq'aj kojol juyu', ja ri chiri' toq xkitzak'ij-pe jun nima-tzeqaj uva y e ka'i' k'a achi'a' ri xek'amon-pe chuwi-kitele'n, rik'in jun ruq'a-che', y chuqa' xekik'en-pe ruwech ri granada y ruwech ri wíkix.

Wuj Richin ri Jeremías 34:9

Y rija' xubij chike chi wi k'o loq'on taq samajela' aj-Judá, achi'a' o ixoqi', k'o chi tikiya-el q'ij chike richin yetotej-el richin chi man jun kiwinaq nok kisamajel.

Wuj Richin ri Rutikeribel 21:24

Y ri Abraham xubij: Ja', ninya' nutzij, xcha'.

1 Sam 29:3

K'ari' ri e aj-raqen kichin ri aj-Filistea xkik'utuj chire ri rey Áquis: ¿Achike nikiben re taq achi'a' hebreo wawe'?, xecha'. Ri rey Áquis xubij chike: Re' jare' ri David ri rusamajel ri Saúl ri rey richin Israel, ri kan k'o-pe wik'in k'o yan chik pe jun juna' ri', roma kan ja ri q'ij toq xoqaqa qik'in y k'a re wakami man jun itzel wilon ta chirij, xcha'.