Wuj Richin ri Rutikeribel 13:9 - Kaqchiquel Bible

⁹ Ja ronojel ulew la' ri k'o chawech richin tacha'. Yin nink'utuj utzil chawe richin tiqach'ara-qi' y tacha' achike ri niqa' chawech. Wi rat yabek'oje' kan pa rajxokon, yin xkibek'oje' kan pa rijkiq'a', y wi rat pa rijkiq'a' yin pa rajxokon, xcha'.

Wuj Richin ri Rutikeribel 13:9 ပူးပေါင်းရင်းမြစ်များ

Wuj Richin ri Rutikeribel 13:10

Y ri Lot xutz'et-apo ri ruwa-taq'aj richin ri ruchi' ri raqen-ya' Jordán ri napon k'a rik'in ri tinamit Sóar y kan jebel ya' k'o chupan, y re ya' re' kan achi'el ruya'an ri ulew, achi'el ri qejoj ri kan nik'ases, y jebel chuqa' achi'el ri ruwach'ulew Egipto, y chuqa' achi'el ri tinamit Sodoma y ri Gomorra toq ri Jehová man jani keruk'is rik'in q'aq'.

Wuj Richin ri Rutikeribel 13:8

K'ari' ri Abram xubij chire ri Lot: Rat y yin qach'alal-qi' y man ruk'amon ta richin nik'oje' oyowalen chiqakojol, ni chikikojol ri qasamajela'.

Wuj Richin ri Rutikeribel 20:15

Y chuqa' xubij chire ri Abraham: Ronojel ri ruwach'ulew ri natzu', pa nuq'a' k'a yin k'o-wi; kak'oje' k'a ri akuchi xtiqa-wi chawech rat, xcha' chire.

Wuj Richin ri Rutikeribel 34:10

Kixk'oje' kan qik'in jumul. Ri ruwach'ulew k'o richin niqasamajij. Tibana' itiko'n chuwech. Kixk'ayin y kixloq'on, kan tibana' iwichin chire, xcha'.

Wuj Richin Bix Chire ri Dios 120:7

Yin kan ja ri uxlanibel-k'u'x ri niqa' chinuwech, jak'a toq ninnataj re' chike, rije' kan yinkichop chi oyowal.

Wuj Richin ri Jeremías 40:4

Wakami yin ninwelesaj ri cadena ri achoq ik'in ximon-wi ri aq'a'. Wi rat nawajo' yabe chuwij pa Babilonia. Jo' y yin xkatinchajij y wi rat man nawajo' ta yabe, kak'oje' k'a kan. Re ruwach'ulew re' k'o chawech rat, kabiyin ri akuchi niqa' chawech y utz nana' yak'oje', xcha' chuwe.

Romanos 12:18

Man k'a tiben oyowal; xa titija' iq'ij chi nik'oje' uxlanibel-k'u'x iwik'in kik'in konojel winaqi'.

1 Corintios 6:7

Kan man utz ta k'a ibanon rix chi k'o ch'ojikil chi'ikojol. ¿Man más ta kami utz chi man jun ta niben rix toq k'o ri nibix y k'o ri niban chiwe? ¿Man más ta kami utz chi rix niya' q'ij chi k'o ri nelesex kan chiwe, ke chuwech nichop oyowal chirij?

Hebreos 12:14

Titija' iq'ij chi nik'oje' uxlanibel-k'u'x chi'ikojol kik'in konojel winaqi', y tik'uaj jun k'aslen ri kan loq'olej. Roma wi man keri' ta, man xkixtikir ta xtitz'et ruwech ri Dios.