Wuj Richin ri Rutikeribel 13:7 - Kaqchiquel Bible

⁷ Roma ri' k'o jun q'ij xech'ayon-ki' ri yuq'unela' kichin ri rawej ri Abram y ri yuq'unela' kichin ri rawej ri Lot. Y chupan ri q'ij ri' k'a ek'o na ri rijatzul kan ri Canaán y ri rijatzul kan ri Feres chiri'.

Wuj Richin ri Rutikeribel 13:7 ပူးပေါင်းရင်းမြစ်များ

Wuj Richin ri Rutikeribel 26:20

Ri yuq'unela' richin Guerar xkiben oyowal kik'in ri yuq'unela' richin ri Isaac y xkibij: La ya' la' qichin roj, xecha'. Roma ri' ri Isaac xubij Pozo Richin Oyowal chire.

Wuj Richin ri Rutikeribel 12:6

ri Abram kan xbe-kela' xbe-kela' ri xuben chupan chijun ruwach'ulew y k'ari' xapon k'a pa Siquem ri akuchi k'o-wi jun li'aj paten-che', chiri' pa Moré. Y chupan ri ruq'ijul ri' k'a ek'o na ri rijatzul ri Canaán chiri'.

Santiago 3:16

Roma wi rix xa itzel nina' chire jun chik roma rija' utz k'o, y chuqa' niwajo' chi kan xaxe ta rix ri k'o utz nik'en kan chire ronojel, xa kan ix tz'ukuy-oyowal, y ix banoy ronojel ruwech etzelal.

1 Pedro 2:12

Roma ri' kan tik'uaj jun k'aslen utz, y choj chikikojol ri winaqi' ri man ketaman ta ruwech ri Dios. Richin chi stape' nikimol-pe tzij chiwij chi man utz ta ri ik'aslen, toq xtapon ri q'ij chi ri Dios nuq'et-tzij ri winaqi' ri' xtikiya' ruq'ij-ruk'ojlen ri Dios roma ri utzilej ibanobal rix.

Santiago 4:1

¿Achike ta k'a nibanon chiwe richin niwetzelaj-iwi' y jantape' k'o oyowalen chi'ikojol? Xa ja ri itzel taq rayibel ri ek'o iwik'in y nikajo' yixkich'ek.

Gálatas 5:20

nikiyala' kiq'ij dios ri xa man e qitzij ta; nikiben itz; ye'etzelan-ki'; yebanon oyowal; itzel nikina' chike ri ch'aqa' chik roma utz ek'o; chi'anin ye'oyower; nikajo' chi xaxe ta rije' k'o utz nikik'en kan chire ronojel; nikijachala-ki' roma ri kich'obonik; niqa' chikiwech ri tijonik ri xa man e qitzij ta;

Wuj Richin ri Rutikeribel 34:30

Y ri Jacob xubij chike ri Simeón y ri Leví: Rix janila xiniya' pa ruk'ayewal roma xe'ikamisaj kan re rajaw re ruwach'ulew re'. Wakami xtikimol k'a pe ki' chiqij ri e rijatzul kan ri Canaán y ri Feres y roj xa man oj k'iy ta ok ri achi'a'; xkinkikamisaj k'a yin y ri e aj pa wachoch, xcha' chike.

Tito 3:3

Roma toq rubanon kan, roj chuqa' oj nakaneq rik'in ri qach'obonik. Man xojniman ta tzij, y yalan oj sachineq ri chiri'. Man xojtikir ta xqaq'il-qi' chuwech ri mak. Xa kan xqaben ronojel ri itzel ri xqarayij. Yalan itzel ri qak'aslen xqak'uaj. Itzel xeqatz'et ri ch'aqa' chik roma ri utz k'o kik'in. Y kan niqetzelaj-qi'.

1 Tesalonicenses 4:12

richin chi nik'uaj jun k'aslen pa rubeyal chikiwech ri winaqi' ri man kikuquban ta kik'u'x rik'in ri Jesucristo, y richin chuqa' chi man nik'atzin ta chi ri winaqi' k'o nikiya-pe chiwe.

Colosenses 4:5

Y rix tiwetamaj k'a yixbiyin chikikojol winaqi' ri man kiniman ta ri Cristo. Man tiya' q'ij chi choj nik'o ri q'ij pan iwi'.

1 Corintios 3:3

Rix xa kan k'a ja na ri irayibel rix ri uk'uayon iwichin, kan nich'upu ik'u'x chirij jun chik wineq ri utz k'o, k'o oyowalen chi'ikojol y xa ich'aralon-iwi'. ¿Man kami niq'alajin ta rik'in ri ibanobal ri' chi xa ja ri irayibel ri uk'uayon iwichin? Ri ik'aslen xa kan junan rik'in ri kik'aslen ri winaqi' ri maneq ri Loq'olej Espíritu kik'in.

Wuj Richin ri Nehemías 5:9

Y xinbij jun bey chik chike: Ri yixtajin chubanik rix man utz ta. K'o chi niqaya' ruk'ojlen ri qa-Dios, richin keri' man yetze'en ta chiqij ri winaqi' richin jun chik ruwach'ulew.

Ex 2:17

Jak'a ri ch'aqa' chik yuq'unela' xepe y xekoqotaj-el ri xtani' ri chiri', y toq xutz'et ri Moisés chi keri' xban chike ri xtani' ri', xeruto' y xuya-el kiya' ri kikarne'l.

Wuj Richin ri Rutikeribel 21:25

Jak'a ri Abraham xa xubij-apo chire ri Abimélec chirij ri jun pozo ri kimajon kan ri rusamajela'.

Wuj Richin ri Rutikeribel 10:19

Y ri kiruwach'ulew ri e rijatzul ri Canaán nitiker-el rik'in ri tinamit Sidón, choj napon rik'in ri tinamit Gaza napon k'a rik'in ri tinamit Guerar; y nuchojmij-ri' kik'in ri tinamit Sodoma, ri Gomorra, ri Admá, ri Seboím y nibek'is rik'in ri tinamit Lesa.

Wuj Richin ri Rutikeribel 46:34

Roj ri asamajela' kan oj yuq'unela' kichin karne'l pa qach'utinal-pe, achi'el ri samaj ri xkiben ri qati't-qamama', keri' xtibij chire, richin keri' xtuya' q'ij chiwe chi yixk'oje' kan wawe' pa Gosen, roma ri winaqi' aj-Egipto kan nimulun-kik'u'x yek'ase' kik'in yuq'unela' kichin karne'l, xcha' ri José.

Wuj Richin Etamabel-Tzij 20:3

Ri wineq ri kan man niqa' ta chuwech nuben oyowal, ri yetz'eton richin kan nikiya-wi ruq'ij roma ri'; jak'a ri winaqi' ri xa maneq kina'oj, kan niqa' chikiwech nikiben oyowal.

Marcos 3:25

Keri' chuqa' pa jun jay, wi xa yejalajo' chikiwech y yech'aratej, re winaqi' re' xa xkek'is.