Wuj Richin ri Rutikeribel 13:14 - Kaqchiquel Bible

¹⁴ Y toq ri Lot xuch'er yan el ri', jari' toq ri Jehová xubij chire ri Abram: Wakami k'a katzu'un nej y tatz'eta' la ulew la k'o pa xaman, la k'o la pa xokon, la k'o la pa relebel-q'ij y la k'o la pa qajbel-q'ij,

Wuj Richin ri Rutikeribel 13:14 ပူးပေါင်းရင်းမြစ်များ

Wuj Richin ri Isaías 49:18

Kixtzu'un k'a nej, roma konojel ri iwinaq xtikimol-pe-ki' richin xkepe iwik'in. Yin Jehová kan ninya' nutzij chi konojel rije' kan janila e jebel ok xketz'et, achi'el jun wiqobel ri niya'ox chire jun xten ri nik'ule'. Kan keri' xtokibana' iwik'in rix.

Deut 3:27

Kajote-el pa ruwi' ri juyu' Pisgá, y katzu'un ri pa xaman, ri pan xokon, ri pa relebel-q'ij y ri pa qajbel-q'ij y tatzu' kan jebel, roma rat kan man xkaq'ax ta apo juk'an chire ri raqen-ya' Jordán.

Wuj Richin ri Isaías 60:4

K'ulan k'a xkixtzu'un y xke'itz'et konojel ri xtibekimolo-ki' iwik'in. Xkepe k'a ri iwinaq stape' janila nej ek'o-wi, y kan xkech'elex k'a pe koma ri man e iwinaq ta.

Wuj Richin ri Rutikeribel 28:14

Roma ri awijatzul ri xkebek'oje' achi'el ri poqolaj ri kan man ajlatel ta y xtikinojisaj ri ruwach'ulew, roma xkebek'oje' pa xaman, pa xokon, pa relebel-q'ij y pa qajbel-q'ij. Y awoma rat y koma ri awijatzul xtikik'ul urtisanik ri winaqi' ri pa taq tzobaj kik'uan-ki', chi kach'alal-ki', ri junan kich'abel y junan ri kiruwach'ulew.

Wuj Richin ri Rutikeribel 13:10

Y ri Lot xutz'et-apo ri ruwa-taq'aj richin ri ruchi' ri raqen-ya' Jordán ri napon k'a rik'in ri tinamit Sóar y kan jebel ya' k'o chupan, y re ya' re' kan achi'el ruya'an ri ulew, achi'el ri qejoj ri kan nik'ases, y jebel chuqa' achi'el ri ruwach'ulew Egipto, y chuqa' achi'el ri tinamit Sodoma y ri Gomorra toq ri Jehová man jani keruk'is rik'in q'aq'.

Deut 34:1

Chirij ri' ri Moisés xel k'a el chiri' pa taq'aj richin ri Moab y xjote-el pa ruwi' jun chike ri juyu' Pisgá y xapon pa ruwi' ri juyu' Nebo, ri k'o chuwech-apo ri Jericó. Chiri' ri Jehová xuk'ut chuwech chijun ri ruwach'ulew Canaán, ri nitiker-el pa Galaad y napon k'a pa Dan.