Wuj Richin ri Rutikeribel 13:10 - Kaqchiquel Bible

¹⁰ Y ri Lot xutz'et-apo ri ruwa-taq'aj richin ri ruchi' ri raqen-ya' Jordán ri napon k'a rik'in ri tinamit Sóar y kan jebel ya' k'o chupan, y re ya' re' kan achi'el ruya'an ri ulew, achi'el ri qejoj ri kan nik'ases, y jebel chuqa' achi'el ri ruwach'ulew Egipto, y chuqa' achi'el ri tinamit Sodoma y ri Gomorra toq ri Jehová man jani keruk'is rik'in q'aq'.

Wuj Richin ri Rutikeribel 13:10 ပူးပေါင်းရင်းမြစ်များ

Deut 34:3

Chuqa' xutz'et ri ruwach'ulew ri k'o pa xokon k'a pa Sóar y ri taq'aj ri k'o chuchi' ri raqen-ya' Jordán k'a pa Jericó, ri nibix tinamit richin Palma chire.

Wuj Richin ri Isaías 51:3

Kan xtinkuquba' kik'u'x ri iwinaq israelita. Ri iruwach'ulew, ri kan xwuluwu' jumul, kan xtinben jun nimalej qejoj chire, achi'el ri qejoj ri kan nik'ases wichin yin. Chiri' kan xtik'oje' kikoten, y kan xtibixex bix richin matioxinik rik'in jalajoj taq q'ojom.

Wuj Richin ri Rutikeribel 14:8

Jari' k'a toq ri rey richin ri Sodoma, richin ri Gomorra, richin ri Admá, richin ri Seboím y richin ri Bela, ri nibix chuqa' Zoar chire; xebe chuwa-taq'aj ri rubini'an Sidim e kachibilan-el ri aj-labal y xbekichapa' oyowal.

Joel 2:3

Rije' nikik'is ronojel ri k'o chikiwech, achi'el nuben ri q'aq' nuk'is ronojel ri q'ayis. Pa nabey, ri tiko'n kan achi'el ri qejoj ri kan nik'ases, jak'a chirij re' xa xok kan jun tz'iran ruwach'ulew, y kan man jun xtikolotej kan.

Ez 28:13

Kan qitzij wi chi achi'el xa ta xak'oje' pa qejoj ri kan nik'ases. Chuqa' kan xawiq-awi' rik'in k'iy jalajoj ruwech jebelej taq abej. Ri akuchi xak'oje-wi, k'o chuqa' k'iy q'anapueq, y ronojel re' kan e banon chik kutzil toq rat xatz'ukutej-pe.

1 Rey 7:46

Ri rey xuteq k'a rubanik ronojel re' chupan jun taq'aj richin ri raqen-ya' Jordán, y ri taq'aj ri' k'o chukojol ri tinamit Sucot y ri Saretán. Y rik'in k'a q'enq'oj-pueq ya'erisan xeruben-wi, y xkikusaj k'a ri xeq-ulew richin xeban.

Ez 31:8

Kan man jun tiox-che' ri k'o pa qejoj ri kan nik'ases, nijunamatej rik'in re jun tiox-che' re'. Y chuwech rija' kan man jun che' ri k'o ta janila ruq'a'. man jun chik che' achi'el ri ruq'a' ri ek'o re jun tiox-che' re'. Man jun che' ri k'o pa qejoj ri kan nik'ases ri nijunamatej rik'in ri jebelej rubanik rija'.

Wuj Richin ri Jeremías 48:34

Ri raqoj-chi'ij richin ri tinamit Hesbón xtak'axatej k'a chupan ri tinamit Elalé y ri Jahas. Xtitiker-pe pa tinamit Sóar y xtapon k'a pa tinamit Horonaim y ri Eglat-selisiya. Chuqa' ri ti raqen-ya' Nimrim xa xtichaqi'j-qa.

Wuj Richin ri Isaías 15:5

Toq'ex iwech rix aj-Moab, roma konojel xke'animej-el, y xkebe k'a pa tinamit Sóar y k'a pan Eglat-selisiya. Rije' chi'anin xke'animej-el, achi'el nikiben ri taq wákix ri k'o oxi' kijuna'. Ri winaqi' kan xke'oq' xkejote-el pa tinamit Luhit, y kan janila xkesik'in roma bis xkebe chupan ri bey richin ri tinamit Horonaim.

Wuj Richin Bix Chire ri Dios 107:34

Ri qasanbel taq ulew kan nuben chire chi man yewachin ta chik. Kere' nuben chire roma ri kimak ri winaqi' ri ek'o chuwech.

Wuj Richin ri Rutikeribel 6:2

jari' toq ri e ralk'ual ri Dios, xekitz'et chi ri xtani' ri', kan e jebejoj ok y roma ri' xekicha' richin xek'ule' kik'in.*f7*

Wuj Richin ri Rutikeribel 3:6

Y ri ixoq xutz'et k'a chi ri ruwech ri che' ri' kan jebel-wi richin nitij y kan rayixel-wi y kan nuya-wi etamabel. Roma ri' xuk'en k'a ri ruwech ri che' ri' y xutej. Y xberuya' chuqa' chire ri rachijil.

Wuj Richin ri Rutikeribel 11:27

Wawe' e tz'ibatel-wi kan ri kibi' ri e rijatzul ri Taré: Ri Abram, ri Nacor y ri Harán; y ri Harán xralk'ualaj ri Lot.

Wuj Richin ri Rutikeribel 13:9

Ja ronojel ulew la' ri k'o chawech richin tacha'. Yin nink'utuj utzil chawe richin tiqach'ara-qi' y tacha' achike ri niqa' chawech. Wi rat yabek'oje' kan pa rajxokon, yin xkibek'oje' kan pa rijkiq'a', y wi rat pa rijkiq'a' yin pa rajxokon, xcha'.

Wuj Richin ri Rutikeribel 13:11

K'ari' ri Lot xucha' kan chijun ri ruwa-taq'aj richin ri ruchi' ri raqen-ya' Jordán, y xbek'oje' pa relebel-q'ij y keri' k'a xkiben toq xkich'er kan ki'.

Wuj Richin ri Rutikeribel 47:6

wakami k'a tikicha' rije' ri ulew ri niqa' chikiwech, roma ri ruwach'ulew Egipto pan aq'a' rat k'o-wi; y akuchi nikajo' yek'oje-wi, chiri' ke'aya-wi. Y wi ek'o chikikojol rije' e nowineq taq achi'a', ke'aya' pa kiwi' ri tzobaj ri wawej yin, xcha'.

Wuj Richin ri Achin Job 40:23

Y toq ri raqen-ya' ninimer, man nuxibij ta ri' stape' ri raqen-ya' Jordán nibusku'l napon ri chi rutza'n, kan man jun numey.

Ez 16:46

Ri animal pa xaman k'o-wi y ri' ja ri Samaria y ri e kokoj taq rutinamit. Y ri achaq' pa xokon k'o-wi y rija' ja ri Sodoma y ri e kokoj taq rutinamit.

Ez 16:49

Jare' k'a ri rumak ri xuben ri awach'alal Sodoma y ri kokoj taq rutinamit: Rije' kan xkinimirisaj k'a ki'. Chuqa' kan pa ruk'iyal ri xk'oje' kik'in, jak'a man xekito' ta ri e poqonatajineq y ri e molonel.

Ez 31:9

Ja yin Jehová ri xibanon jebel ok chiwe, chuqa' ja yin ri xibanon chiwe chi janila xnimer ri iwajawaren. Ri ch'aqa' chik che' ri ek'o pa qejoj ri kan nik'ases kan nikajo' nikijunamaj-ki' iwik'in.

Ez 47:18

Ri k'ulba't ri k'o kere' pa relebel-q'ij choj nibe pa xokon chukojol ri ruwach'ulew Haurán y ri Damasco; k'ari' nibe pa qajbel-q'ij y napon k'a pa raqen-ya' Jordán. K'ari' nixule-qa pa xokon chire ri raqen-ya' ri' ri nuch'er ri ruwach'ulew Galaad rik'in ri ruwach'ulew Israel. Napon k'a chuchi' ri Tzayi-Choy y choj nibe chuchi' ri ya' k'a toq napon rik'in ri tinamit Tamar ri k'o pa xokon chire ri Israel.