Wuj Richin ri Rutikeribel 12:7 - Kaqchiquel Bible

⁷ Y ri Jehová xbepapo' chuwech ri Abram y xubij chire: Chike konojel awijatzul xtinya-wi re ruwach'ulew re', xcha'. Y jari' ri Abram xuben-q'anej jun porobel richin xuporoj jun kamelabel chuwech ri Jehová roma chiri' xuk'ut-wi-ri' chuwech.

Wuj Richin ri Rutikeribel 12:7 ပူးပေါင်းရင်းမြစ်များ

Wuj Richin ri Rutikeribel 12:8

K'ari' xbe-el pa taq'aj ri chuwi-juyu', chiri' pa relebel-q'ij pa Betel y chiri' xupaba-q'anej ri rachoch ri banon rik'in tzieq y xuben chikikojol ka'i' tinamit; pa qajbel-q'ij k'o-wi ri Betel, y pa relebel-q'ij k'o-wi ri Ai. Y chiri' xuben-q'anej chuqa' jun porobel richin xuporoj jun kamelabel chuwech ri Jehová y kan xuya' ruq'ij.

Wuj Richin ri Rutikeribel 13:15

roma ronojel la ulew natz'et, xtinya' chawe rat y chike ri awijatzul richin q'asen.

Wuj Richin ri Rutikeribel 13:17

Kayakatej k'a el richin yabe chunik'oxik ri ruwach'ulew y tatzu' ri raqen y ri ruwech, roma jare' ri xtinya' kan chawe rat.

Wuj Richin ri Rutikeribel 13:18

K'ari' ri Abram xuq'axaj ri rachoch banon rik'in tzieq ri chiri' rik'in ri li'aj paten-che' ri k'o pa rulew ri jun achin rubini'an Mamré, ri k'o pa tinamit Hebrón; y chiri' xupaba-q'anej jun porobel richin xusuj kamelabel chuwech ri Jehová.

Wuj Richin ri Rutikeribel 13:4

akuchi rubanon wi kan ri porobel. Y chiri' xuya' ruq'ij ri Jehová.

Wuj Richin ri Rutikeribel 15:18

Chupan ri q'ij ri', ri Jehová xuben jun jikibel-tzij rik'in ri Abram y xubij chire: Chike ri awijatzul xtinya-wi kan re ruwach'ulew re', nitiker-el rik'in ri raqen-ya' richin Egipto y napon k'a rik'in ri nimalej raqen-ya' rubini'an Éufrates.

Wuj Richin ri Rutikeribel 17:1

Ri Abram k'o jumuch' belejlajuj rujuna' toq xuk'ut chik ri' jun bey ri Jehová chuwech, y xubij chire: Ja yin ri in Dios ri k'o Ronojel Uchuq'a' Pa Nuq'a'.*f14* Tak'uaj ri nubey y tabana' ri utz.

Wuj Richin ri Rutikeribel 17:3

Y ri Abram kan jari' xuqasaj-qa-ri' k'a pan ulew chuwech ri Dios, y ri Dios xubij chuqa' chire:

Wuj Richin ri Rutikeribel 17:8

Yin xtiya' chawe rat y chike ri awijatzul ri ruwach'ulew ri akuchi atk'o-wi wakami ri xa q'axel, chijun re ruwach'ulew Canaán xtinya' chawe richin q'asen. Y yin xkinok ki-Dios ri awijatzul, xcha'.

Wuj Richin ri Rutikeribel 18:1

Ri Jehová xuk'ut-ri' jun bey chik chuwech ri Abraham akuchi ek'o-wi ri li'aj paten-che' ri k'o pa rulew ri Mamré, chuchi' ri rachoch ri banon rik'in tzieq, toq rija' nimujan juba' roma ri k'aten.

Wuj Richin ri Rutikeribel 22:9

Y toq xe'apon akuchi rubin-wi ri Dios chire ri Abraham, rija' xuben-q'anej ri porobel richin ri kamelabel. K'ari' xuya-q'anej ri si' pa ruwi' y xuxim k'a ri ruk'ajol. K'ari' xuya-q'anej pa ruwi' ri porobel y pa ruwi' ri si'.

Wuj Richin ri Rutikeribel 24:7

Roma ri Jehová Dios, ri rajaw ri kaj, ri xinelesan-pe chupan ri rachoch ri nata', y ri xinelesan-pe chiri' chupan ri ruwach'ulew kichin ri wach'alal, rija' kan rujikiban rutzij chuwe chi chike ri wijatzul yin xtuya-wi re ruwach'ulew Canaán. Y rija' kan xtuteq-pe jun ángel richin chi xkaruto', richin chi k'a chila' xtak'en-pe ri xten ri xtok rixjayil ri nuk'ajol,

Wuj Richin ri Rutikeribel 26:25

Y chiri' ri Isaac xuben-q'anej jun porobel richin xuya' ruq'ij ri Jehová, y chiri' chuqa' xupaba-q'anej ri rachoch ri banon rik'in tzieq y ri samajela' ri e ximil pa samaj xkik'ot-qa jun chik pozo richin ya'.

Wuj Richin ri Rutikeribel 26:3

Rokik ri' kak'oje' na juba' chupan re ruwach'ulew re'. Yin kan xkik'oje' awik'in y xtinya' urtisanik pan awi', roma chawe rat y chike ri awijatzul xtinya-wi kan re ruwach'ulew re', richin keri' xtinben achi'el toq xinya' nutzij chire ri atata' toq k'a k'es na.

Wuj Richin ri Rutikeribel 28:13

Y ri Jehová kan k'o el más pa jotol chire y nubij: Ja yin Jehová ri ki-Dios ri Abraham ri amama', in ru-Dios chuqa' ri Isaac, la ulew akuchi at kotz'ol-wi xtinya' chawe y chuqa' chike ri awijatzul.

Wuj Richin ri Rutikeribel 28:4

Chawe k'a rat y chuqa' chike ri awijatzul xtuya-wi ri urtisanik ri rusujun kan chire ri Abraham, richin xtok awichin re ruwach'ulew akuchi ojk'o-wi, roma ri Dios kan keri' rusujun kan chire ri Abraham, xcha' ri Isaac chire ri Jacob.

Wuj Richin ri Rutikeribel 32:30

Y ri Jacob xubij Penuel*f28* chire ri tinamit ri', roma xinwetamaj ruwech ri Dios y k'a in k'es na kan, xcha'.

Wuj Richin ri Rutikeribel 33:20

K'ari' xuben-q'anej jun porobel richin kamelabel y El-Elohé-Israel ri rubi' ri xuya'. Re bi'aj re' nel chi tzij, Dios jari' ri ru-Dios ri Israel.

Wuj Richin ri Rutikeribel 35:12

Re ruwach'ulew re' kan nusujun chik chike ri Abraham y ri Isaac, kan xtinya' k'a chuqa' chawe rat, chuqa' chike ri awijatzul, xcha'.

Wuj Richin ri Rutikeribel 35:7

Chiri' xuben-wi-q'anej jun porobel richin xusuj kamelabel, y xubij chire ri tinamit ri' Ri Dios Richin Ri Betel, roma chiri' xuk'ut-wi-ri' ri Dios toq animajineq-el chuwech ri runimal.

Wuj Richin ri Rutikeribel 50:24

Xapon k'a jun q'ij toq ri José xubij chike ri rach'alal: Yin xa juba' chik ok in k'es, jak'a ri Dios xtipe richin yixruto' y xkixrelesaj-el re wawe' chupan re ruwach'ulew re' y xkixberuya-q'anej chupan ri ruwach'ulew ri sujun kan chike ri qate-qatata' Abraham, Isaac y ri Jacob, xcha' chike.

Wuj Richin ri Rutikeribel 8:20

Y ri Noé xuben k'a q'anej jun porobel richin xusuj kamelabel chire ri Jehová y xeberuk'ama-pe chikikojol ri aj-xik' taq chikopi' y ri ch'aqa' chik ri e utz richin kamelabel y xeruporoj chuwech rija'.

2 Sam 24:25

Chiri' k'a xupaba-wi-q'anej ri porobel richin ri Jehová, y xusuj chikop richin niporox jumul, y sipanik richin nuq'alajirisaj chi junan ruwech rik'in ri Dios. K'ari' ri Jehová xuk'ul ri k'utunik richin ri David pa kiwi' ri ruwinaq. Keri' xk'is-el ri nima-ruk'ayewal pan Israel.

1 Rey 18:32

Xupaba' k'a q'anej chuwech ri Jehová ri porobel rik'in ri abej ri'. K'ari' xuben jun jul pan ulew chuchi' ri porobel, y ri jul ri' nibe juwineq lajuj litro ya' chupan.

1 Crón 16:16

Re jikibel-tzij re' ri xuben rik'in ri Abraham, re yo'ontzij re' ri xuben rik'in ri Isaac,

1 Crón 16:18

Jare' ri jikibel-tzij ri xuben: Kan xuya' ri ruwach'ulew Canaán chiqe; ri xqak'ul roj richin xqichinaj kan.

2 Crón 20:11

Y wakami ja rajel ruk'exel re' ri nikiya' chiqe, chi nikajo' yojkelesaj-el re wawe' chupan re ruwach'ulew ri awichin rat ri xaya' chiqe roj richin xqichinaj.

2 Crón 20:7

Dios qichin roj, rat xatelesan-el kichin ri winaqi' ri xek'oje' chuwech re ruwach'ulew re' richin xaya' kan jantape' chire ri Abraham, ri junan awech rik'in y kan awachibil, y chuqa' xaya' chiqe roj ri oj rijatzul kan rija'.

Wuj Richin ri Esdras 3:2

K'ari' ri Josué ruk'ajol ri Sadoc, ri e sacerdote ri e rachibil, ri Zorobabel ruk'ajol ri Salatiel y ri e rach'alal; konojel rije' xkipaba' chik q'anej ri porobel richin ri ki-Dios, richin nikiporoj chikop pa ruwi', achi'el tz'ibatel kan chupan ri pixa' ri xya'ox chire ri Moisés ri xok rusamajel ri Dios.

Ex 17:15

Y ri Moisés xupaba-q'anej jun porobel ri chiri' y xukanoj jun rubi'. Y ri rubi' ja ri Jehová ri Achi'el ri Tzieq Richin K'exewach, ri Uk'uayon Qichin.*f8*

Ex 24:4

Ri Moisés kan xutz'ibaj k'a ronojel ri xubij-pe ri Jehová chire. Y ri ruka'n q'ij xyakatej nimaq'a' yan y xupaba-q'anej jun porobel richin kamelabel, chuxe-apo ri juyu' ri'. Chuqa' xerupaba-q'anej kablajuj abej, kik'exewach ri kablajuj tzobaj kichin ri rijatzul kan ri Israel.

Ex 32:13

Toqaqa chi'ak'u'x ri xabij kan chike ri asamajela' ri Abraham, ri Isaac y ri Israel ri xajikiba' kan chike pan abi' rat chi kan xkewinaqir k'a ri kijatzul y kan achi'el k'a kajlabal ri ch'umila' ri ek'o chikaj xtaben chike, kan chike k'a ri kijatzul xtaya-wi kan ri ruwach'ulew ri asujun chike, kan xke'ok k'a chupan y kan xtikichinaj k'a richin q'asen, keri' xabij chike, xcha' ri Moisés.

Ex 33:1

Ri Jehová xch'on chik k'a jun bey rik'in ri Moisés y xubij chire: Kabiyin y ke'ak'uaj-el ri tinamit ri xawelesaj-pe pan Egipto k'a chupan ri ruwach'ulew ri nusujun kan chike ri Abraham, ri Isaac y ri Jacob, toq xinbij chi chike ri kijatzul ninya-wi kan.

Ex 6:3

Jak'a yin ri' ri xink'ut-wi' chuwech ri Abraham, ri Isaac y ri Jacob, y xink'ut-wi' chikiwech achi'el RI DIOS RI NITIKIR NUBEN RONOJEL; y man jun bey xketamaj ta nuwech rik'in ri nubi' Jehová.

Ex 6:4

Chuqa' xinjikiba' chike chi ninya' ri ruwach'ulew richin ri Canaán chike, ri akuchi xeq'ax yan juba'.

Wuj Richin ri Jeremías 3:18

Toq xtapon ri q'ij ri', rix ri tinamit Judá xtijunamatej-iwech rik'in ri tinamit Israel. Xkixel-pe chiri' chupan ri ruwach'ulew ri k'o pa xaman y junan xkixtzolin-pe chupan ri ruwach'ulew ri xinya' chike ri iwati't-imama' richin q'asen.

Wuj Richin ri Q'axanri'il 26:53

Chikiwech k'a konojel ri achi'a' ri xe'iwajlaj, xtitaluj ri ruwach'ulew richin nikichinaj; y pa rucholajen k'a ri kibi' ri xiwelesaj xtijech-wi chikiwech.

Wuj Richin ri Q'axanri'il 32:11

man jun chike ri achi'a' ri k'o juwineq kijuna' pa jotol ri xe'el-pe pa ruwach'ulew Egipto, ri xtibekitz'eta' ta ri ruwach'ulew ri xusuj, stape' kan xuya' rutzij chike ri Abraham, ri Isaac y ri Jacob, roma kan man choj ta xkiben chuwech rija'.

Hechos 7:5

Ri Dios kan man jun k'a ulew xuya' ta kan chire ri Abraham chupan re ruwach'ulew re', stape' ta xaxe richin nipa'e-wi. Jak'a ri Dios kan xusuj-wi k'a chire chi re ruwach'ulew re' xtok richin rija' y qichin roj ri oj riy-rumam. Kere' xubij ri Dios chire ri Abraham, stape' man jun ralk'ual chiri'.

Romanos 9:8

Y keri', niqatz'et chi man konojel ta ri e rijatzul kan ri Abraham e ralk'ual ri Dios. E ralk'ual ri Dios xaxe ri winaqi' ri ye'alex achi'el ri rusujun rija'; jak'a man e ralk'ual ta ri xaxe ye'alex achi'el konojel winaqi'.

Gálatas 3:16

Keri' chuqa' toq ri Dios k'o xusuj chire ri Abraham ri ojer kan, y chire jun chike ri e rijatzul. Y niq'alajin k'a chi ri Dios man xch'on ta chikij konojel ri e rijatzul ri Abraham ri xkek'oje'. Xaxe chirij jun xch'on-wi. Y ri' ja ri Cristo.*f10*

Gálatas 4:28

Roma ri' wach'alal, rix xixok ralk'ual ri Dios roma keri' xusuj chiwe, kan junan k'a rik'in ri xbanatej rik'in ri Isaac, achi'el ri xusuj ri Dios chire ri Abraham.

Deut 1:8

Tiwetamaj k'a chi kan ja yin yiya'on chiwe ri ruwach'ulew, kixok chupan y tichapa' k'a y kan tibana' iwichin chire ri ruwach'ulew ri nuya'on nutzij chire. Yin in Jehová, chi kan chike ri iwati't-imama', Abraham, Isaac y ri Jacob y chiwe rix ri ix kijatzul kan rije' ninya-wi, xcha' ri Jehová, xcha' ri Moisés.

Deut 30:20

Kan tiwajo' k'a ri Jehová ri qa-Dios rik'in ronojel iwánima y kan tinimaj ri nubij y kan titzeqelibej k'a; roma pa ruq'a' rija' k'o-wi ri k'aslen, richin yixk'ase' k'iy juna' pa ruwach'ulew ri xujikiba' chike ri qati't-qamama', ri Abraham, ri Isaac y ri Jacob, xcha'.

Deut 34:4

Y ri Jehová xubij: Jare' ri ruwach'ulew ri xinsuj chike ri Abraham, ri Isaac y ri Jacob toq xinbij chi chike ri kijatzul xtinya-wi. Yin xinya' q'ij chawe richin natz'et re ruwach'ulew re', jak'a rat xa man xkatok ta chupan, xcha'.

Deut 6:10

Toq ri Jehová ri qa-Dios, xtuya' ri ruwach'ulew ri rujikiban kan chike ri qati't-qamama' Abraham, ri Isaac y ri Jacob, y ri xujikiba' chi nuya' chiwe jun nimalej ruwach'ulew ri ek'o jebel taq tinamit chupan ri man rix ta ix yakayon-q'anej.

Deut 9:5

Man roma ta k'a yalan utz ri ik'aslen, ni man roma ta utz ri ibanobal, roma ta ri' xkixok-apo y niwichinaj kan ri kiruwach'ulew rije'. Xa kan roma k'a ri itzel taq kibanobal re tzobaj winaqi' re' richin ri ruwach'ulew ri' ri Jehová ri qa-Dios xkerelesaj-el chiri', richin chi nujikiba' ri rubin-pe chike ri qati't-qamama' ri Abraham, ri Isaac y ri Jacob.

Hebreos 11:13

Konojel k'a rije' xkikuquba-el kik'u'x rik'in ri Dios y keri' xeken-el. Y stape' man xkik'ul ta el ri rusujun ri Dios chike, jak'a roma ri kikuqubabel-k'u'x k'anej xkitzu-wi-apo y xekikot rik'in; rije' kan xkiq'alajirisaj k'a chi xa e q'axel chuwech re ruwach'ulew.

Hebreos 11:8

Ri Abraham xk'oje' kuqubabel-k'u'x rik'in, roma ri' toq xoyox roma ri Dios richin chi nibe k'a pa jun chik ruwach'ulew ri xtuk'ul richin nrichinaj kan, rija' xunimaj tzij y xbe, stape' man retaman ta achike ruwach'ulew xtapon-wi.

Wuj Richin ri Josúe 1:6

Kow k'a kak'oje' y man taxibij-awi', roma ja rat xkajachon ri ulew chike ri awinaq, ri ulew ri xtikichinaj kan, ri xinya' nutzij chire chi kan chike ri ite-itata' ninya-wi.

Wuj Richin ri Josúe 22:10

Y toq xe'apon rik'in ri k'ulba't richin ri raqen-ya' Jordán ri k'o pa ruwach'ulew Canaán, ri tzobaj richin ri Rubén, ri Gad y ri nik'aj tzobaj richin ri Manasés, xkinuk'-q'anej abej chuchi' ri raqen-ya' Jordán; achi'el rubanik ri porobel ri k'o pa Siló y xaxe re', nim rujotolen xkiben chire.

Wuj Richin ri Josúe 8:30

K'ari' ri Josué xubij chi tipabex-q'anej jun porobel richin kamelabel richin ri Jehová Dios richin Israel chiri' chuwech ri juyu' rubini'an Ebal.

Wuj Kichin ri To'onela' 6:24

K'ari' ri Gedeón xupaba-q'anej jun porobel chuwech ri Jehová. Re porobel re' xubini'aj Jehová Richin Uxlanibel-K'u'x, y re porobel re' k'a k'o na chiri' pa tinamit Ofrá, akuchi ek'o-wi ri e rijatzul ri Abiézer.

1 Sam 7:17

Y toq nitzolin-pe chi kitz'etik re tinamit re', k'ari' napon pa tinamit Ramá, roma chiri' k'o-wi ri rachoch. Y chiri' nuq'et-tzij y chiri' xuben-q'anej jun porobel richin ri Jehová.