Wuj Richin ri Rutikeribel 12:6 - Kaqchiquel Bible

⁶ ri Abram kan xbe-kela' xbe-kela' ri xuben chupan chijun ruwach'ulew y k'ari' xapon k'a pa Siquem ri akuchi k'o-wi jun li'aj paten-che', chiri' pa Moré. Y chupan ri ruq'ijul ri' k'a ek'o na ri rijatzul ri Canaán chiri'.

Wuj Richin ri Rutikeribel 12:6 ပူးပေါင်းရင်းမြစ်များ

Hebreos 11:9

Kan rukuquban-wi ruk'u'x rik'in ri Dios, y roma ri' xk'oje' achi'el jun q'axel chupan ri ruwach'ulew ri sujun chire. Y roma ri' xa chupan jay e banon rik'in tzieq xk'oje-wi. Achi'el chuqa' xkiben ri Isaac y ri Jacob, roma rije' sujun chuqa' chike ri ruwach'ulew ri'.

Deut 11:30

Ri juyu' ri', ek'o la juk'an-apo chire ri raqen-ya' Jordán chupan ri kiruwach'ulew ri aj-Canaán. Ek'o pa qajbel-q'ij chire ri taq'aj chuwech-pe ri tinamit Guilgal chunaqaj ri paten-che' richin ri Moré.

Wuj Richin ri Rutikeribel 35:4

Y keri' xekiyala' k'a apo chire ri Jacob, ri ruwachibel ri ki-dios ri ek'o pa taq kachoch y ri ruwi' taq kixikin; y rija' kan xerumuq chuxe' jun paten-che' ri k'o pa Siquem.

Wuj Kichin ri To'onela' 7:1

Y ri Gedeón, ri nibix chuqa' Jerubaal chire, y konojel ri ruwinaq ri ek'o-apo rik'in, xeyakatej k'a el nimaq'a' yan y xebe y xebek'oje' chunaqaj ri ralaxbel-ya' rubini'an Harod. Y pa xaman chire ri Gedeón y ri e ruwinaq chiri' k'a ek'o-wi ri aj-Madián, ek'o pa jun li'on ulew chuxe' ri juyu' rubini'an Moré.

Wuj Richin ri Rutikeribel 13:7

Roma ri' k'o jun q'ij xech'ayon-ki' ri yuq'unela' kichin ri rawej ri Abram y ri yuq'unela' kichin ri rawej ri Lot. Y chupan ri q'ij ri' k'a ek'o na ri rijatzul kan ri Canaán y ri rijatzul kan ri Feres chiri'.

Hechos 7:16

Jak'a ri kich'akul, pa tinamit Siquem, chiri' xebemuq-wi. Xemuq pa jun xoral, ri akuchi k'o k'ojelibel richin yebemuq-wi kan kaminaqi'. Re jun xoral re', kan jak'a ri Abraham ri loq'oyon kan chike ri e ralk'ual ri Hamor.

San Juan 4:5

Ri Jesús, e rachibilan ri rutijoxela', xapon k'a pa tinamit Sicar ri richin ri Samaria, chunaqaj ri ulew ri ruya'on kan ri Jacob chire ri José ri ruk'ajol.

1 Rey 12:1

Chirij ri rukamik ri Salomón, ri Roboam xbe k'a pa tinamit Siquem roma konojel winaqi' richin Israel xebe chiri' richin nikiben ki-rey chire rija'.

Wuj Kichin ri To'onela' 9:1

Ri Abimélec ruk'ajol kan ri Jerubaal xbe pa tinamit Siquem richin xbech'on kik'in ri ruch'utitata' ri e ruxibal rute' y chuqa' kik'in konojel ri ach'alalri'il ri', y kere' xubij chike:

Wuj Richin ri Josúe 24:32

Ri israelita kik'amon k'a pe pan Egipto ri rubaqil ri José, y xkimuq kan chupan ri ulew ri ruloq'on kan ri Jacob chiri' pa tinamit Siquem, ri xuloq' chike ri e ralk'ual kan ri Jamor. Re achin re' tata'aj richin ri Siquem. Y ri rajel ri xuya' chuwech, ja ri wok'al raqen saqipueq; y re ulew re' xok kan kichin ri e rijatzul kan ri José.

Wuj Richin ri Josúe 20:7

Jak'a tinamit re' richin tobel ri xekicha': Ri Quedes ri k'o pa Galilea ri k'o chuwi-juyu' richin ri Neftalí, ri Siquem ri k'o chuwi-juyu' richin ri Efraín y ri rutinamit Arbá ri nibix chuqa' Hebrón chire ri k'o chuwi-juyu' richin ri Judá.

Wuj Richin ri Rutikeribel 34:2

Y ri achin Hamor heveo, ri tata'al ri chiri' chupan ri ruwach'ulew ri' k'o jun ruk'ajol rubini'an Siquem, y rija' xutz'et k'a ri Dina xuchop y rik'in uchuq'a' xkotz'e' rik'in.

Wuj Richin ri Rutikeribel 33:18

Y keri' rubanik toq ri Jacob xtzolin-pe ri k'a kela' pa Padán-aram, man jun xuk'uluwachij-pe y xapon ri pa tinamit Siquem ri k'o pa Canaán y xbek'oje' chiri' chunaqaj ri tinamit.

Wuj Richin ri Rutikeribel 10:15

Ri Canaán xeralk'ualaj e ka'i' ruk'ajol; ri nabey xubini'aj Sidón y ri ruka'n ja ri Het.

1 Rey 12:25

K'ari' ri Jeroboam xupaba' chik q'anej ri tinamit Siquem ri chiri' chuwi' taq juyu' richin Efraín y chiri' xk'oje-wi-qa. Y chirij ri' xupaba' chik q'anej ri tinamit Penuel.

Wuj Richin Bix Chire ri Dios 60:6

Ri Dios kan kere' k'a rubin chupan ri rachoch: Yin kan xkikikot; xtinch'er k'a ri ruwach'ulew Siquem, kan xtinwetaj k'a ri taq'aj kojol juyu' richin Sucot.

Wuj Richin ri Rutikeribel 34:30

Y ri Jacob xubij chike ri Simeón y ri Leví: Rix janila xiniya' pa ruk'ayewal roma xe'ikamisaj kan re rajaw re ruwach'ulew re'. Wakami xtikimol k'a pe ki' chiqij ri e rijatzul kan ri Canaán y ri Feres y roj xa man oj k'iy ta ok ri achi'a'; xkinkikamisaj k'a yin y ri e aj pa wachoch, xcha' chike.

Os 6:9

Achi'el xa ta eleq'oma' ri yekoyobej winaqi' pa bey, keri' xkiben ri tzobaj sacerdote. Kan xekamisan chupan ri bey ri nibe pa Siquem, kan janila k'a chi etzelal ri xkiben.