Wuj Richin ri Rutikeribel 12:15 - Kaqchiquel Bible

¹⁵ Chuqa' ri e tata'al richin ri q'atbel-tzij richin Egipto toq xkitz'et, xbekitzijoj chire ri rey chi k'o jun xten janila ti jebejoj ok. K'ari' rije' xkik'uaj-el k'a pa rachoch ri rey.

Wuj Richin ri Rutikeribel 12:15 ပူးပေါင်းရင်းမြစ်များ

Wuj Richin ri Rutikeribel 20:2

Y toq k'o chik qa chiri', ri Abraham, xubij chi ri Sara ri rixjayil xa rana', y ri Abimélec ri rey richin Guerar, xuteq ruk'amik ri Sara richin nok rixjayil.

Hebreos 13:4

Tiya' ruq'ij ri k'ulubik. Roma ri achijlonel y ri ixjayilonel man yemakun ta toq nikik'uaj-ki' chupan ri k'ulubik. Jak'a wi nikikanoj jun chik richin yek'oje' kik'in kan yemakun. Chuqa' ri man e k'ulan ta y nikikanoj jun richin yek'oje' rik'in, xa yemakun. Y ri Dios kan xtuq'et k'a tzij pa kiwi' ri keri' nikiben.

Wuj Richin ri Jeremías 46:17

K'ari' xesik'in y xkibij: Ri rey richin Egipto, janila k'iy ri xusuj, jak'a man jun xuya'.

Wuj Richin Etamabel-Tzij 29:12

Ri tata'al ri kan jebel nunimaj-qa ri tz'ukun taq tzij ri yebix chire; xa yeruyoj ri rusamajela', y nuben chike chi xke'ok tz'ukuy taq tzij.

Wuj Richin Etamabel-Tzij 6:29

Y keri' ri nuk'uluwachij jun achin ri nuju' ri' rik'in jun k'ulan ixoq; ri achin ri' kan xtrejqalej-wi k'a ri mak ri'.

Wuj Richin Bix Chire ri Dios 105:4

Kan ja ri Jehová tikanoj y tikanoj ri ruchuq'a'. Kan jantape' k'a titzu' ruwech rija'.

2 Rey 18:21

Yin ninch'ob chi xa kik'in ri aj-Egipto akuquban-wi ak'u'x, y rije' xa man xketikir ta xkatkito', y rix xa xkixsokotej kan. Roma rije' xa e achi'el jun aj paxineq ri xa nuteq'uj pa ruq'a' ri nichapo richin, jak'a xa nusok-ri'.

1 Rey 3:1

Ri rey Salomón xk'ule' rik'in ri rumi'al ri rey richin Egipto, y keri' xjunamatej-kiwech, y xek'oje' chiri' pa rutinamit kan ri rey David, rokik chiri' pa Jerusalem najin rupabaxik ri rachoch rija', ri rachoch ri Jehová y ri tz'aq ri nisutin-rij ri tinamit ri'.

Ex 2:15

Toq ri rey xretamaj ri xuben ri Moisés, jari' toq xuteq rukanoxik richin chi tikamisex; jak'a ri Moisés xa xanimej-el chuwech ri rey y xbe k'a pa ruwach'ulew rubini'an Madián, y toq xapon xbetz'uye' k'a chuchi' jun pozo.

Ex 2:5

Y ri rumi'al ri rey xbe-qa chuchi' ri raqen-ya' ri' richin nibe'atin, e rachibilan-el jun tzobaj xtani' ri e rusamajela'. Y rokik ri xtani' ri' yebiyajilan chuchi' ri ya', jari' toq rija' xutz'et ri jun ti chakech chukojol ri pop ri'. Y jari' xuteq jun chike ri e rusamajela' ri e beneq chirij richin xberuk'ama-pe ri ti chakech.

Wuj Richin ri Rutikeribel 41:1

Y toq q'axineq chik k'a ka'i' juna', ri rey xuben jun achik'. Rija' xrachik'aj chi pa'el chuchi' ri raqen-ya' Nilo.

Wuj Richin ri Rutikeribel 40:2

Y roma ri' ri rey xyakatej royowal chikij ri e ka'i' samajela' ri',

Ez 32:2

Rat Ezequiel, tabixaj re jun chik bix re' richin bis chire ri rey richin ri ruwach'ulew Egipto. Y kere' tabij: Rat rey at achi'el jun koj ri nibiyaj pa ruwi' chijun re ruwach'ulew. Rat chuqa' at achi'el jun nimalej ayin ri atk'o pa taq palou y ri pa raqen taq ya'. Y rik'in ri awaqen natuk ruxe' ri ya' y ch'abeq-ch'abeq nuben ruwech ri ya'.

Wuj Richin ri Jeremías 25:19

Keri' chuqa' xinya' chike ri rey richin Egipto, chike ri e aj-raqen y konojel ri winaqi' richin ri ruwach'ulew ri'.

Wuj Richin ri Rutikeribel 12:14

Y toq xe'apon k'a rije' chiri' pan Egipto, kan keri' na wi xbanatej, ri achi'a' ri aj chiri' toq xkitz'et ri Sarai kan jebel na wi ok xkitz'et.

Wuj Richin ri Rutikeribel 26:7

y ri achi'a' ri ek'o chiri' xkik'utuj chire: ¿Achike la peteneq awik'in?, xecha'. Rija' xubij: La' wana', xcha'. Roma rija' xuxibij-ri' richin xubij chi rixjayil, roma rik'in juba' ri achi'a' ri ek'o chiri' nikikamisaj rija', roma ri Rebeca kan jebejoj ok.