Wuj Richin ri Rutikeribel 11:30 - Kaqchiquel Bible

³⁰ Ri Sarai man xek'oje' ta ral, roma rija' kan keri' banon chire roma ri Dios.

Wuj Richin ri Rutikeribel 11:30 ပူးပေါင်းရင်းမြစ်များ

San Lucas 1:36

Chuqa' kan tawetamaj k'a kan, chi ri Elisabet ri awach'alal xtibe'alex jun ak'ual rik'in, stape' man alanel ta y chuqa' kan ri'j chik. Wakami k'o yan chik waqi' ik' ri' ri royoben-pe jun ak'ual.

San Lucas 1:7

Jak'a rije' e maneq kalk'ual, roma ri Elisabet man alanel ta. Y chi e ka'i' kan e rijita'q chik.

Wuj Richin Bix Chire ri Dios 113:9

Ri Jehová nuben chike ri ixoqi' ri man ye'alan ta chi nik'oje' kiq'ij pa taq kachoch. Chuqa' nuben chi yek'oje' kal, y yekikot. Kan tinimirisex k'a ruq'ij ri Jehová.

1 Sam 1:2

Ri Elcaná ek'o k'a ka'i' rixjayil, ri jun rubini'an Ana, y ri jun chik rubini'an Peniná. Ri Peniná ek'o ral, jak'a ri Ana man jun ral k'o.

Wuj Kichin ri To'onela' 13:2

Y chikikojol ri tzobaj richin ri Dan k'o k'a jun achin rubini'an Manoa, ri k'o chiri' pa tinamit Sorá, y ri rixjayil rija', man alanel ta.

Wuj Richin ri Rutikeribel 29:31

Y ri Jehová xutz'et chi ri Lea man kan ta chik najowex, roma ri' xuben chire chi yek'oje' ral; jak'a ri Raquel man alanel ta.

Wuj Richin ri Rutikeribel 25:21

Ri Isaac xuk'utuj k'a chire ri Jehová chi ri rixjayil nik'oje' ta ral roma rija' man alanel ta, y ri Jehová xrak'axaj y ri Rebeca xek'oje' k'a ral.

Wuj Richin ri Rutikeribel 11:31

Ri Taré xel-el chiri' pan Ur kichin ri winaqi' caldeo richin xbe pa ruwach'ulew Canaán y xeruk'uaj-el ri Abram ri ruk'ajol, ri Sarai ri rali' y chuqa' xuk'uaj-el ri Lot ri ruk'ajol kan ri Harán, ri ruk'ajol rija'; y toq xe'apon chupan ri tinamit rubini'an Harán, chiri' xek'oje-wi-qa.

1 Sam 1:5

Jak'a chire ri Ana más k'iy nuya' roma kan janila nrajo', stape' ri Jehová rubanon chire chi man nik'oje' ta ral.