Wuj Richin ri Rutikeribel 11:3 - Kaqchiquel Bible

³ Y k'o k'a jun q'ij xkich'ob y xkitzijola' chikiwech: Tiqabana' taq xan y tiqaporoj pa q'aq', richin niqaben ladrillo, xecha'. Y keri', rije' ladrillo k'a ri xkikusaj pa ruk'exel abej y petróleo k'a xkikusaj richin xok rulo' ri xabachike kisamaj.

Wuj Richin ri Rutikeribel 11:3 ပူးပေါင်းရင်းမြစ်များ

Wuj Richin ri Rutikeribel 14:10

Chupan ri ruwa-taq'aj Sidim k'iy petróleo e rimil y ri rey richin ri Sodoma, richin ri Gomorra y ri aj-labal xe'animej chupan ri oyowal ri' y jujun chike rije' xebetzaq chupan ri petróleo ri e rimil chiri' y ri ch'aqa' chik xe'animej-el pa taq juyu'.

Ex 2:3

Jak'a toq man xtikir ta chik xrewaj ri ti ak'ual, rija' xuben ruchojmil jun ti chakech, y richin man niq'ax ta ya' chupan, xuq'olij-el rik'in asfalto y q'ol, y k'ari' xuya-el ri ak'ual chupan, y xberuya' kan chuchi' ri raqen-ya' Nilo, chukojol pop ri k'iyineq-pe chupan ri ya'.

Ex 1:14

Kan xk'ayewatej k'a ri kik'aslen roma ri ilinri'il xya'ox pa kiwi'. Xeya'ox k'a pa banoj ch'abeq richin xkiben xan chire richin nok ladrillo y ronojel ri kow taq samaj richin pa juyu', y kan xetz'ilox k'a chubanikil ri samaj ri'.

Santiago 5:1

Wakami k'o jun ninwajo' ninbij chiwe rix beyoma'. Ninbij k'a chiwe chi ruk'amon chi yixoq', kixsik'in chi oq'ej, roma janila tijoj-poqonal ri xtipe pan iwi'.

Hebreos 10:24

Y tiqakanoj k'a achike rubanik niqaben richin niqatola-qi' qonojel, richin niqetamaj yojajowan, y más ta niqarayij niqaben ri utzilej taq banobel.

Hebreos 3:13

Nik'atzin chi q'ij-q'ij nikuqubala' ik'u'x chi'iwachibil-iwi', roma k'a ruq'ijul na. Tibana' keri', richin chi man jun chiwe ri tiq'olotej roma ri mak y nikowirisaj ri iwánima.

Wuj Richin ri Isaías 9:10

Ri qachoch ri e banon rik'in ladrillo xa xewulex, jak'a re wakami roj xtiqapaba' chik jun bey rik'in abej ri kan e chojmirisan chik. Kan xechoy k'a el ri wíkix, jak'a re wakami roj xtiqatik-qa tiox-che' pa ruk'exel, yecha'.

2 Sam 12:31

Y ri winaqi' ri man xeken ta, xeruya' pa samaj. Xesamej k'a rik'in qupibel-che' y rik'in ikej, y chuqa' xkisamajij ri ulew. Chuqa' xuben chike chi xkiben xan. Y kan keri' k'a xuben chike ri ch'aqa' chik kitinamit ri amonita. Chirij re' ri David y konojel ri aj-labal xetzolin pa kitinamit Jerusalem.

Santiago 4:13

Y wakami tiwak'axaj k'a rix ri nibij: Wakami o chua'q yojbe pa jun chik tinamit richin yojk'oje' chiri' jun juna', richin yojloq'on y yojk'ayin richin niqach'ek qaméro, yixcha'.

Wuj Richin ri Nahum 3:14

Tinaba' k'a kan k'iy iya' richin nikoch' toq xtisutix-iwij; ke'ichojmirisaj ri jay richin tobel. Kixok k'a chupan ri ch'abeq y tixeq'a' jebel richin niben ri xan, keri' ye'ito' ri tz'aq richin tobel.

Wuj Richin ri Isaías 65:3

Re winaqi' re' kan jantape' xkiyek woyowal, roma kan yekisuj kamelabel ri chiri' pa taq kiqejoj, y chuqa' pa ruwi' porobel ri banon rik'in xan nikiporoj ri pom.

Wuj Richin ri Isaías 5:5

Wakami k'a xtinbenbij chiwe ri achike xtinbenbana' rik'in ri nutiko'n richin uva. Xa kan xtinwelesaj k'a ri qejoj chirij richin chi nik'is. Xtinwop k'a ri tz'aq ri rusutin-rij richin chi nipalibex kan.

Wuj Richin ri Molojri'il 2:1

Yin kan xinch'ob-qa chi wakami ninya' k'a chire ri wánima ronojel ri nurayij. Y jari' xinben. Jak'a xintz'et chi re' xa q'axel chuqa'.

Wuj Richin Etamabel-Tzij 1:11

Rik'in juba' nikibij chiwe: Kixanpe qik'in, tiqabana' jun pikbel y achike na k'a wineq xtiqaqa chupan, y ri nakanik ri xtiqaqa chupan, xtiqakamisaj.

Wuj Richin Bix Chire ri Dios 64:5

Kan kipaban k'a ki' chupan ri itzel taq kich'obonik, nikiyala' pikbel, k'ari' nikibij-qa ¿achike ta k'a nitz'eton ri niqaben?, yecha-qa.

Wuj Richin ri Rutikeribel 11:7

Wakami k'a, jo-qa y tiqasacha' ri kich'abel, richin chi man niq'ax ta chikiwech ri nikibij, xcha'.

Wuj Richin ri Rutikeribel 11:4

Chirij re' xkibij chik: Tiqapaba' jun tinamit y jun torre y re torre re' xtapon k'a chila' chikaj, richin keri' xtel qatzijol y man xqojtalutej ta chuwech re ruwach'ulew, xecha'.