Wuj Richin ri Rutikeribel 10:4 - Kaqchiquel Bible

⁴ Ri e rijatzul ri Javán jari' ri Elisá, ri Tarsis, ri Quitim y ri Rodanim.

Wuj Richin ri Rutikeribel 10:4 ပူးပေါင်းရင်းမြစ်များ

Dn 11:30

Roma xa xkebeyakatej k'a pe chikij rije', ri aj-labal ri e peteneq pa taq barco re kere' pa qajbel-q'ij. Y roma ri' xa xtipe k'a bis rik'in y xtitzolej pa ruruwach'ulew. Y xtiyakatej chik royowal chikij ri awinaq israelita, y xtuben k'a chiri' ronojel ri niqa' chuwech rija'. Y xtijunamatej k'a ruwech kik'in ri kimalin kan ri rujikibel-tzij ri Dios.

Wuj Richin ri Isaías 23:12

Y xubij chike ri aj-Sidón chi xtik'is ri nimaq'ij ri nikiben, y ri kiwinaq xa kan janila xketz'ilox. Y stape' xke'animej-el pa ruwach'ulew Quitim, xa kan man jun bey chik xtik'oje' uxlanen kik'in.

Wuj Richin ri Isaías 23:1

Ri Dios xuq'alajirisaj ri xtibanatej pa ruwi' ri tinamit Tiro. Y jare' k'a ri rutzijol: Kixoq' rix aj-Tarsis ri yixuk'uan ri nimalej taq barco, roma kan xtik'is ri tinamit Tiro. Kan man jun chik jay ri xtik'oje' kan, y kan man jun chik akuchi xke'ok-wi-apo ri barco. Toq xketzolej-pe pa Quitim, jari' toq xtiq'ax chikiwech.

Ez 27:25

Ri nimalej taq barco e richin ri tinamit Tarsis jari' ri niq'axan-pe ri ejqa'n richin ri Tiro. Ri tinamit Tiro janila beyomel k'o rik'in. Rija' kan achi'el jun nimalej barco ri k'o pa ya'.

Ez 27:12

Ri Tiro kan pa ruk'iyal k'a k'ayij k'o rik'in, roma ri' ri ruwach'ulew Tarsis noloq'on-el rik'in. Y ri nikik'en-pe richin nikik'ayij kan chire rija', ja ri saqipueq, ri q'eqapueq, ri estaño y ri chajipueq.

Wuj Richin ri Rutikeribel 10:5

Jare' ri e rijatzul ri Jafet ri xebek'oje' pa taq taq'aj chuchi' ri palou ri k'o chiri', y xkik'uaj k'a ki' pa taq tzobaj, chi kach'alal-ki', ri junan kich'abel y junan ruwach'ulew ri xkiq'atapula'.

1 Crón 1:7

Ri e ruk'ajol kan ri Javán ja ri Elisá, ri Tarsis, ri Quitim y ri Rodanim.

Ez 27:6

Richin xkiben ri taq che' ri ninimo ri barco, xkik'en-pe ri jebelej paten-che', ri nipe pa Basán. Richin xkiben ri rupan, xkik'en-pe jebelej tz'alem k'isis, ri nipe pa ruwach'ulew Chipre. Y chukojol ri tz'alem ri', xekiyala' retz'aba'l ri e banon rik'in ri rey tix.

Ez 27:7

Richin xban ri tzieq richin kaq'iq' ri ninimo-el ri barco, xukusex ri jebelej tzieq lino, ri banon-pe pan Egipto. Y ri jun chik jebelej tzieq keq y raxroj nitzu'un ri niya'on muj, k'amon-pe pa ruwach'ulew Elisá, ri k'o pa runik'ajal ya'.