Wuj Richin ri Rutikeribel 10:22 - Kaqchiquel Bible

²² Ri e rijatzul ri Sem, ja ri Elam, ri Asur, ri Arfaxad, ri jun ri xubini'aj chuqa' Lud y ri Aram.

Wuj Richin ri Rutikeribel 10:22 ပူးပေါင်းရင်းမြစ်များ

Wuj Richin ri Isaías 66:19

Y re' jun retal chike rije'. Y k'ari' kan xkenteq jujun chike ri man xeken ta kik'in ri ch'aqa' chik winaqi' richin ri ruwach'ulew. Kan xkenteq k'a el pa ruwach'ulew Tarsis, Fut, Libia, Lidia, ri akuchi yetikir nikikusaj ri ch'ab; chiri' pa Tubal, Grecia y ri ch'aqa' chik ruwach'ulew ri ek'o nej chuchi' ri palou, ri man jun bey kak'axan ri nubi' yin, ni man jun bey kitz'eton ri nuk'ojlemal richin chi nikiq'alajirisaj ri ruwaq'ijaj ri k'o wik'in. Y ri taqonela' ri' xkebe richin xtikiq'alajirisaj ronojel re'.

Hechos 2:9

Roma ek'o chiqe roj ri e aj wawe' pa Judea; ek'o e peteneq ri pa ruwach'ulew Partia, ri Media, ri Elam, ri Mesopotamia, ri Capadocia, ri Ponto, ri Asia,

Wuj Richin ri Jeremías 25:25

ri aj-Zimrí, ri aj-Elam, ri aj-Media,

Wuj Richin ri Isaías 22:6

Ri aj-Elam kan xkinojisaj chik ri k'ojelibel richin kich'ab, y kan e ch'okol chik chikij ri kikiej, chuqa' e tz'uyul chik pa taq ki-carruaje. Ri aj-Quir xkelesaj yan ri kitobal richin xkebe pan oyowal.

Wuj Richin ri Isaías 21:2

Kan janila k'ayew ri q'ij ri xuk'ut ri Dios chinuwech chupan jun achi'el achik'. Y ri achik' ri' xaxe nuk'ut q'oloj y wululen. ¡Kixyakatej rix tinamit richin Elam, chuqa' rix aj-Media! Ri Dios xtutanaba' ri kijiloj ri winaqi' ri ya'on koma ri aj-Babilonia.

Wuj Richin ri Isaías 11:11

Chupan k'a ri q'ij ri', ri Jehová kan xtuk'ut chik jun bey ri nimalej ruchuq'a' richin yerumol konojel ri qawinaq ri man jani ketzolin-pe. Xtuben k'a chi xketzolin konojel ri ek'o chiri' pan Asiria, pan Egipto, pan Etiopía, pan Elam, pa Babilonia, pan Hamat, y ri ruwach'ulew ri ek'o chuchi' ri palou.

Wuj Richin ri Achin Job 1:17

Y k'a nich'on na k'a re jun samajel re' rik'in ri Job, toq kan jari' xoqaqa chik jun samajel y xubij chire: E oxi' tzobaj eleq'oma' aj-Caldea xe'apon qik'in y xojbekichapa' chi oyowal, xekimej-el konojel ri camello chiqawech y xekik'uaj-el. Konojel ri ch'aqa' chik asamajela' kan xekikamisaj kan chi espada; y xaxe ok yin ri xinkol-pe-wi' richin chi nonya' rutzijol chawe, xcha'.

2 Rey 15:19

K'ari' ri Pul*f6* rey richin Asiria xyakatej k'a chirij ri ruwach'ulew Israel. Jak'a ri Pul xubij chire ri Menahem chi nik'oje' chupan ri q'atbel-tzij wi nuya' 660 quintal saqipueq chire.

Wuj Richin ri Q'axanri'il 23:7

K'ari' ri Balaam xch'on k'a y xuq'alajirisaj ri ruch'abel ri Jehová chike y xubij k'a: Rat Balac k'a kela' pa nuruwach'ulew Aram xinabek'ama-wi-pe, Rat rey richin Moab ri atk'o pa taq juyu', ri pa relebel-q'ij xinak'en-pe wawe'. Xabij: Katanpe k'a y ja rat ri kach'on woma yin. Katanpe k'a y tawoyoj itzel chirij ri rutinamit kan ri Jacob, xacha' chuwe.

Wuj Richin ri Rutikeribel 9:26

Y chuqa' xubij: Nim ruwa-ruq'ij ri Jehová ri qa-Dios, ri ru-Dios ri Sem, y ja ri Canaán jari' ri xtiyuqe' pa samaj rik'in.

San Lucas 3:36

Y ri Sélah ruk'ajol kan ri Cainán, y ri Cainán ruk'ajol kan ri Arfaxad, y ri Arfaxad ruk'ajol kan ri Sem, y ri Sem ruk'ajol kan ri Noé, y ri Noé ruk'ajol kan ri Lámec.

Wuj Richin ri Rutikeribel 10:21

Ri Sem ja rija' ri nimalaxel chuwech ri Jafet, y chuqa' xek'oje' ralk'ual. Y qonojel roj, re ojk'o re q'ij re', ri oj rijatzul ri Heber, chuqa' oj eleneq-pe rik'in ri Sem.

Wuj Richin ri Rutikeribel 11:10

Wawe' k'a e tz'ibatel-wi kan ri kibi' ri e rijatzul ri Sem. K'a ka'i' k'a juna' tiq'ax ri ya' ri xmuqun ri ruwach'ulew, toq xralk'ualaj ri Arfaxad y ri Sem k'o wok'al rujuna' chiri'.

Wuj Richin ri Q'axanri'il 24:22

Man rik'in ri', xa xtipe wululen chiwij y xkixk'is, toq ri winaqi' aj-Asiria xkixkichop-el,

Ez 32:24

Chiri' chuqa' ek'o-wi ri aj-labal aj-Elam ri xeken chi espada. Rije' chuqa' xekixibij ri ch'aqa' chik winaqi', jak'a re wakami, konojel k'a re winaqi' re', ri maneq Dios chikiwech, ek'o chikikojol ri xeken yan el. Y re wakami xa man jun ruwaq'ijaj ri xkik'ul, roma xa junan xek'oje' kik'in rije'.

Dn 8:2

Yin kan xinna' k'a chi ink'o pa tinamit Susa, akuchi-k'o-wi ri ruk'u'x ri ajawaren, ri chiri' pa ruwach'ulew Elam. Y yin ink'o k'a chuchi' ri raqen-ya' rubini'an Ulai.