Wuj Richin ri Rutikeribel 10:11 - Kaqchiquel Bible

¹¹ Y xel k'a el chiri' y xbe pa jun ruwach'ulew ri rubini'an Asiria re wakami. Y ja rija' ri xepaban-q'anej ri tinamit Nínive, ri Rehobot-ir, ri Quélah,

Wuj Richin ri Rutikeribel 10:11 ပူးပေါင်းရင်းမြစ်များ

Wuj Richin ri Miqueas 5:6

Re aj-raqen re' kan xtikiq'et-tzij pa ruwi' ri tinamit Asiria rik'in uchuq'a'. Keri' chuqa' xtikiben chire chijun ri ruwach'ulew Asiria.*f1* Keri' re achi'a' re' kan xqojkikol k'a chikiwech ri e etzelanel qichin, toq xkeyakatej-pe chiqij y xke'ok-pe chupan re qaruwach'ulew.

Wuj Richin ri Nahum 1:1

Chupan re wuj re' tz'ibatel-wi kan ri xtibebanatej rik'in ri tinamit Nínive achi'el xq'alajirisex chuwech ri Nahum ri aj pa ko'ol tinamit rubini'an Elcós.

Wuj Richin ri Jonás 1:2

Kabiyin chupan ri nimalej tinamit Nínive y taya' rutzijol chike, chi ri kimak kan xik'o yan ruwi', y roma ri' xkenk'is, xcha' ri Dios chire.

Wuj Richin Bix Chire ri Dios 83:8

Keri' chuqa' ri winaqi' aj-Asiria kan xkitun chuqa' ki' kik'in konojel re winaqi' re'; kan xkisuj-ki' richin yekito' ri amonita y ri moabita.

Wuj Richin ri Sofonías 2:13

Ri Jehová kan xtutzeqej k'a ri ruq'a' pa xaman richin nuk'is ri ruwach'ulew Asiria. Keri' ri tinamit Nínive kan xtitole' kan, y kan xtok kan tz'iran-tz'iran.

Wuj Richin ri Nahum 3:7

Konojel k'a ri xketz'eton awichin xke'animej chawech; Xkesik'in y xtikibij: ¡Ri Nínive xa xwulatej! ¿Achike k'a xtijoyowan ruwech? ¿Achike k'a xtikuquban ruk'u'x?, xkecha'.

Wuj Richin ri Nahum 2:8

Ri aj-Nínive ye'animej, achi'el ri choy ri man tikirel ta richin niq'at. ¡Man kixanimej! ¡Kixtzolin-pe! nibix chike, jak'a rije' xa man yetzolin ta.

Os 14:3

Ri Asiria xa man xtitikir ta xqojrukol, man xqojtikir ta k'a xqojanimej chirij kiej, kan man jun bey chik k'a xtiqabij: Ri dios qichin roj, chike ri xa ja roj ri oj banayon-qa kichin. Roma xa kan xaxe k'a awik'in rat nril utzil ri meba', kixcha' chuwe.

Ez 32:22

Chiri' k'a ek'o-wi ri aj-labal aj-Asiria. Ri ojer kan, kan janila xekixibij ri ch'aqa' chik winaqi', jak'a xa xeken chi espada. Y re wakami ek'o chikikojol ri kaminaqi'.

Ez 27:23

Chuqa' ri winaqi' aj-Harán, ri aj-Cané, ri aj-Edén, ri aj-Sabá, ri aj-Asiria y ri aj-Media ye'oloq'on rik'in.

Wuj Richin ri Isaías 37:37

K'ari' ri Senaquerib rey richin Asiria xbe k'a, y xtzolin pa tinamit Nínive. Y chiri' xk'oje-wi kan.

Wuj Richin ri Esdras 4:2

jari' toq xebe rik'in ri Zorobabel y kik'in ri e aj-raqen kichin ri winaqi' y xkibij chike: Tiya' q'ij chiqe richin yixqato', roma roj chuqa' niqakanoj ri i-Dios rix. Y chuqa' kan jantape' qasujun-pe kamelabel chire ri Dios, chupan-pe ri q'ij toq xojoqaqa wawe', toq xojruteq-pe ri Esarhadón rey richin Asiria, xecha'.

2 Rey 19:36

Jari' toq ri Senaquerib rey richin Asiria xa xuchop-el bey richin xtzolin-el, y xbek'oje' pa tinamit Nínive.

Wuj Richin ri Q'axanri'il 24:22

Man rik'in ri', xa xtipe wululen chiwij y xkixk'is, toq ri winaqi' aj-Asiria xkixkichop-el,

Wuj Richin ri Rutikeribel 10:12

y ri tinamit Resen, chikikojol ri Nínive y ri Quélah k'o-wi; y re' jun nimalej tinamit.