Wuj Richin ri Rutikeribel 1:9 - Kaqchiquel Bible

⁹ Y ri Dios xubij chuqa': Xa jun tubana' ri ya' ri k'o chuxe' ri kaj y tiq'alajin-pe ri ruwach'ulew chaqi'j. Y kan keri' k'a xbanatej.

Wuj Richin ri Rutikeribel 1:9 ပူးပေါင်းရင်းမြစ်များ

2 Pedro 3:5

Rije' kan xtikiben k'a achi'el xa man ketaman ta ri xuben ri Dios ojer kan. Pa nabey ri Dios kan xubij-wi chi tik'oje' ri kaj. Rik'in ri ruch'abel xucher ri ruwach'ulew chire ri ojer taq ya' y keri' xrelesaj-pe ri ruwach'ulew chupan ri ya'.

Wuj Richin ri Jonás 1:9

Rija' xubij chike: Yin in hebreo, y ninya' ruq'ij ri Jehová ri Dios ri rajaw ri kaj, ri xbanon re palou y ri ruwach'ulew, xcha'.

Wuj Richin ri Jeremías 5:22

¿Kan man nixibij ta k'a iwi' chinuwech?, nubij ri Jehová. ¿Kan man yixbaybot ta k'a chinuwech yin, ri xinya' ri sanayi' richin ruk'ulba't ri palou, jun k'ulba't ri man nitikir ta nuq'axaj ri ya'? Xtibolqo't k'a ri ruwi' ri ya', jak'a xa xtik'is-qa; kan xtiwajin, jak'a man xtiq'ax ta chire ri ruk'ulba't. Yin Jehová ri yibin.

Wuj Richin Bix Chire ri Dios 95:5

Ri palou kan e richin chuqa' rija', roma kan ja rija' ri xebanon. Kan ja rija' xbanon ri chaqi'j ruwach'ulew.

Wuj Richin ri Molojri'il 1:7

Ronojel ri raqen taq ya', chupan ri palou ye'apon-wi, jak'a ri ya' ri' man jun bey ninoj. Xa kan akuchi k'a eleneq-pe ri ya' ri', xa kan chiri' chik xtapon-wi richin xkebebiyin jun bey chik.

Wuj Richin Bix Chire ri Dios 33:7

Ja rija' xmolon ruchi' ri ya' richin xuya' pa taq kik'ojelibal. Xumol ruchi' ri ya' richin xuya' pa taq yakbel-ya'.

Wuj Richin ri Achin Job 26:10

Ja rija' xbanon ri ruwi' ri palou ri kan choj-choj nitzu'un, jari' ri nik'atzin richin retal toq nitzaq ri q'ij y nok ri aq'a'.

Apocalipsis 10:6

y xuya' rutzij pa rubi' ri Dios ri kan k'es ri tibe-q'ij tibe-seq, ri xbanon ri kaj y ronojel ri ek'o chuwech, ri xbanon ri ruwach'ulew y ri ek'o chuwech, ri xbanon ri palou y ri ek'o chupan; chi ri q'ij jari' xtz'aqet yan.

Wuj Richin Bix Chire ri Dios 104:3

Kan xajikiba' ri ruwi' ri awachoch pa ruwi' ri sutz'.*f99* Ri sutz' xe'ok achi'el jun carruaje uk'uey awichin. Rat kan yabiyin pa ruwi' ri kaq'iq'.

Wuj Richin ri Achin Job 26:7

Ri Dios kan xuben k'a y xuripiba' k'a kan ri kaj ri richin ri chiri' pa xaman, ri akuchi man jun k'o, y kan xuk'oloba' k'a kan ri nimalej ruwach'ulew ri pa kaq'iq'.

Wuj Richin ri Rutikeribel 1:8

Y kaj k'a ri rubi' ri xuya' chire ri rukojolil. Y kere' k'a xtz'aqet ri chaq'a' y ri paq'ij richin ri ruka'n q'ij.

Wuj Richin ri Nehemías 9:6

Xaxe rat Jehová ri atk'o pa qawi', y man jun chik achi'el rat. Ja rat ri xabanon ri kaj ri tz'etel y ri man tz'etel ta, y xe'aben ri ch'umila', ri ruwach'ulew y ronojel ri ek'o chuwech. Keri' chuqa' xe'aben ri palou y ronojel ri ek'o chupan. Ja rat ri yaya'on ri k'aslen chike konojel ri ek'o, y roma ri' konojel ri ek'o chikaj nikiya' aq'ij.