Wuj Richin ri Rutikeribel 1:28 - Kaqchiquel Bible

²⁸ Y ri Dios kan xerurtisaj y xubij chike: Kixalk'ualan y kixk'iyer y kan tinojisaj k'a ruwech chijun ruwach'ulew y ja rix xkixk'oje' pa kiwi' ri chikopi' ri ek'o pa ya', chikopi' ri yebe pa kaq'iq' y ri chikopi' ri ek'o chuwech re ruwach'ulew, xcha'.

Wuj Richin ri Rutikeribel 1:28 ပူးပေါင်းရင်းမြစ်များ

Wuj Richin ri Rutikeribel 9:1

Ri Dios xerurtisaj ri Noé y ri e oxi' ruk'ajol y xubij chike: Kixalk'ualan y kixk'iyer y kan tinojisaj k'a ruwech chijun ruwach'ulew.

Wuj Richin ri Rutikeribel 9:7

Y rix kan xkek'oje' e k'iy iwijatzul y kan xkixwinaqir y kan xtinojisaj re ruwach'ulew, xcha'.

Wuj Richin ri Chojmirisabelri'il 26:9

Yin kan xkixinwajo' k'a y kan xkixink'iyerisaj, y ri nujikiban richin xtinbenya' chiwe kan xtinbenya' k'a.

Wuj Richin ri Rutikeribel 1:22

Kan xerurtisaj k'a y xubij chike: Kixalan y tinojisaj ri nimalej taq palou; y chuqa' kek'iyer ri aj-xik' taq chikopi' chuwech re ruwach'ulew, xcha'.

Wuj Richin ri Isaías 45:18

Roma keri' ri Jehová nubij: Ja yin ri xibanon ri kaj y ri ruwach'ulew. Kan xinya' rutz'uyubal, y kan xinben richin ri winaqi' yek'oje' chuwech. Ja yin Jehová, y kan man jun chik achi'el yin.

Wuj Richin ri Rutikeribel 17:20

Y jak'a pa ruwi' ri ak'ajol Ismael xinwak'axaj yan ri arayibel; yin kan xtinya' k'a chuqa' urtisanik pa ruwi', xtinben chire chi janila xkewinaqir chuqa' ri rijatzul; xkek'oje' k'a e kablajuj ralk'ual y xke'ok tata'al y xtinben nima'q taq tzobaj winaqi' chike chuwech re ruwach'ulew.

Wuj Richin ri Rutikeribel 8:17

Chuqa' ke'awelesaj k'a pe konojel ri chikopi' ri ek'o awik'in, ri aj-xik' taq chikopi', ri nima'q taq chikopi' y ri e jepejeq, richin yebe chuwech re ruwach'ulew; y ke'alan k'a y kek'iyer k'a chuwech re ruwach'ulew, xcha' ri Dios chire ri Noé.

Wuj Richin Bix Chire ri Dios 107:38

Ri Jehová kan xerurtisaj y kan janila xewinaqir; ri kawej kan janila chuqa' xek'iyer.

1 Crón 4:10

Ri Jabés kan xch'on rik'in ri Dios richin ri ruwach'ulew Israel, y xubij: Nink'utuj jun utzil chawe chi taya' urtisanik pa nuwi', y taya' jun nimalej ruwach'ulew chuwe, y xkinato' y xkinakol chuwech ri etzelal, richin keri' man nintej ta poqon, xcha'. Y ri Dios kan xrak'axaj ri ruk'utunik ri xuben.

Wuj Richin ri Rutikeribel 26:24

Chupan ri aq'a' ri' ri Jehová xuk'ut-ri' chuwech y xubij chire: Ja yin ri in ru-Dios ri atata' Abraham. Man taxibij-awi' roma yin kan ink'o awik'in y xtinya' urtisanik pan awi' y kan xtik'iyer ri awijatzul roma janila xinwajo' ri Abraham ri nusamajel.

Wuj Richin ri Rutikeribel 17:16

Y xtinya' urtisanik pa ruwi' rija', chuqa' xtinya' awalk'ual rik'in ri Sara; ja' kan xtinya' na wi urtisanik pa ruwi' y xtok jun te'ej kichin nima'q taq tzobaj winaqi' chuwech re ruwach'ulew y kik'in ri e ral-riy xke'el nima'q taq rey ri xkeq'aton-tzij pa kiwi' tinamit, xcha' ri Dios chire ri Abraham.

Wuj Richin ri Rutikeribel 49:25

Jak'a ri nu-Dios yin ri in atata' ri xtito'on awichin; ja ri Dios ri k'o ronojel uchuq'a' pa ruq'a' ri xturtisan awichin, kan xkarurtisaj-pe rik'in ri job ri niqaqa-pe chila' chikaj, kan xkarurtisaj k'a rik'in ri ya' ri k'o pa ruk'u'x re ruwach'ulew. Ri ak'uala' kan k'o k'a ri xtikitz'umaj y kan k'o chuqa' ak'uala' xke'alex.

Wuj Richin ri Rutikeribel 33:5

K'ari' ri Esaú xerutz'et-apo ri ixoqi' y ri ak'uala' y xubij: ¿E achike la e peteneq awik'in?, xcha'. Y ri Jacob xubij: Ja' ak'uala' re' ri e rusipan ri Dios chuwe roma ri rutzil pa nuwi' yin ri asamajel, xcha'.

Wuj Richin ri Rutikeribel 24:60

Xkiya' k'a urtisanik pa ruwi' ri Rebeca y xkibij chire: Qach'alal roj, xkatok ta k'a te'ej kichin e 1,000 winaqi' y ri awal-awiy xke'ichinan kan ri tinamit ri ye'etzelan kichin, xecha'.

Wuj Richin Bix Chire ri Dios 69:34

Kan tiya' k'a ruq'ij ri Dios chi'iwonojel rix ri ixk'o chuwech ri kaj y ri ruwach'ulew. Keri' chuqa' ri ixk'o pa nimalej taq palou.

Wuj Richin ri Achin Job 42:12

Y ri Jehová kan más k'a xrurtisaj ri Job chupan ri ruk'isibel taq rujuna' chire ri ruk'aslen, kan más k'a k'iy ri beyomel ri xuya' chire ke chuwech ri pa nabey; kan xek'oje' e 14,000 rukarne'l, e 6,000 ru-camello, e 1,000 k'ulaj rubóyix y e 1,000 taq rubur.

1 Timoteo 4:3

Re winaqi' re' xtikibij chi man utz ta ri k'ulanen. Xtikibij chuqa' chi k'o q'utun ri man utz ta yetij. Jak'a ri Dios jari' ri k'iytisayon kan ronojel richin nikitej rik'in matioxinik ri kikuquban kik'u'x rik'in ri Cristo, y ketaman ri qitzij ruch'abel.

Wuj Richin ri Rutikeribel 5:2

Chi achij chi ixoq xeruben y kan xerurtisaj k'a y jari' toq xkibini'aj-pe wineq.

Wuj Richin Bix Chire ri Dios 8:6

Xaben chire ri wineq chi xok q'atoy-tzij pa ruwi' ronojel ri xaben. Ronojel k'a re xaben xaya' pa ruq'a':

Wuj Richin ri Rutikeribel 6:1

Y toq ri winaqi' xek'iyer pa ruwi' ri ruwach'ulew, xek'oje' k'a kimi'al,

Wuj Richin ri Achin Job 39:11

¿Kan nakuquba' kami ak'u'x rik'in ri chikop ri', roma janila ruchuq'a'? ¿Kan nakuquba' kami ak'u'x rik'in richin nuben ri asamaj más k'ayew?

Wuj Richin Bix Chire ri Dios 8:7

Ri kokoj y ri nima'q taq qawej, konojel k'a ri chikopi' ri e richin k'echelaj,

Wuj Richin Bix Chire ri Dios 115:16

Ri kaj kan richin k'a ri Jehová. Jak'a ri ruwach'ulew kan ruya'on k'a chiqe roj.