Wuj Richin ri Rutikeribel 1:26 - Kaqchiquel Bible

²⁶ K'ari' xubij ri Dios: Wakami k'a tiqabana' ri wineq kan achi'el ri qabanik roj y ja rija' ri xtik'oje' pa kiwi' ronojel kiwech chikopi', ri ek'o pa ya', ri aj-xik' taq chikopi', ri chikopi' ri ye'awajix, ri chikopi' ri ek'o pa k'echelaj y ri chikopi' ri e jepejeq, xcha'.

Wuj Richin ri Rutikeribel 1:26 ပူးပေါင်းရင်းမြစ်များ

Colosenses 3:10

Wakami jun k'ak'a' k'aslen ik'uan. Y ri Dios nuben k'a chiwe richin chi yixok más achi'el rija', richin niwetamaj más ruwech.

Efesios 4:24

Tik'uaj k'a ri k'ak'a' k'aslen ri ruya'on ri Dios chiwe; jun k'aslen achi'el richin ri Dios, ri kan qitzij wi chi choj y ch'ajch'oj.

Wuj Richin ri Rutikeribel 3:22

Y ri Dios xubij: Wakami rije' kan achi'el chik roj, roma kan retaman chik ri utz y ri itzel. Wakami, tiqabana' k'a chi man tuchop ri ruwech ri che' ri niya'on k'aslen richin jantape', xcha'.

Wuj Richin ri Rutikeribel 5:1

Wawe' k'a e tz'ibatel kan ri kibi' ri e rijatzul kan ri Adán, ri chi wiq chi tanaj xeq'ax. Toq ri Dios xeruben ri nabey taq winaqi', kan achi'el rubanik rija' xuben chike.

Wuj Richin Bix Chire ri Dios 100:3

Tiwetamaj chi ri Jehová ja rija' ri Dios. Ja rija' xbanon qichin y man ja ta roj. Roj kan oj rutinamit rija', kan oj achi'el rukarne'l richin ri ruqejoj.

2 Corintios 3:18

Roma ri' qonojel roj ri qakuquban qak'u'x rik'in ri Jesucristo, man tz'apel ta chik qach'obonik. Xa kan niq'alajin k'a ri ruq'ij-ruk'ojlen rija' qik'in roj, y ri ru-Espíritu nuben chiqe chi yojok achi'el rija'.

Wuj Richin ri Isaías 64:8

Man rik'in ri', ajaw ja rat ri at qatata'. Roj ojk'o pan aq'a' achi'el ri xeq-ulew toq k'o pa ruq'a' ri banoy bojo'y. Qonojel k'a roj, ja rat ri xabanon qichin.

Colosenses 1:15

Ri Dios man tz'etel ta, jak'a kan niq'alajin roma ri Jesucristo ri ruk'ajol, ri kan k'o pe nabey chuwech ronojel ri xetz'ukutej, y ja rija' ri k'o pa ruwi' ronojel ri k'o.

Santiago 3:9

K'o k'a bey niqaya' ruq'ij ri Dios rik'in ri qaq' y k'o bey xa niqakusaj richin niqabij itzel ch'abel chike ri winaqi', ri chuqa' e ruwachibel ri Dios.

2 Corintios 4:4

ri man kikuquban ta kik'u'x rik'in ri Cristo. Y ri xbanon keri' chike, ja ri Itzel-Wineq ri k'o pa ruwi' re ruwach'ulew. Kan e rumoyirisan k'a richin man niq'ax ta chikiwech ri utzilej ch'abel ri niq'alajirisan ruq'ij-ruk'ojlen ri Cristo, ri xoruq'alajirisaj ri Dios chiqawech, roma rija' kan Dios wi.

1 Corintios 11:7

Ri achin man utz ta chi nukuch ri rujolon, roma kan ruwachibel ri Dios, y ruwaq'ijaj richin rija'. Y ri ixoq nuk'ut ri ruruwaq'ijaj ri rachijil.

Wuj Richin ri Rutikeribel 9:6

Jun wineq kan achi'el nubanik yin, y wi k'o ta jun xtikamisan jun wineq, ri xtibanon xa kan xtiqaqa chuqa' pa ruq'a' jun chik wineq.

Wuj Richin ri Molojri'il 7:29

Chuqa' xinwil y xinwetamaj chi ri Dios kan choj rubanik ruk'aslen ri wineq rubanon chire, xa jak'a ri wineq xa ja ri rubey ri etzelal ri xuk'uaj kan.

Hechos 17:26

Chuqa' kan rubanon chiqe qonojel ri ojk'o chuwech re ruwach'ulew chi xa rik'in jun wineq oj peteneq-wi. Rija' ojer ri' rubin kan ri akuchi ojk'o-wi, y janipe' juna' yojk'ase'.

San Juan 14:23

Roma ri' ri Jesús xubij: Ri kan yirajo', kan nuben ri nubij ri nuch'abel. Ri jun ri xtibanon keri', kan xtajowex-wi roma ri nata' chuqa'. K'ari' ri nata' y yin kan xqojpe rik'in y xtiqaben k'a qachoch ri pa ránima.

1 Juan 5:7

Y ek'o k'a e oxi' ri nikiq'alajirisaj ri qitzij.

Santiago 3:7

Roj k'o quchuq'a' pa kiwi' ri aj-xik' chikopi', ri kumatzi', ri jalajoj kiwech ker y ri ch'aqa' chik chikopi'.

Wuj Richin ri Isaías 6:8

Chirij re' k'ari' xinwak'axaj ri ruch'abel ri Jehová ri nubij: ¿Achike kami ri xtiqateq-el? ¿Achike k'a xtok qataqo'n?, xcha'. Y yin xinbij chi jare' ink'o wawe', y chi kirutaqa-el yin.

Wuj Richin Bix Chire ri Dios 149:2

Ri israelita kan kekikot k'a rik'in ri xbanon kichin. Ri aj-Sión, kan kekikot k'a rik'in ri ki-rey.

Wuj Richin ri Rutikeribel 11:7

Wakami k'a, jo-qa y tiqasacha' ri kich'abel, richin chi man niq'ax ta chikiwech ri nikibij, xcha'.

Wuj Richin ri Jeremías 27:6

Wakami k'a xtinjech ronojel ri ruwach'ulew pa ruq'a' ri nusamajel, Nabucodonosor rey richin Babilonia. Chuqa' kan xtinjech pa ruq'a' ronojel ri chikopi' ri ek'o pa taq k'echelaj richin yek'oje' chuxe' rutzij rija'.

Wuj Richin ri Achin Job 35:10

Man rik'in ri' man nikikanoj ta ri Dios ri k'iytisayon kichin, ri nitikir nuben chire jun wineq, chi nibixan stape' k'o chupan ri más q'equ'm chire ri ruk'aslen.

San Juan 5:17

Jak'a ri Jesús xubij chike: Ri nata' Dios kan k'a nisamej re q'ij re', y keri' chuqa' yin, k'o chi yisamej, xcha'.

Hechos 17:20

Roma roj kan manjun bey qak'axan ta ri natzijoj rat, y niqajo' k'a chi nasol rij chiqawech, xecha' chire.

Wuj Richin ri Achin Job 5:23

Ri abej ri ek'o pan awulew xa xke'ok awachibil; y ri k'uxunela' taq chikopi' kan xke'ok chuqa' awachibil.

Wuj Richin ri Rutikeribel 2:19

Keri' k'a xuben ri Dios toq xerutz'uk-pe chuwech re ruwach'ulew ronojel kiwech chikopi' richin pa k'echelaj y ronojel kiwech aj-xik' taq chikopi'. Y xeruk'en k'a pe chuwech ri achin richin tuya' kibi'; y ri kibi' ri xtuya' rija' jari' ri kibi' ri xtik'oje' kan.

Wuj Richin ri Isaías 45:18

Roma keri' ri Jehová nubij: Ja yin ri xibanon ri kaj y ri ruwach'ulew. Kan xinya' rutz'uyubal, y kan xinben richin ri winaqi' yek'oje' chuwech. Ja yin Jehová, y kan man jun chik achi'el yin.

Wuj Richin ri Achin Job 39:11

¿Kan nakuquba' kami ak'u'x rik'in ri chikop ri', roma janila ruchuq'a'? ¿Kan nakuquba' kami ak'u'x rik'in richin nuben ri asamaj más k'ayew?

Wuj Richin ri Nimalej Bix 1:11

Xtiqaben k'a ruwi' taq axikin rik'in q'anapueq; xtiqawiq k'a rik'in saqipueq.