Wuj Richin ri Rutikeribel 1:25 - Kaqchiquel Bible

²⁵ Ri Dios kan xeruben-wi k'a jalajoj kiwech chikopi', richin k'echelaj y ri jalajoj kiwech chikopi' ri ye'awajix y ri jalajoj kiwech chikopi' ri e jepejeq. Y ri Dios xutz'et chi kan utz wi.

Wuj Richin ri Rutikeribel 1:25 ပူးပေါင်းရင်းမြစ်များ

Wuj Richin ri Jeremías 27:5

Kan rik'in k'a ri nimalej wuchuq'a' xinben ri ruwach'ulew, ri winaqi' y ri chikopi' ri ek'o chuwech. Y xinya' chire ri achoq chire xinwajo' xinya-wi.

Wuj Richin ri Achin Job 26:13

Rik'in ri ruxla' xuxupuj ruwech ri kaj y kan xuben k'a chire chi jebel ok xtzu'un kan, rija' kan rik'in ri ruq'a' xukamisaj ri kumetz ri man nuya' ta ri' richin nichap roma nubak'ak'ela-ri'.

1 Timoteo 4:5

Roma rik'in ri ruch'abel ri Dios y ch'owen rik'in rija', jari' ri nibanon chi utz richin nitij ronojel.

Wuj Richin ri Rutikeribel 7:21

Y xeken k'a konojel ri k'o kik'aslen chuwech ri ruwach'ulew; ri aj-xik' taq chikopi', ri ye'awajix, ri chikopi' richin pa k'echelaj, y konojel ri chikopi' ri e jepejeq, y konojel ri winaqi'.

Wuj Richin ri Rutikeribel 7:22

Y keri', konojel ri nikijiq'aj kaq'iq' chuwech re ruwach'ulew xeken.

Wuj Richin ri Achin Job 12:7

Ronojel kan ja ri Dios ri niya'on q'ij richin chi nibanatej, roma xa ta yech'on ri chikopi' ri yebiyin pa ruwi' ulew, yixkitijoj ta chi keri'. Y xa ta yech'on ri aj-xik' taq chikopi', rije' nikichololej ta chuqa' chiwe.

Wuj Richin ri Achin Job 41:12

Wakami kan xkich'on chuqa' chirij ri kibanik ri raqen ri cocodrilo, xkich'on chirij ri kuchuq'a' ri raqen y chuqa' chirij ri achike kibanik yetzu'un ri raqen.