Wuj Richin ri Rutikeribel 1:21 - Kaqchiquel Bible

²¹ Ri Dios kan xeruben-wi k'a ri nimalej taq chikopi' ri ek'o pa ya' y ri jalajoj kiwech chikopi' ri k'o kaqen y e richin chuqa' ya' y ronojel kiwech aj-xik' taq chikopi'. Y ri Dios kan utz xutz'et.

Wuj Richin ri Rutikeribel 1:21 ပူးပေါင်းရင်းမြစ်များ

Wuj Richin ri Rutikeribel 1:25

Ri Dios kan xeruben-wi k'a jalajoj kiwech chikopi', richin k'echelaj y ri jalajoj kiwech chikopi' ri ye'awajix y ri jalajoj kiwech chikopi' ri e jepejeq. Y ri Dios xutz'et chi kan utz wi.

Wuj Richin ri Rutikeribel 8:19

Y chikij rije' xe'el-pe pa taq tzobaj konojel ri jalajoj kiwech taq chikopi', ri e jepejeq, ri aj-xik' taq chikopi'. Konojel k'a xe'el-pe chupan ri nima-barco.

Wuj Richin ri Rutikeribel 8:17

Chuqa' ke'awelesaj k'a pe konojel ri chikopi' ri ek'o awik'in, ri aj-xik' taq chikopi', ri nima'q taq chikopi' y ri e jepejeq, richin yebe chuwech re ruwach'ulew; y ke'alan k'a y kek'iyer k'a chuwech re ruwach'ulew, xcha' ri Dios chire ri Noé.

Ex 8:3

Y chupan ri raqen-ya' xkebetz'ukutej-pe janila chi xkalet, re' xkebe'el-pe y xke'ok pan awachoch, xke'ok akuchi yawer-wi, xkejote' pa ruwi' ri ach'at, pa kachoch ri asamajela', pa kachoch konojel ri awinaq, xke'ok chupan ri akuchi nachaq'arisaj-wi ri akaxlan-way y xkejote' pa taq aq'e'n.

Ex 1:7

Y ri e rijatzul kan ri Israel kan xe'alk'ualan-wi, kan janila k'a xek'iyer. Kan janila k'a xewinaqir, kan janila xk'oje' kuchuq'a' y xkinojisaj chijun ri ruwach'ulew Egipto.

Wuj Richin ri Rutikeribel 9:7

Y rix kan xkek'oje' e k'iy iwijatzul y kan xkixwinaqir y kan xtinojisaj re ruwach'ulew, xcha'.

Wuj Richin ri Rutikeribel 7:14

Chuqa' konojel ri jalajoj kiwech chikopi' ri e richin k'echelaj, ri e richin chuwa-jay, ri e jepejeq y konojel ri jalajoj kiwech aj-xik' taq chikopi'.

Wuj Richin ri Rutikeribel 6:20

Y ronojel k'a kiwech chikopi' xke'ok pa k'ulaj awik'in chupan ri nima-barco, ri aj-xik' taq chikopi' y ronojel kiwech chikopi' ri ek'o chuwech re ruwach'ulew, richin chi man nik'is ta qa ri kijatzul.

Wuj Richin ri Achin Job 26:5

Y ri Bildad kan jari' xuk'uluba' ri ruch'abel ri Job y xubij: Roma ri ruchuq'a' ri Dios, ri kaminaqi' ri ek'o k'a chuxe-qa ri ulew kan yebaybot k'a, y keri' chuqa' ri ruxe' ri palou y ronojel ri ek'o chiri', kan yebaybot chuqa'.

Wuj Richin ri Achin Job 7:12

Yin xa man in junan ta rik'in ri palou y rik'in ri nimalej chikop richin ya', richin kan yixibin; jak'a rat xa aya'on kan jun chajinel wichin richin chi man jun ch'a'oj ninben.

Wuj Richin ri Rutikeribel 1:31

Y jare' k'a ri rusamaj ri xuben ri Dios y xutz'et chi ronojel ri xuben kan janila wi utz. Y rik'in ri' xtz'aqet ri chaq'a' y ri paq'ij richin ri ruwaq q'ij.

Wuj Richin ri Rutikeribel 1:18

richin yesaqirisan paq'ij y chaq'a' y richin nuya' rukojolil ri saqil y ri q'equ'm. Y kan yalan k'a utz xutz'et ri xuben.

San Mateo 12:40

Achi'el k'a ri Jonás xk'oje' pa rupan ri jun nimalej chikop richin ya', oxi' q'ij y oxi' aq'a', kan keri' chuqa' ri retal ninya' yin chiwe. Yin, ri xiqaqa-pe achi'el wineq chi'ikojol, chuqa' xkik'oje' k'a pa ruk'u'x re ulew, oxi' q'ij y oxi' aq'a'.

Wuj Richin ri Jonás 1:17

Y ri Jehová xunaba' jun nimalej ker richin xubeq' ri Jonás, y keri' ri Jonás, xk'oje' k'a oxi' q'ij y oxi' aq'a' pa rupan ri ker.

Ez 32:2

Rat Ezequiel, tabixaj re jun chik bix re' richin bis chire ri rey richin ri ruwach'ulew Egipto. Y kere' tabij: Rat rey at achi'el jun koj ri nibiyaj pa ruwi' chijun re ruwach'ulew. Rat chuqa' at achi'el jun nimalej ayin ri atk'o pa taq palou y ri pa raqen taq ya'. Y rik'in ri awaqen natuk ruxe' ri ya' y ch'abeq-ch'abeq nuben ruwech ri ya'.

Wuj Richin ri Jonás 2:10

Y ri Jehová xuteq k'a el ri ker chi xberuxa' kan ri Jonás chuchi' ri palou.

Wuj Richin ri Rutikeribel 1:20

Y ri Dios xubij: Kan kek'oje' k'a pa ruk'iyal ronojel kiwech chikopi' ri pa taq ya', chuqa' kek'oje' aj-xik' taq chikopi' ri yexik'an pa kaq'iq', xcha'.

Wuj Richin ri Rutikeribel 1:22

Kan xerurtisaj k'a y xubij chike: Kixalan y tinojisaj ri nimalej taq palou; y chuqa' kek'iyer ri aj-xik' taq chikopi' chuwech re ruwach'ulew, xcha'.

Wuj Richin ri Rutikeribel 9:2

Ronojel kiwech chikopi' richin ri ruwach'ulew xkebaybot k'a roma xibinri'il y kan xtik'oje' k'a ikiy chikiwech: Konojel ri aj-xik' taq chikopi', ri chikopi' ri ek'o pa ya' y konojel ri k'o kik'aslen kek'oje' pan iq'a'.

Wuj Richin Bix Chire ri Dios 148:7

Ronojel ri ruwach'ulew tikiya' ruq'ij ri Jehová, Chuqa' konojel ri nima'q taq chikopi' ri ek'o chupan ri palou, y ri ek'o-qa más nej chupan ri ya'.

Wuj Richin ri Rutikeribel 2:19

Keri' k'a xuben ri Dios toq xerutz'uk-pe chuwech re ruwach'ulew ronojel kiwech chikopi' richin pa k'echelaj y ronojel kiwech aj-xik' taq chikopi'. Y xeruk'en k'a pe chuwech ri achin richin tuya' kibi'; y ri kibi' ri xtuya' rija' jari' ri kibi' ri xtik'oje' kan.

Wuj Richin ri Achin Job 12:7

Ronojel kan ja ri Dios ri niya'on q'ij richin chi nibanatej, roma xa ta yech'on ri chikopi' ri yebiyin pa ruwi' ulew, yixkitijoj ta chi keri'. Y xa ta yech'on ri aj-xik' taq chikopi', rije' nikichololej ta chuqa' chiwe.