Wuj Richin ri Rutikeribel 1:2 - Kaqchiquel Bible

² Y toq ri ruwach'ulew kan k'a man jun ruchojmilal y kan k'a man jun k'o chuwech, ri q'equ'm rutz'apen ruwi' ronojel ri nimalej taq palou y ri Espíritu richin ri Dios nisilon pa ruwi'.

Wuj Richin ri Rutikeribel 1:2 ပူးပေါင်းရင်းမြစ်များ

Wuj Richin ri Jeremías 4:23

Xintzu' k'a ri ruwach'ulew y xintz'et chi maneq chi ruchojmilal y man jun chik k'o chuwech. Xitzu'un k'a chikaj y man jun k'a saqil k'o.

Wuj Richin Bix Chire ri Dios 104:30

Rat naya' k'a pe ri uxla' richin k'aslen, y ek'o ch'aqa' chik yetz'ukutej-q'anej. Keri' kan k'ak'a' naben chire ri ruwech ri ruwach'ulew.

Wuj Richin ri Isaías 45:18

Roma keri' ri Jehová nubij: Ja yin ri xibanon ri kaj y ri ruwach'ulew. Kan xinya' rutz'uyubal, y kan xinben richin ri winaqi' yek'oje' chuwech. Ja yin Jehová, y kan man jun chik achi'el yin.

Wuj Richin Bix Chire ri Dios 33:6

Rik'in ri ruch'abel ri Jehová xbanatej ri kaj. Xeruben k'a konojel ri xmotza' xaxe rik'in ri ruxla'.

Wuj Richin ri Achin Job 26:7

Ri Dios kan xuben k'a y xuripiba' k'a kan ri kaj ri richin ri chiri' pa xaman, ri akuchi man jun k'o, y kan xuk'oloba' k'a kan ri nimalej ruwach'ulew ri pa kaq'iq'.

Wuj Richin ri Achin Job 26:14

Ronojel re' xa kan xaxe ok ti ruchi' ri rubanobal ri Dios; re' kan man jun ok chire ronojel ri nitikir nuben rija'. Kan man jun k'a ri k'o chiqakojol roj winaqi' ri kan niq'ax ta chuwech ronojel ri nitikir nuben rija', roma rija' jun nimalej Dios.

Wuj Richin ri Nahum 2:10

Man jun chik k'o kan chupan; kan xk'is, kan xmalin y kan xok kan tz'iran. Kan janila xibinri'il k'o chiri'; konojel winaqi' yebaybot, y maneq chik kuchuq'a'. Y janila kikajman roma xibinri'il.

2 Corintios 4:6

Pa rutikeribel, ri Dios xubij chi tik'oje' saqil ri pa q'equ'm. Y ja chuqa' rija' ri nisaqirisan ri pa taq qánima, richin chi roj kan tiqasaqirisaj y tiqaq'alajirisaj k'a chikiwech ri winaqi' ri ruq'ij-ruk'ojlen ri Dios, ri kan nitz'etetej-wi rik'in ri Jesucristo.

Deut 32:11

Ri Jehová kan xuben chike achi'el nuben ri kot toq yerutijoj ri taq ral. Xerutijoj toq xerisq'opej kan pa kaq'iq' richin xketamaj yexik'an. Xeruk'ul pa ruwi' ri ruxik' richin xeruto'. Keri' k'a xuben ri Jehová kik'in ri qate-qatata'.

Wuj Richin ri Achin Job 38:9

Re palou re' kan xinya' k'a rutziaq y ri' ja ri sutz', kan xinya' chuqa' ximibel-rupan y ri' ja ri q'equ'm.

Wuj Richin Bix Chire ri Dios 104:6

Toq k'a man jani tach'er ri ruwach'ulew rik'in ri ya', ri nimalej taq palou kan rukuchun k'a ri ruwach'ulew achi'el jun tzieq. Ri ya' ri' kan rutz'apen k'a ruwi' ri nimalej taq juyu'.

Wuj Richin Bix Chire ri Dios 136:6

Xurik' ri ruwach'ulew pa ruwi' ri ya':*f119* Roma ri rujoyowanik rija' kan richin jantape'.

Wuj Richin Bix Chire ri Dios 148:7

Ronojel ri ruwach'ulew tikiya' ruq'ij ri Jehová, Chuqa' konojel ri nima'q taq chikopi' ri ek'o chupan ri palou, y ri ek'o-qa más nej chupan ri ya'.

Wuj Richin Etamabel-Tzij 8:24

Yin kan yisamej chik k'a toq man jani ek'o ta ri siwan chupan ri nimalej taq palou, toq kan k'a man jani ek'o ta ri kalaxbal ri nimalej taq raqen-ya'.

Wuj Richin ri Isaías 31:5

Ri Jehová k'iytisanel richin ronojel kan nibiyaj pa ruwi' ri rutinamit, achi'el nuben jun aj-xik' chikop ri nixik'an pa ruwi' ri rusokaj. Keri' k'a xtuchajij ri Jehová ri Jerusalem. Kan xkeruchajij, xkeruto' y xkerukol ri aj-Jerusalem.

Wuj Richin ri Achin Job 41:32

Y jak'a toq rija' nibe pa ruwi' ri ya', kan nuben kan rubey y nich'ich'an nitzu'un; ri woqoq ri' kan lox-lox k'a nitzu'un, achi'el ri rusumal-wi'aj ri seq chik.