Wuj Richin ri Rutikeribel 1:16 - Kaqchiquel Bible

¹⁶ Y xuben k'a ri q'ij y ri ik' ri yeya'on saqil, ri q'ij richin nisaqirisan paq'ij y ri ik' richin nisaqirisan chaq'a' y jari' toq xeruben chuqa' ri ch'umila'.

Wuj Richin ri Rutikeribel 1:16 ပူးပေါင်းရင်းမြစ်များ

Deut 4:19

Y chuqa' toq yixtzu'un-q'anej chikaj y nitz'et ri q'ij, ri ik', ri ch'umila' y ronojel ri ek'o chikaj, man tipe pan iwánima richin niya' kiq'ij y kan yixok kisamajel. Roma ri Jehová Dios ruya'on ronojel re' kichin konojel ri winaqi' ri ek'o chuwech re ruwach'ulew.

Wuj Richin Bix Chire ri Dios 8:3

Toq nintz'et ri kaj, ri kan ja ri aq'a' rat banayon; ri ik' y ri ch'umila' ri kan ja rat ri xabanon kichin,

Wuj Richin ri Isaías 40:26

Kan kixtzu'un-el chikaj richin nitz'et jebel achike banayon ronojel re'. Ri Jehová kan yerajlaj ri ch'umila', y kan e ruya'on kibi'. Roma ri nimalej ruq'ij y ri nimalej ruchuq'a', rija' kan nuben chi man jun nisach pa kik'ojelibal.

Wuj Richin Bix Chire ri Dios 148:5

Konojel re' tikiya' ruq'ij ri Jehová, roma ja rija' xbanon kichin.

Wuj Richin Bix Chire ri Dios 74:16

Ja rat xabanon ri q'ij y ri aq'a', rat xe'ajikiba' ri ik' y ri q'ij.

Wuj Richin Bix Chire ri Dios 148:3

Ri q'ij y ri ik' kan tikiya' ruq'ij ri Jehová, keri' chuqa' ri ch'umila' ri yech'ich'an-pe chila' chikaj, tikiya' ruq'ij.

Wuj Richin ri Achin Job 38:7

Y rokik yin yinajin chubanik ri samaj ri', ri ch'umila' ri e q'alaj nimaq'a' yebixan k'a, y keri' chuqa' konojel ri ángel ri ek'o wik'in, kan yekikot k'a janila.

1 Corintios 15:41

Ri q'ij kan k'o jun rubanik ri kan jebel ok nitzu'un, ri ik' chuqa', y ri ch'umila' jun wi chik kibanik. Y keri' chikikojol chuqa' ri ch'umila', man junan ta ri jebelej taq kibanik.

San Mateo 27:45

Toq xnik'ajer pe ri jun q'ij ri', jari' xq'equmer chijun ruwach'ulew. Y ri q'equ'm ri' xk'is k'a el k'a toq xnik'ajer-el ri tiqaq'ij.

Wuj Richin ri Habacuc 3:11

Ri q'ij y ri ik' kan jun k'a xek'oje-wi, y kan man xetikir ta k'a xesilon-el roma ri asaqil rat. Kan man xesaqirisan ta roma nirepelun ri akum.

Wuj Richin ri Isaías 45:7

Ja yin yiya'on ri saqil, y yiya'on ri q'equ'm. Yin yibanon chike ri winaqi' chi yebe pa jotol, y ja yin yibanon chike chi yebe pa xulan. Ja yin Jehová ri yibanon ronojel re'.

Wuj Richin ri Isaías 13:10

Chupan ri q'ij ri', ri q'ij kan maneq ruchuq'a' toq k'ari' nel-pe. Ri ik' man xtisaqirisan ta chik. Y ri ch'umila' kan man xkeyik'lun ta chik.

Wuj Richin Bix Chire ri Dios 19:6

Nel-pe ri juk'an ruchi' ri kaj, y nibeqaqa ri juk'an chik ruchi', ¡Kan man jun k'a ri nitikir ta nrewaj-ri' chuwech ri ruk'atanal.

Apocalipsis 21:23

Ri tinamit ri' man nik'atzin ta ri rusaqil ri q'ij y ri ik' chire, roma ri nisaqirisan richin ja ri rusaqil ri Dios, y ri Karne'l chuqa' nisaqirisan achi'el jun lámpara.

Wuj Richin ri Isaías 24:23

Ri q'ij y ri ik' man xkesaqirisan ta chik, achi'el xa ta tz'apel ri kipalej roma k'ixbilal. Jak'a ri Jehová k'iytisanel richin ronojel xtik'oje' pa juyu' Sión, y ri chiri' pa Jerusalem xtiq'aton-wi-tzij. Y kan xtiq'alajin ri ruq'ij-ruk'ojlen chikiwech ri aj-raqen ri ek'o chiri'.

Wuj Richin ri Achin Job 31:26

Re' xa kan juba' man junan rik'in toq kan nintzu' ri nisaqirisan ri q'ij, y toq niq'alajin chuqa' ri ik' rik'in ri rusaqil y kan jebel ok nitzu'un,

San Mateo 24:29

Kan e q'axineq chik k'a ronojel ri tijoj-poqonal ri q'ij ri', kan xtibanatej-wi k'a chi ri q'ij xtiq'equmatej, y ri ik' chuqa' man xtisaqirisan ta chik. Ri ch'umila' xketzaq k'a el ri akuchi ek'o-wi. Kan ronojel k'a ri nimalej taq uchuq'a' ri e richin ri chikaj xkesilon roma ri ruchuq'a' ri Dios.

Wuj Richin ri Rutikeribel 1:15

Jari' ri xkesaqirisan-pe ri chikaj richin nikiya' saqil chuwech ri ruwach'ulew, xcha' ri Dios. Y kan keri' k'a xbanatej.

Wuj Richin ri Jeremías 31:35

Kan qitzij na wi chi ja yin xiya'on ri q'ij richin chi nisaqirisan ri paq'ij. Chuqa' ja yin ri xibanon ri ik' y ri ch'umil richin chi yesaqirisan chi'aq'a'. Ri nubi' ja ri Jehová ri k'o ronojel uchuq'a' pa ruq'a'. Y chuqa' ja yin ri xibanon chire ri palou richin nisilon ruwi' y nibolqo't.