Wuj Richin ri Rutikeribel 1:14 - Kaqchiquel Bible

¹⁴ Y ri Dios xubij k'a: Kek'oje' ri yesaqirisan ri kaj richin ri rukojolil ri paq'ij y ri chaq'a'; y xtik'atzin richin retal ri ik', ri q'ij, y ri juna'.

Wuj Richin ri Rutikeribel 1:14 ပူးပေါင်းရင်းမြစ်များ

Deut 4:19

Y chuqa' toq yixtzu'un-q'anej chikaj y nitz'et ri q'ij, ri ik', ri ch'umila' y ronojel ri ek'o chikaj, man tipe pan iwánima richin niya' kiq'ij y kan yixok kisamajel. Roma ri Jehová Dios ruya'on ronojel re' kichin konojel ri winaqi' ri ek'o chuwech re ruwach'ulew.

Wuj Richin ri Jeremías 31:35

Kan qitzij na wi chi ja yin xiya'on ri q'ij richin chi nisaqirisan ri paq'ij. Chuqa' ja yin ri xibanon ri ik' y ri ch'umil richin chi yesaqirisan chi'aq'a'. Ri nubi' ja ri Jehová ri k'o ronojel uchuq'a' pa ruq'a'. Y chuqa' ja yin ri xibanon chire ri palou richin nisilon ruwi' y nibolqo't.

Wuj Richin Bix Chire ri Dios 148:3

Ri q'ij y ri ik' kan tikiya' ruq'ij ri Jehová, keri' chuqa' ri ch'umila' ri yech'ich'an-pe chila' chikaj, tikiya' ruq'ij.

Wuj Richin Bix Chire ri Dios 148:6

Kan xeruya' pa kik'ojelibal richin q'asen. Xuya' kan ruchojmilal pa kiwi', ri kan man jun xtiyojo.

Am 5:8

Kinikanoj yin ri xibanon kichin ri ch'umila' ri ek'o chuwech ri kaj. Ja yin ri xibanon kichin ri ch'umila' ri nibix Pléyades y Orión chike. Yin ri yijalo ri aq'a' rik'in nimaq'a', y ri paq'ij rik'in ri q'equ'm. Yin ri yimolo-ruchi' ri ya' richin ri palou, richin ninya'aj ri ruwach'ulew chire.

Joel 3:15

Ri q'ij y ri ik' xkeq'equmatej, y ri ch'umila' kan man xkeyik'lun ta chik.

Wuj Richin ri Jeremías 10:2

kere' nubij: Man titzeqelibej kibey ri ch'aqa' chik tzobaj winaqi'. Chuqa' man tixibij-iwi' chuwech ri retal ri yepe chila' chikaj, achi'el nikiben rije'.

Wuj Richin Bix Chire ri Dios 81:3

Toq nalex ri ik', kan tixupux k'a ri trompeta, richin nitikeribex ri nimaq'ij, keri' chuqa' tiban toq ri ik' seton-seton rubanon.

Wuj Richin ri Rutikeribel 8:22

Rokik nik'oje' re ruwach'ulew xtik'oje' tiko'n y kan xtiwachin. Y man jun bey k'a xtik'is ri tew, ni ri k'aten, ri job y ri saq'ij, ni ta ri paq'ij y ni ta ri aq'a', xcha' ri Dios.

Wuj Richin ri Isaías 40:26

Kan kixtzu'un-el chikaj richin nitz'et jebel achike banayon ronojel re'. Ri Jehová kan yerajlaj ri ch'umila', y kan e ruya'on kibi'. Roma ri nimalej ruq'ij y ri nimalej ruchuq'a', rija' kan nuben chi man jun nisach pa kik'ojelibal.

San Mateo 24:29

Kan e q'axineq chik k'a ronojel ri tijoj-poqonal ri q'ij ri', kan xtibanatej-wi k'a chi ri q'ij xtiq'equmatej, y ri ik' chuqa' man xtisaqirisan ta chik. Ri ch'umila' xketzaq k'a el ri akuchi ek'o-wi. Kan ronojel k'a ri nimalej taq uchuq'a' ri e richin ri chikaj xkesilon roma ri ruchuq'a' ri Dios.

Am 8:9

Ri Jehová ri k'o pa ruwi' ronojel kere' nubij: Chupan ri q'ij ri' xtinben chi niq'equmer ri q'ij chupan ri nik'aj-q'ij; Toq nik'aton ri q'ij, jari' toq xtinben chi niq'equmatej chijun ri ruwach'ulew.

Joel 2:10

Chikiwech rije' nibaybot ri ruwach'ulew; chuqa' nik'ark'ot ri kaj. Ri q'ij y ri ik' yeq'equmatej, y ri ch'umila' man yeyik'lun ta chik.

Wuj Richin ri Jeremías 33:20

Yin man yitikir ta ninyoj ri jikibel-tzij nubanon rik'in ri paq'ij y ri chaq'a', richin chi man ta niseqer-pe y man ta nokoq'a-qa.

Apocalipsis 6:12

Y xintz'et chik k'a chi ri Karne'l xrelesaj ri ruwaq sello richin ri boton wuj y kan jari' xuben jun nimalej silonel. Y ri q'ij man xsaqirisan ta chik y q'eq-q'eq xuben achi'el jun tzieq q'eq'. Ri ik' keq-keq xuben achi'el kik'

San Mateo 2:2

Rije' xkik'utula' k'a y xkibij: ¿Akuchi k'o-wi ri ak'ual ri xalex, ri kan jari' xtok i-rey rix judío? Roma roj kan k'a ja ri kela' pa relebel-q'ij qatz'eton-pe ri ch'umil ri niya'on rutzijol, y roma ri' xojpe chuya'ik ruq'ij, xecha'.

Ez 46:1

Yin Jehová ninbij: Ri okibel ri k'o pa relebel-q'ij chire ri ruwa-jay ri k'o chunaqaj ri wachoch, xtitz'ape' ronojel q'ij, jak'a xtijaqe' chupan ri q'ij richin uxlanen. Y chuqa' xtijaq toq ninimaq'ijux ri q'ij richin ri k'ak'a' ik'.

Wuj Richin ri Jeremías 33:25

Yin Jehová ninbij: Wi yin man ta nubanon jun jikibel-tzij rik'in ri paq'ij y ri chaq'a' y wi man ta nuya'on ri pixa' pa ruwi' ri kaj y ri ruwach'ulew,

Wuj Richin ri Achin Job 25:5

Roma chuwech ri Dios jajun ri rusaqil ri ik', xa chaj-chaj nitzu'un, y ri kisaqil ri ch'umila', xa yemoymot chuwech rija';

Wuj Richin ri Rutikeribel 9:13

Ri kotoq'a' ri xinya' pa sutz' jari' ri retal ri jikibel-tzij chiqakojol roj, yin y ri ruwach'ulew.

Apocalipsis 8:12

Y ri rukaj ángel xuxupuj ri trompeta, y xuq'equmarisaj ri jun chire ri oxi' chire ri q'ij, ri ik' y ri ch'umila'. Keri' ri jun chire ri oxi' ri paq'ij man xseqer ta y ri chaq'a' man xesaqirisan ta ri ik' y ri ch'umila' ri jun chire ri oxi'.

San Lucas 23:45

Ri q'ij kan man xsaqirisan ta chik, y jari' xel k'a pa ka'i' ri tzieq ri achoq ik'in ch'aron-wi rupan ri rachoch ri Dios.

Marcos 13:24

Toq e q'axineq chik k'a ronojel ri tijoj-poqonal ri', kan xtibanatej-wi k'a chi ri q'ij xtiq'equmatej, y ri ik' chuqa' man xtisaqirisan ta chik.

Ez 46:6

Ri q'ij toq ninimaq'ijux toq nalex ri k'ak'a' ik' ri', ri q'atoy-tzij k'o chi nuk'en-pe jun nima-alaj achij wákix, waqi' alaji' karne'l y jun achij karne'l ri kan tz'aqet.

Wuj Richin Bix Chire ri Dios 119:91

Xaxe rik'in ri ach'abel xebanatej ronojel ri ek'o wakami, ronojel re' yatkisamajij.

Wuj Richin ri Achin Job 25:3

Ri aj-labal ri ek'o rik'in rija' kan man e ajlatel ta, y ri saqil ri nuya-pe rija', kan pa kiwi' k'a konojel niqaqa-wi.

Wuj Richin ri Achin Job 3:9

Xa man ta xebeyik'ulun-pe ri ch'umila' ri nimaq'a' ri'; xa man ta xbek'ulun-pe ri saqil ri oyoben, y xa man ta xtzu'un-pe ri q'ij.

Apocalipsis 9:2

Y toq xujeq ri siwan xel-pe janila sib, achi'el xa ta jun nimalej horno, keri' ri sib ri' xuq'equmarisaj ruwech ri q'ij y ri ruwach'ulew.

Wuj Richin ri Rutikeribel 1:13

Y kere' k'a xtz'aqet ri chaq'a' y ri paq'ij richin ri rox q'ij.

Wuj Richin ri Rutikeribel 1:15

Jari' ri xkesaqirisan-pe ri chikaj richin nikiya' saqil chuwech ri ruwach'ulew, xcha' ri Dios. Y kan keri' k'a xbanatej.

Wuj Richin Bix Chire ri Dios 150:1

Tinimirisex ruq'ij ri Dios. Tinimirisex ruq'ij rija' chupan ri rachoch. Tinimirisex ruq'ij ri chila' chikaj.