Wuj Richin ri Rutikeribel 1:12 - Kaqchiquel Bible

¹² Y ri ruwach'ulew kan xuya' k'a ronojel ruwech tiko'n, rex taq q'ayis ri nikiya' ija'tz achi'el ri kibanik, y che' ri k'o kiwech y rik'in ija'tz, y ri Dios kan yalan utz xutz'et ri xuben.

Wuj Richin ri Rutikeribel 1:12 ပူးပေါင်းရင်းမြစ်များ

Marcos 4:28

Ri tikonel kan man jun k'a nuben richin chi ri tiko'n nik'iy-pe, roma ri tiko'n xa ruyon nik'iy-pe. Jak'a nabey ri ti ral ri trigo nibek'iy-pe. Y toq nim chik, nibek'ulun-pe ri ruwi'. Y pa ruk'isibel, ninoj k'a pe ri ruwi' rik'in ri rupan.

San Lucas 6:44

Ri che' netamex ruwech xaxe rik'in ri ruwech ri nuya'. Roma ri q'ayis janila kik'ixal man xtuya' ta wíkix o ri ruxulu-kiej man xtuya' ta uva.

Gálatas 6:7

Man k'a tiq'ol-iwi', roma chuwech ri Dios man jun ewatel. Kan achi'el k'a ri tiko'n ri niben-qa, kan jari' chuqa' ri niberuya-pe chiwe.

2 Corintios 9:10

Ri Dios ri kan nuya' ri ija'tz chire ri tikonel y nuya' ri qaway, xtuben chi kan xtuya' y xtik'iyer chiwech ri xtitik-qa. Y keri' chuqa' rik'in ronojel ri utzilej taq ibanobal, ri Dios xtuben chi xtiq'alajin más ri ruchojmilal ri niben.

Wuj Richin ri Isaías 61:11

Ri Jehová xtuben chi kan xtibek'ulun-pe ri ruchojmilal, y kan xtinimirisex k'a ruq'ij rija' chikiwech konojel ri tzobaj winaqi', achi'el ri ulew toq nel-pe q'ayis chuwech, y ri qejoj ri kan yebebos-pe ri ija'tz ri e tikon-qa chupan.

Hebreos 6:7

Kan achi'el k'a jun ulew ri k'iy job qajineq pa ruwi' y nel-pe jun utzilej tiko'n chuwech, ri tikonel kan yalan nikikot ri ránima rik'in, y ri ulew ri' nuk'ul urtisanik roma ri Dios.

Wuj Richin ri Rutikeribel 1:11

Chirij re' xubij chuqa': Ri ruwach'ulew tiwachin rik'in ronojel ruwech tiko'n, q'ayis ri nuya' ija'tz, che' ri nuya' ruwech achi'el ri rubanikil, xcha' ri Dios. Y kan keri' k'a xbanatej.

Wuj Richin ri Rutikeribel 1:13

Y kere' k'a xtz'aqet ri chaq'a' y ri paq'ij richin ri rox q'ij.

Wuj Richin Bix Chire ri Dios 104:14

Rat kan naben k'a chi nik'iy-pe ri q'os richin kiway ri chikopi'; ri tiko'n kan naben k'a chire chi niwachin richin chi nel-pe ruway ri wineq;