Wuj Richin ri Rutikeribel 1:1 - Kaqchiquel Bible

¹ Ri pa rutikeribel, ri Dios xuben ri kaj y ri ruwach'ulew.

Wuj Richin ri Rutikeribel 1:1 ပူးပေါင်းရင်းမြစ်များ

Hebreos 11:3

Y roj chuqa' roma ri kuqubabel-k'u'x, niq'ax chiqawech chi kan ja wi ri Dios ri xbanon ronojel ri k'o, xaxe rik'in ri ruch'abel. Keri' ronojel ri niqatz'et wakami xban rik'in ri xa man tz'etel ta.

Wuj Richin ri Isaías 45:18

Roma keri' ri Jehová nubij: Ja yin ri xibanon ri kaj y ri ruwach'ulew. Kan xinya' rutz'uyubal, y kan xinben richin ri winaqi' yek'oje' chuwech. Ja yin Jehová, y kan man jun chik achi'el yin.

Apocalipsis 4:11

Qajaw Dios, kan ruk'amon k'a chi nak'ul aq'ij-ak'ojlen y ronojel uchuq'a'. Kan ja rat k'a xabanon ronojel ri k'o y xe'ak'iytisaj, roma kan jari' ri arayibel, yecha'.

Hebreos 1:10

Y chuqa' nubij:*f4* Rat ajaw kan xajikiba' ri ruwach'ulew pa rutikeribel. chijun ri kaj kan ja rat ri xabanon rik'in ri aq'a'.

Wuj Richin ri Isaías 42:5

Kere' nubij ri Jehová chire ri ya'ol rutzijol: Yin xibanon ri kaj, y kan xinrik'. Chuqa' xinben ri ruwach'ulew y ronojel ri yewachin chuwech, y kan nuya'on kik'aslen konojel ri ek'o chuwech.

Ex 20:11

Roma yin Jehová, pa waqi' q'ij xinben ri kaj, ri ruwach'ulew, ri palou y ronojel ri ek'o chupan, jak'a chupan ri ruwuq q'ij, yin kan xinuxlan chire ri samaj ri'. Roma ri' ri ruwuq q'ij kan xinch'er richin uxlanen.

Wuj Richin ri Achin Job 38:4

¿Akuchi atk'o-wi rat, toq yin xinben re ruwach'ulew? wi rat k'iy awetaman, kan taq'alajirisaj k'a chinuwech.

Hechos 17:24

Ja Dios ri' ri banayon re ruwach'ulew y ri janipe' ri k'o chuwech. Rija' kan rajaw ronojel, roma ri' man jun wineq nitikir nuben ta jun jay richin nik'oje' ta chupan.

2 Pedro 3:5

Rije' kan xtikiben k'a achi'el xa man ketaman ta ri xuben ri Dios ojer kan. Pa nabey ri Dios kan xubij-wi chi tik'oje' ri kaj. Rik'in ri ruch'abel xucher ri ruwach'ulew chire ri ojer taq ya' y keri' xrelesaj-pe ri ruwach'ulew chupan ri ya'.

Wuj Richin ri Nehemías 9:6

Xaxe rat Jehová ri atk'o pa qawi', y man jun chik achi'el rat. Ja rat ri xabanon ri kaj ri tz'etel y ri man tz'etel ta, y xe'aben ri ch'umila', ri ruwach'ulew y ronojel ri ek'o chuwech. Keri' chuqa' xe'aben ri palou y ronojel ri ek'o chupan. Ja rat ri yaya'on ri k'aslen chike konojel ri ek'o, y roma ri' konojel ri ek'o chikaj nikiya' aq'ij.

Wuj Richin ri Isaías 44:24

Kere' k'a nubij ri Jehová chike ri israelita: Ja yin ri in ikolonel, ri xibanon iwichin. Yin Jehová ri xibanon ronojel. Ja yin ri xibanon ri kaj y ri ruwach'ulew, y kan man jun xto'on wichin.

Wuj Richin ri Jeremías 32:17

¡Wajaw Jehová!, rik'in ri nimalej awuchuq'a' xaben ri kaj y ri ruwach'ulew y kan man jun k'ayew chawech rat.

Wuj Richin ri Jeremías 51:15

Rat Jehová, rik'in ri nimalej awuchuq'a' xaben ri ruwach'ulew y rik'in ri ana'oj xajikiba' kan y rik'in ri anojibal xajikiba' ri kaj.

Wuj Richin Bix Chire ri Dios 33:9

Roma kan xaxe k'a toq xubij rija' jari' toq xbanatej. Achi'el xubij rija' keri' xk'oje' kan ronojel.

Wuj Richin Etamabel-Tzij 3:19

Kan ja wi ri na'oj ri xukusaj ri Jehová richin xuch'okoba' re ruwach'ulew, y ja ri etamabel ri xukusaj richin xunuk' jebel ri kaj.

Apocalipsis 14:7

Y rik'in ronojel ruchuq'a' nubij: Tik'oje' rukiy ri Dios chiwech y tiya' ruq'ij ruk'ojlen, roma ri q'ij richin chi nuq'et-tzij xa xoqaqa. Tiya' ruq'ij ri Dios ri xbanon ri kaj y ri ruwach'ulew, ri palou y ri ralaxibel taq ya', nicha'.

Wuj Richin Bix Chire ri Dios 115:15

Kan utz ruwa-iq'ij rix ri ix richin ri Jehová, ri Jehová ri xbanon ri kaj y ri ruwach'ulew.

Hechos 14:15

¿Achike roma toq rix niben kere'? Roj oj winaqi' achi'el rix, y oj peteneq iwik'in richin noqabij chiwe chi timestaj kan re na'oj ke taq re', ri xa man jun utz nuk'en-pe chiwe, y tinimaj k'a ri k'aslik Dios ri banayon ri kaj y ri ek'o chupan, ri banayon re ruwach'ulew y ri ek'o chuwech, ri banayon ri palou y ri ek'o chupan.

Wuj Richin Bix Chire ri Dios 136:5

Kan rik'in na'oj xuben ri kaj: Roma ri rujoyowanik rija' kan richin jantape'.

Wuj Richin ri Jeremías 10:12

Rat Jehová rik'in ri nimalej awuchuq'a' y ri ana'oj xaben ri ruwach'ulew y rik'in nojibel xajikiba' ri kaj.

1 Corintios 8:6

Jak'a roj qetaman chi xaxe jun Dios k'o, y ri' ja ri Tata'ixel. Rik'in k'a rija' peteneq-wi ronojel, y nrajo' chi roj niqaya' ruq'ij. Chuqa' qetaman chi xaxe jun ajaw k'o; y ri' ja ri Jesucristo. Xaxe roma rija' oj k'es, y k'o ronojel.

Wuj Richin Bix Chire ri Dios 8:3

Toq nintz'et ri kaj, ri kan ja ri aq'a' rat banayon; ri ik' y ri ch'umila' ri kan ja rat ri xabanon kichin,

Wuj Richin Bix Chire ri Dios 102:25

Rat kan xajikiba' k'a ri ruwach'ulew pa rutikeribel. Chijun ri kaj kan ja rat ri xabanon richin.

Hebreos 3:4

Ronojel jay, wineq ri nibanon, jak'a ri nima'q taq banobel ri yeqatz'et, ja ri Dios ri banayon.

Wuj Richin Bix Chire ri Dios 124:8

Ri qato'onik roj kan rik'in k'a ri Jehová peteneq-wi, ri xbanon chijun ri kaj y ri ruwach'ulew.

Hebreos 1:2

Jak'a chupan re q'ij ojk'o-wi roj, ri ruk'isibel q'ij richin re ruwach'ulew, ri Dios kan ja ri Ruk'ajol ri xukusaj richin xuq'alajirisaj ri ruch'abel chiqawech y pa ruq'a' rija' xuya-wi ronojel. Y roma rija' xuben re ruwach'ulew y ronojel ri k'o.

Wuj Richin Etamabel-Tzij 16:4

Ronojel k'a ri e ruk'iytisan ri Jehová, kan k'o k'a achike roma e rubanon kan; kan jajun ri wineq itzel, ruya'on q'ij chi k'o, richin ri q'ij ri richin ri ruk'ayewal.

Wuj Richin Bix Chire ri Dios 33:6

Rik'in ri ruch'abel ri Jehová xbanatej ri kaj. Xeruben k'a konojel ri xmotza' xaxe rik'in ri ruxla'.

Wuj Richin Bix Chire ri Dios 121:2

Ri to'onik wichin yin kan rik'in k'a ri Jehová nipe-wi. Ja rija' xbanon ri kaj y ri ruwach'ulew.

Wuj Richin ri Zacarías 12:1

Ri Dios xuya' chik jun rutzijol chuwe, y jare' ri xubij: Yin Jehová ri xibanon ri kaj y ri ruwach'ulew. Ja yin ri yiya'on ruk'aslen ri wineq.

Wuj Richin ri Isaías 40:28

¿Chij man iwetaman ta k'a rix achike xtz'ukun ri ruwach'ulew? ¿Man iwak'axan ta kami rix? Ri Jehová Dios jari' ri richin q'asen. Ja rija' ri xbanon chijun ri ruwach'ulew. Rija' kan man nikos ta, y ri runojibal kan man jun achoq chuwech niq'ax-wi.

Wuj Richin Bix Chire ri Dios 104:24

Nimalej Jehová, ri asamaj rat kan man ajlatel ta k'a. Chikijujunal xe'aben k'a rik'in na'oj. Kan chijun ruwach'ulew nojineq rik'in ronojel ri xaben.

Wuj Richin Bix Chire ri Dios 96:5

Roma ri ki-dios ri ch'aqa' chik tinamit xa e wachibel. Jak'a ri Jehová kan ja rija' xbanon ri kaj.

Apocalipsis 10:6

y xuya' rutzij pa rubi' ri Dios ri kan k'es ri tibe-q'ij tibe-seq, ri xbanon ri kaj y ronojel ri ek'o chuwech, ri xbanon ri ruwach'ulew y ri ek'o chuwech, ri xbanon ri palou y ri ek'o chupan; chi ri q'ij jari' xtz'aqet yan.

Romanos 11:36

Roma ja rija' ri xbanon ronojel. Kan rik'in wi k'a rija' e peteneq-wi, y ronojel re xeruben, richin chi nikiya' ruq'ij-ruk'ojlen. Kan tinimirisex k'a ruq'ij ri Dios richin jantape'. Keri' ta k'a.

Hechos 4:24

Toq ri kachibil xkak'axaj ri xkitzijoj, junan k'a xech'on rik'in ri Dios konojel y xkibij k'a:*f13* Roma rat, ajaw Dios, xabanon ri kaj y ri ruwach'ulew, ri palou y ronojel ri ek'o chupan.

Wuj Richin Bix Chire ri Dios 90:2

Kan ja toq k'a man jani kebek'ulun-pe ri nima'q taq juyu', toq k'a man jani taben ri ruwach'ulew y ronojel ri k'o chuwech, kan jampe' ri q'ij peteneq, tibe-q'ij tibe-seq, kan xaxe wi rat ri at Dios.

Wuj Richin ri Isaías 51:16

Yin ri kan xinrik' ri kaj, y xinben ri ruwach'ulew, y xixincha' rix aj-Sión. Roma ri' ja rix ix nuwinaq. Yin kan xinya' ri nuch'abel pan ichi', y kan yixinto' rik'in ronojel, achi'el xa ta nuya'on ri nuq'a' pan iwi' richin imujal.

Wuj Richin ri Isaías 37:16

Jehová k'iytisanel richin ronojel, ri at qa-Dios roj israelita. Rat atk'o pan atz'uyubal richin q'atoj-tzij chikikojol ri querubín. Xaxe k'a rat ri at Dios kichin konojel q'atoy taq tzij richin ri ruwach'ulew. Rat xabanon ri kaj y ri ruwach'ulew.

Wuj Richin Bix Chire ri Dios 146:6

Roma ja rija' xbanon ri kaj y ri ruwach'ulew, xuben chuqa' ri palou y ronojel ri ek'o chupan; ri kan jantape' nuben ri nubij.

Wuj Richin Bix Chire ri Dios 134:3

Tik'utuj chire ri Jehová, ri xbanon ri kaj y ri ruwach'ulew, chi xkixrurtisaj k'a pe chupan ri juyu' Sión.

Apocalipsis 22:13

Ja yin k'a xitikeriban-pe ronojel y kan ja yin chuqa' ri xkik'ison pa ruwi'.

1 Juan 1:1

Wach'alal, k'o k'a ka'i' oxi' ch'abel ri niqajo' niqatzijoj chiwe pa ruwi' ri ch'abel ri jari' ri k'aslen. Re' kan k'o-pe toq man jani k'o ta re ruwach'ulew. Jak'a roj kan xqak'axaj, xqatz'et rik'in ri runaq' taq qawech y kan xqachop rik'in ri qaq'a'.

Marcos 13:19

Chupan ri ruq'ijul ri' kan xtik'o k'a ruwi' ri tijoj-poqonal ri xtipe; jun tijoj-poqonal ri man jun bey k'uluwachitajineq ta pa ruwi' re ruwach'ulew jampe' ri banon kan roma ri Dios, k'a re wakami chupan re qaq'ijul roj. Y chuqa' man jun bey chik xtik'uluwachitej.

Wuj Richin ri Isaías 40:26

Kan kixtzu'un-el chikaj richin nitz'et jebel achike banayon ronojel re'. Ri Jehová kan yerajlaj ri ch'umila', y kan e ruya'on kibi'. Roma ri nimalej ruq'ij y ri nimalej ruchuq'a', rija' kan nuben chi man jun nisach pa kik'ojelibal.

Wuj Richin Bix Chire ri Dios 104:30

Rat naya' k'a pe ri uxla' richin k'aslen, y ek'o ch'aqa' chik yetz'ukutej-q'anej. Keri' kan k'ak'a' naben chire ri ruwech ri ruwach'ulew.

1 Crón 16:26

Roma ri ki-dios ri ch'aqa' chik ruwach'ulew, xa e wachibel y man jun kejqalen: Jak'a ri Jehová kan ja rija' xbanon ri kaj.

Apocalipsis 21:6

Ronojel xk'achoj yan. Ja yin ri xitikeriban-pe y ja yin ri xik'ison pa ruwi'. Y ri nichaqi'j ruchi', yin xtinsipaj ruya' ri elesan-pe pa jun alaxibel-ya' richin k'aslen.

Efesios 3:9

Kan xiruya' k'a chupan ri rusamaj richin ninq'alajirisaj chiwech rix ri ruch'obon-pe ri Dios chi nuben. Toq ri Dios man jani tuben re ruwach'ulew y ronojel ri ek'o, kan ja yan ri' toq xuch'ob ri achike nuben. Janila k'a k'iy q'ij ewatel-pe rik'in rija', jak'a xa k'a juba' tuq'alajirisaj.

Wuj Richin ri Isaías 51:13

Rix xa kan xinimestaj yin Jehová ri xibanon iwichin. Ja yin ri xirik'o ruwech ri kaj, y xinben ri ruxe' ri ruwach'ulew. ¿Achike k'a roma ronojel mul nixibij iwi' chikiwech ri yetz'ilo iwichin? ¿Y akuchi ek'o-wi rije' wakami?

Wuj Richin ri Isaías 65:17

Titz'eta' k'a; yin kan xtinben jun chik k'ak'a' kaj, y jun chik k'ak'a' ruwach'ulew. Ronojel ri q'axo'n xa xkemestex, y kan man xtinatex ta chik.

Apocalipsis 3:14

Y xubij chik k'a chuwe chi tintz'ibaj el chire ri ángel kichin ri molaj nimanela' ri chiri' pa Laodicea, y tinbij-el; chi ri kan qitzij, ri qitzij rutz'eton ronojel ri nubij, ri kan k'o pe nabey chuwech ri rutikeribel ronojel ri k'o, kere' nubij:

Wuj Richin ri Achin Job 26:13

Rik'in ri ruxla' xuxupuj ruwech ri kaj y kan xuben k'a chire chi jebel ok xtzu'un kan, rija' kan rik'in ri ruq'a' xukamisaj ri kumetz ri man nuya' ta ri' richin nichap roma nubak'ak'ela-ri'.

Wuj Richin ri Molojri'il 12:1

Kan tik'oje' chi'ak'u'x chupan chijun ri ak'aslen y man tamestaj ri k'iytisanel awichin. Rokik k'a at k'ajol na y man jani katapon chupan ri ajuna' toq xtabij: Ronojel ri k'o xa man jun chik kikoten nuk'en-pe chuwe.

San Mateo 11:25

Chupan k'a ri q'ij ri' ri Jesús xch'on-q'anej rik'in ri tata'ixel y xubij: Ninya' aq'ij nata', rat ri rajaw ri kaj y re ruwach'ulew, roma man xaq'alajirisaj ta ri utzilej ach'abel chikiwech ri winaqi' ri e aj-na'oj y ri etamanela'. Y xa chikiwech ri winaqi' ri maneq más ketamabal ri xaq'alajirisaj-wi re utzilej ach'abel re'.

Ex 31:18

Toq ri Jehová xtane' chi ch'owen rik'in ri Moisés chiri' pa ruwi' ri juyu' Sinaí, xujech-pe ri ka'i' tz'alem taq abej chire, ri akuchi nuq'alajirisaj-wi ri rurayibel rija'. Re tz'alem taq abej re' kan ja ri Dios ri xtz'iban-pe kiwech.

Wuj Richin ri Achin Job 9:8

Xaxe ruyon rija' xtikir xbanon chi xrik'itej ri kaj. Xaxe chuqa' rija' ri nitikir nibanon chi nisile-qa ri nibolqo't ri ruwi' ri ya'.

Wuj Richin ri Isaías 40:21

¿Man iwetaman ta k'a achike xtz'ukun ri ruwach'ulew? ¿Man iwak'axan ta kami rix? ¿Man tzijon ta chiwe ri rutikeribel? ¿Kan man q'axineq ta k'a chiwech achike xtz'ukun-q'anej?

2 Rey 19:15

K'ari' xch'on rik'in ri Jehová y xubij: Jehová Dios richin Israel, ri atk'o chikikojol ri querubín; ja rat xabanon ri kaj y ri ruwach'ulew, y ja rat ri yaq'aton-tzij pa ruwi' chijun ruwach'ulew.

2 Crón 2:11

K'ari' ri Hiram rey richin Tiro xuteq-pe jun wuj rik'in ri Salomón, y kere' nubij: Ri Jehová janila nrajo' ri rutinamit, y roma ri' ja rat xarukusaj kan rey pa ruwi' ri ruwach'ulew Israel.

Wuj Richin Bix Chire ri Dios 8:4

jari' toq ninch'ob-qa, ¿Achike ta k'a ok ri wineq richin chi naquqa-pe rij y richin chi nachajij?