Gálatas 6:9 - Kaqchiquel Bible

⁹ Roma ri' man k'a qojkos chubanik ri utz, y man niqaya' kan rubanik. Wi keri' xtiqaben-apo, kan xtiqak'ul rajel-ruk'exel toq xtapon ri q'ij.

နောက်ထပ်ဗားရှင်းများ

Kaqchikel Santo Domingo (Xenacoj)

⁹ Roma kꞌa riꞌ, ma qojkos chin ndiqabꞌen ri utz, porque nduqaqa jun qꞌij atoq ndiyoꞌox rajel-rukꞌexel chaqe, si ma ndiqamalij ta kan chi ndiqabꞌen ri utz.

Kaqchikel Santa Maria de Jesus

⁹ Y man kojcuos nakaꞌan ri otz. Ruma xa man nkojtanieꞌ ta chi nakaꞌan ri otz, xtalka ri kꞌij antok xtiyoꞌx rucꞌaxiel chika.

Kaqchikel Central Guatemala

⁹ Y man c'a kojcos chubanic ri utz. Roma vi man nikaya' ta can rubanic, xtapon c'a ri k'ij tok xtikac'ul rajel-ruq'uexel romare'.

Re C'ac'a Testamento pa Kach'abal

⁹ Y man c'a kojcos chubanic re otz, roma xtapon re k'ij tak xtakac'ul rajal-ruq'uixel, vo xa man xtakaya-ta can rubanic re otz.

Kaqchikel Western Solola

⁹ Rumac'ari' ma kojcos ta chi nikaben utzil. Ruma wi ma xkojtane' ta c'a chi nikaben utzil, xtapon c'a ri k'ij tek xtikac'ul rajel ruq'uexel.

Gálatas 6:9 ပူးပေါင်းရင်းမြစ်များ

Wuj Richin ri Rutikeribel 29:7

Y ri Jacob xubij chike: K'a janila ruloman richin ye'ikusaj yan kan la awej pa qejoj. ¿Achike roma man niya' ta chik juba' kiya', y ye'ik'uaj chik el juba' richin ye'iyuq'uj?, xcha' chike.

Wuj Richin Bix Chire ri Dios 104:27

Konojel rije' koyoben richin naya' kiway toq k'atzinel.

Wuj Richin Bix Chire ri Dios 126:5

Ri wineq nuben-qa ri rutiko'n rik'in oq'ej, jak'a rik'in kikoten xtuk'ol ri ruwech.

Wuj Richin Bix Chire ri Dios 145:15

Jehová, konojel kan at kitzuliben richin ye'atzuq, roma rat kan naya' k'a ri kiway pa ruq'ijul.

Wuj Richin Etamabel-Tzij 11:18

Ri wineq nibanon etzelal, ri ch'akonik ri nril xa man qitzij ta; jak'a ri kan nutik ri chojmilal, ri ch'akonik ri nril kan qitzij wi.

Wuj Richin ri Molojri'il 11:1

Kan utz k'a ana'oj tabana' kik'in konojel, roma kan xtapon k'a jun q'ij kan k'o rajel ruk'exel xtak'ul.

Wuj Richin ri Jeremías 45:3

Rat xabij: Toq'ex k'a nuwech yin, roma ri Jehová kan ruya'on bis y q'axo'n chuwe. Xikos yan richin yinoq' y man ninwil ta uxlanen, xacha'.

Wuj Richin ri Chojmirisabelri'il 26:4

yin xtinteq k'a pe job pa ruq'ijul, y ri itiko'n y ri che' kan janila xkewachin.

Wuj Richin ri Sofonías 3:16

Toq xtapon k'a ri q'ij ri' xtubij chiqe roj aj-Jerusalem chi man tiqaxibij-qi', y man qojmayamo-qa.

Wuj Richin ri Malaquías 1:13

Chuqa' kan xik'o yan ik'u'x y kan niben ipalej chinuwech. Y pa ruwi' ri', xa iweleq'an-pe, xa jetz', o xa chikop yawa' ri nik'en-pe richin nisuj chuwe. Jak'a yin kan man nink'ul ta chiwech ronojel re'.

San Mateo 10:22

Jak'a rix kan konojel k'a xke'etzelan iwichin roma ikuquban ik'u'x wik'in. Jak'a ri kan xtutej ruq'ij chi nipa'e' kow y xtukoch' k'a pa ruk'isibel chire ronojel re', kan xtikolotej-wi.

San Mateo 24:13

Jak'a ri man xtutzolij ta ri' chirij y xtukoch' k'a ri pa ruk'isibel chire ronojel, kan xtikolotej-wi k'a ri'.

San Mateo 25:17

Y keri' chuqa' xuben ri jun chik samajel ri xuk'ul kan ka'i' k'ojelibel rik'in q'anapueq; rija' kan xuch'ek k'a ka'i' chik.

San Mateo 9:19

K'ari' ri Jesús xyakatej-el e rachibilan ri rutijoxela' y xkitzeqelibej-el ri achin ri'.

Marcos 3:3

Man rik'in ri' ri Jesús xubij chire ri achin chi tiyakatej y tipa'e' pa nik'aj.

San Lucas 18:1

K'ari' ri Jesús xutzijoj k'a jun k'ambel-tzij chike ri rutijoxela', richin chi nuk'ut chikiwech chi kan nik'atzin-wi chi jantape' yech'on rik'in ri Dios, y man keq'itej chubanik.

Romanos 2:7

Jak'a kan ek'o winaqi' ri man yetane' ta richin nikiben ri utz. Rije' nikajo' chi ri Dios nuben chike chi nik'oje' kiq'ij y kik'aslen ri man k'isel ta. Y chike rije' ri Dios kan xtuya' ri k'aslen richin tibe-q'ij tibe-seq.

1 Corintios 15:58

Y roma ri', wach'alal ri janila yixinwajo', ninbij k'a chiwe chi kan kow kixk'oje', y man tiya' kan. Kan beneq k'a ruwech tibana' ri rusamaj ri ajaw, y jebel tibana' chire, roma ronojel ri niben roma rija', kan k'o-wi utz ri nuk'en-pe chiwe.

2 Corintios 4:1

Roma ri' roj man yojq'itej ta chubanik ri rusamaj ri Dios ri ruya'on chiqe roma ri rutzil.

2 Corintios 4:16

Jari' ri nibanon chiqe roj chi man jun bey niqamalij qak'u'x, stape' ta ri ch'akulaj ri qak'uan kan nuna-wi janila. Jak'a ri qa-espíritu, pa ruk'exel chi nik'is ta qa ruchuq'a', xa q'ij-q'ij más ruchuq'a' nik'oje-el.

2 Corintios 9:6

Yin ninwajo' k'a ninnataj chiwe: Chi jun tikonel ri xa juba' ok nutik-qa, xa juba' ok chuqa' nrelesaj. Jak'a ri tikonel ri k'iy nutik-qa, kan k'iy k'a nrelesaj.

Efesios 3:13

Roma ri' ninchilabej k'a chiwe chi man timalij ik'u'x y niya' bis pa taq iwánima, roma ri tijoj-poqonal ri nik'owisaj iwoma rix. Y rik'in ri nink'owisaj k'o ta utz nuk'en-pe chiwe rix.

Deut 11:14

rija' kan xtuya-pe ri job pa ruq'ijul pa ruwi' ri ruwach'ulew. Keri' chuqa' xtuya-pe ri saq'ij richin keri' xtik'ol ri jalajoj ruwech ixin, ri vino y ri aceite richin olivo.

2 Tesalonicenses 3:13

Qach'alal, man yixkos chubanik ri utz.

Hebreos 12:3

Kan tich'obo' k'a rij ri xuk'ut kan ri Jesús toq janila xyoq' koma ri aj-maki'. Rija' xukoch' ronojel. Keri' k'a tibana' rix y man kixkos, ni man timalij ik'u'x.

Hebreos 12:5

Rix kan imestan chik ri pixabanik ri ruya'on ri Dios, achi'el jun tata'aj chire ri ruk'ajol, ri nunataj chupan ri ruch'abel ri Dios:*f27* Rix walk'ual alaboni', ri ruk'ayewal ri nuya' ri Jehová chiwe, man tiben chi xa man nik'atzin ta, man itzel tina' toq ri Jehová rik'in ruk'ayewal yixruchojmirisaj.

Hebreos 3:14

Roj jun qabanon rik'in ri Cristo, roma xqakuquba' qak'u'x rik'in toq xqanimaj. Jak'a nik'atzin chi man tiqaya' kan, y jantape' tiqakuquba-apo qak'u'x rik'in, achi'el ri qabanon-pe.

Hebreos 3:6

Jak'a ri Cristo man choj ta samajel richin ri Dios, achi'el ri Moisés. Rija' kan Ruk'ajol-wi ri Dios. Y man xqojrumalij ta kan roj ri oj ruwinaq chik ri Dios, wi niqakuquba-apo qak'u'x rik'in, y rik'in kikoten niqoyobej-apo ri q'ij toq xtibeqila' ronojel ri utzil.

Santiago 5:7

Wach'alal, ninbij k'a chiwe chi kixkoch'on, y man tiya' kan ri koch'onik ri', k'a toq xtapon ri q'ij toq xtipe chik jun bey ri qajaw. Achi'el nuben jun tikonel pa juyu', nikoch'on y nroyobej ri nabey y ruk'isibel taq job, k'a chirij ri' k'ari' nuk'ol ri ruwech ri rutiko'n.

1 Pedro 2:15

Ri Dios kan nrajo' k'a chi rix ja ta ri utz ri niben ronojel bey, richin keri' man jun yetikir nikibij chiwij ri winaqi' ri man jun ketaman y man yech'obon ta jebel.

1 Pedro 3:17

Más utz natej poqon chubanik ri utz, wi keri' rurayibel ri Dios, ke chuwech ja ri etzelal naben.

1 Pedro 4:19

Roma ri', wi ri kiniman ri Dios nikitej poqon roma keri' ri nrajo' rija', jantape' k'a tikibana' ri utz, y tikijacha-ki' pa ruq'a' ri Dios, roma ja rija' ri banayon kichin. Y rija' man jun bey xkeruya' ta kan.

Apocalipsis 2:17

Roma ri', ri k'o rak'axabal kan trak'axaj k'a ri nubij ri Loq'olej Espíritu chike ri molaj nimanela'. Roma achike k'a ri xtich'akon, kan xtinya' k'a ri aj-chikajil-wey chire ri ewan.*f1* Y chuqa' xtinjech k'a jun ti seq abej chire, ri akuchi tz'ibatel-el jun k'ak'a' bi'aj, y xaxe ri nik'ulun richin ri netaman, kacha' chike, xcha' chuwe.

Apocalipsis 2:3

Ik'owisan tijoj-poqonal, y janila ix samajineq woma yin y man jani ix q'itajineq ta.

Apocalipsis 2:7

Roma ri', ri k'o rak'axabal kan trak'axaj k'a ri nubij ri Loq'olej Espíritu chike ri molaj nimanela'. Roma achike ri xtich'akon, xtinya' q'ij chire richin nutej ruwech ri che' ri nuya' k'aslen, ri k'o pa runik'ajal ri qejoj ri kan nik'ases ri richin ri Dios, kacha' chike, xcha' chuwe.